Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

07787983203def9e66b2543e09d110f9

ໂຄງການ​ປະຕິສັງຂອນ​ພະທາດຫຼວງ ​ຄັ້ງ​ທີ IV ໄດ້​ເລີ່ມ​ລົງມື​ຈັດ​ຕັ້ງ​ປະຕິບັດ ພາຍຫຼັງ​ທີ່​ເປີດໂຄງການ​ຢ່າງ​ເປັນ​ທາງ​ການ​ໃນວັນ​ທີ 4 ກັນຍາ 2016 ຜ່ານ​ມາ ຄະນະ​ກຳມະການ​ລະດັບ​ຊາດ ເພື່ອ​ປະຕິສັງຂອນ​ພິ​ພິ​ທະ​ພັນ​ພະທາດຫຼວງ ​ໄດ້​ຕົກລົງ​ເປັນ​ເອກະພາບ​ກັນ​ໃຫ້​ບໍລິສັດ ພູນ​ມີ​ຊັບ ຈຳກັດ ເປັນ​ຜູ້​ຮັບຜິດຊອບ​ການ​ບູ​ລະນະ​ຄັ້ງ​ນີ້ ເນື່ອງ​ຈາ​ກວ່າ​ບໍລິສັດດັ່ງກ່າວ​ມີ​ເງື່ອນໄຂ ແລະ ມີ​ຜົນງານ​ຈາກ​ການ​ປະຕິສັງຂອນ​ພິ​ພິທະ​ພັນ​ຫໍພະແກ້ວ​ໄລຍະ 3.

ທ່ານ ຄຳ​ປະດິດ ເຂັມ​ມານິດ ຫົວໜ້າ​ພະ​ແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນະຄອນຫຼວງ​ວຽງ​ຈັນ ໄດ້​ກ່າວວ່າ: ຈາກ​ການ​ສຳ​ຫຼວດ​ຂອງ​ກົມວິຈິດ​ສິນ ກົມ​ມໍລະດົກ ກະຊວງຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ສົມທົບ​ກັບ​ພະ​ແນກ ຖວທ ນວ ກ່ຽວ​ກັບ​ໜ້າ​ວຽກ​ທີ່ຈະ​ໄດ້​ປະຕິສັງຂອນ​ພະ​ທາດຫຼວງ ຄັ້ງ​ທີ IV ຕາມ​ທິດ​ຊີ້​ນຳ​ຂອງ​ກະຊວງ ຖວທ ແລະ ຜ່ານ​ການ​ສຳຫຼວດ​ເຫັນ​ວ່າມີ 3 ພາກສ່ວນໃຫຍ່ຄື: ຕົວ​ພະທາດ​ໃຫຍ່ ເດີ່ນກົມ​ມະ​ລຽນ ແລະ ຂອບ​ເຂດ​ສະໜາມ​ຫຍ້າ​ອ້ອມ​ເດີ່ນ ປະກອບ​ມີ 8 ກິດຈະກຳ ແລະ ຫຼາຍກວ່າ 10 ໜ້າ​ວຽກ ທີ່​ໄດ້​ດຳເນີນ​ທາງ​ດ້ານເຕັກນິກ ແນໃສ່​ເຮັດ​ໃຫ້​ພະທາດຫຼວງ​ທີ່​ເປັນ​ຄຸນຄ່າ​ທາງ​ດ້ານ​ປະຫວັດ​ສາດ ວັດທະນະທຳ ມີຄວາມ​ສວຍ​ສົດ​ງົດ​ງາມ ມີ​ຄວາມຍືນ​ຍົງ​ຢູ່​ຄຽງຄູ່​ກັບ​ຊາດ​ລາວ ແລະ ຄົນ​ລາວ​ຕະຫຼອດ​ໄປ.

ສຳລັບ​ການ​ປະຕິສັງຂອນ​ຄັ້ງ​ນີ້ ມີ​ມູນ​ຄ່າ​ປະມານ 10 ຕື້​ກວ່າ​ກີບ ແລະ ຈະ​ໃຫ້​ສຳເລັດ​ທັນ​ກັບ​ການສະເຫຼີມສະຫຼອງ​ພະ​ທາດຫຼວງ ຄົບຮອບ 450 ປີ ເຊິ່ງ​ຕາມ​ປະຕິທິນ​ກິດຈະກຳ​ຈະໄດ້​ເລີ່ມວັນ​ທີ 30 ກັນຍາ-2 ຕຸລາ 2016 ແມ່ນຈະ​ໄດ້​ນຳ​ເອົາ​ຄຳ​ທີ່​ໄດ້​ຮັບ​ການປະກອບສ່ວນ​ທັງ​ໝົດ ​ມາ​ລວມກັນ​ແລ້ວ​ຫຼອມ ແລະ ຕີ​ເປັນ​ແຜ່ນ ນຳ​ມາ​ໂອບ​ຈອມ​ພະທາດ ໂລກາ ຈຸນ​ລະ​ມະນີ ຈຳນວນ 30 ລູກ ແລະ ພະທາດ​ສີ​ທຳ​ມະ​ຫາຍ​ໂສກ ພ້ອມ​ທັງ​ຈັດ​ພິທີ​ປຸກລະດົມການປະກອບສ່ວນ​ວັດຖຸ​ປັດ​ໄຈ ຈາກ​ພໍ່ແມ່​ປະຊາຊົນ​ຕື່ມ​ອີກ ນອກ​ນັ້ນ ລະຫວ່າງ​ກາງ​ເດືອນຕຸລາ ທີ່​ພິ​ພິທະ​ພັນ​ຫໍພະແກ້ວ ຈະ​ໄດ້​ຈັດ​ພິທີສົມໂພດ​ຜາສາດ​ພະແກ້ວ​ມໍ​ລະກົດ ເນື່ອງ​ຈາກ​ປັດຈຸບັນ​ໄດ້​ສຳເລັດ​ການ​ກໍ່ສ້າງ​ແລ້ວ ແລະ ກຳລັງ​ຕິດ​ໃບ​ຄຳປິວ.

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 60

ຈຳນວນຜູ້ເຂົ້າຊົມວານນີ້ 64

ຈຳນວນຜູ້ເຂົ້າຊົມອາທິດນີ້ 214

ຈຳນວນຜູ້ເຂົ້າຊົມເດືອນນີ້ 652

ຈຳນວນຜູ້ເຂົ້າຊົມທັງໝົດ 37881

Currently are 44 guests and no members online

ແຜນທີ່ນະຄອນຫຼວງວຽງຈັນ