Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

14317435 324107114604488 2680852791562125446 n

ວັນ​ທີ 13 ກັນຍາ 2016 ທ່ານ ພຸດ​ທະ​ກອນ ບຸ​ຜາ​ສວັນ ພ້ອມດ້ວຍ​ຄອບຄົວ ໄດ້​ນຳ​ຄຳ 5 ບາດ ມູນ​ຄ່າ 27,37 ລ້ານ​ກີບ ແລະ ທ່ານ ສິລິ​ລາດ​ທົງ​ສິນ ທອງ​ເພັງ ພ້ອມ​ດ້ວຍ​ຄອບຄົວ ນຳ​ຄຳ 4 ບາດ ມູນ​ຄ່າ 21,89 ລ້ານ​ກີບ ໄປມອບ​ໃຫ້​ຄະນະ​ຮັບຜິດຊອບ​ໂຄງການ​ປະຕິສັງຂອນ​ພະ​ທາດຫຼວງ ຄັ້ງ​ທີ IV ເພື່ອ​ປະກອບສ່ວນ​ເປັນເຈົ້າ​ສັດທາ​ໃນ​ໂຄງການ​ດັ່ງກ່າວ ຂຶ້ນ​ທີ່​ຫ້ອງ​ວ່າການ​ປົກຄອງ​ນະຄອນ​ຫຼວງ​ວຽງ​ຈັນ (ນວ) ກ່າວຮັບໂດຍ ​ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງ ນວ ຜູ້​ຮັບຜິດຊອບວຽກ​ງານ​ວັດທະນະທຳ-ສັງຄົມ ທັງ​ເປັນ​ຜູ້​ປະຈຳການ ມີ​ທ່ານ ພູ​ວົງ ວົງ​ຄຳ​ຊາວ ຫົວໜ້າ​ຫ້ອງວ່າການ ນວ ທ່ານ ໂຄຈອນ ແກ້ວ​ມະນີ​ວົງ ຮອງ​ຫົວໜ້າ​ພະແນກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ນວ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ພາຍຫຼັງ​ໄດ້​ເປີດ​ໂຄງການ​ປະຕິ​ສັງ​ຂອນ​ພະ​ທາດຫຼວງ ຄັ້ງ​ທີ IV ວັນ​ທີ 4 ກັນຍາ 2016 ມາ​ຮອດປັດຈຸບັນ ມີ​ພາກສ່ວນ​ຕ່າງໆ​ທີ່​ມີຈິດໃຈ​ໃສ​ສັດທາ​ປະກອບສ່ວນແລ້ວ​ຄຳ 10 ກິ​ໂລ 45 ບາດ 55 ສະຫຼຶງ 57 ຫຸນ ເງິນ 66.015.000 ກີບ 2.036.000 ບາດ 244 ໂດ​ລາສະຫະລັດ 500 ຢວນ ນອກ​ນີ້ຍັງມີ​ພາກສ່ວນ​ທີ່​ມີ​ເຈດ​ຈຳນົງ​ຈະມອບ​ຕື່ມ​ອີກ 142,5 ລ້ານ​ກີບ.

ການ​ກະກຽມ​ສະຖານທີ່​ເພື່ອຫຼໍ່​ຄຳ​ເປັນ​ແຜ່ນ​ຈະ​ຈັດ​ຂຶ້ນວັນ​ທີ 30 ກັນຍາ 2016 ສ່ວນ​ວັນ​ທີ 1 ຕຸລາ 2016 ຈະ​ມີ​ການ​ລະດົມທຶນ​ກຽມ​ພິທີ​ຫຼໍ່​ຄຳ​ເປັນ​ແຜ່ນ ວັນ​ທີ 2 ຕຸລາ 2016 ຈະ​ເປັນ​ມື້​ຫຼໍ່​ຄຳ ເພື່ອ​ກະກຽມ​ໂອບ​ຍອດ​ພະທາດຫຼວງ ວັນ​ທີ 29-30 ຕຸລາ 2016 ຈະ​ຫ້າງ​ຫາ​ກະກຽມ​ພິທີ​ໂອບ​ຄຳໃສ່​ຍອດ​ພະ​ທາດຫຼວງ ວັນ​ທີ 31 ຕຸລາ 2016 ຈະ​ຈັດ​ພິທີ​ໂອບ​ຄຳໃສ່​ຍອດ​ພະ​ທາດຫຼວງ ວັນ​ທີ 8 ພະຈິກ 2016 ຈະ​ເລີ່ມ​ຕົ້ນ​ບຸນ​ນະມັດ​ສະການ​ພະ​ທາດຫຼວງ ສ່ວນວັນ​ທີ 12-14 ພະຈິກ 2016 ຈະມີ​ພິທີ​ສະເຫຼີມສະຫຼອງ​ພະທາດຫຼວງ ຄົບຮອບ 450 ປີ ແລະ ພິທີສົມໂພດ​ຍອດ​ພະ​ທາດຫຼວງ​ໂອບຄຳ (ບຸນ​ພະ​ທາດຫຼວງ).

ດັ່ງນັ້ນ ບັນດາ​ທ່ານ​ທີ່​ມີ​ເຈດຈຳນົງ ​ຢາກ​ປະກອບສ່ວນ​ໃນ​ການ​ປະຕິສັງຂອນ​ພະ​ທາດຫຼວງ ຄັ້ງ​ທີ IV ສາມາດ​ຕິດຕໍ່​ພົວພັນ​ກັບ​ຄະນະ​ຮັບຜິດຊອບ​ໂຄງການ​ໄດ້ ເຊິ່ງເງິນ ແລະ ຄຳ​ທັງ​ໝົດ​ທີ່​ໄດ້​ຮັບການ​ປະກອບສ່ວນ ຈະ​ນຳ​ໃຊ້​ເຂົ້າໃນ​ການ​ບູລະນະ​ປະຕິສັງຂອນ​ອົງພະທາດ ເຊັ່ນ: ເອົາ​ຄຳ​ໂອບ​ຍອດພະ​ທາດຫຼວງ ສາບ​ປູນ​ຮອຍ​ແຕກແຫງ​ຂອງ​ອົງ​ພະທາດກາບ​ດອກບົວ​ພະທາດ ສ້ອມແປງ​ກົມ​ມະລຽນ (ຢາ​ກົມ​ມະ​ລຽນ​ທີ່​ປູນ​ຂຸ​ຜຸ່ຍອອກ ແລະ ຊຸ້ມ​ປະຕູ​ທັງ 4 ເບື້ອງ) ລະບົບ​ໄຟຟ້າ ຮ່ອງ​ລະບາຍ​ນ້ຳ ສວນ​ດອກ​ໄມ້​ປະດັບ ແລະ ວຽກ​ຍ່ອຍ​ອື່ນໆ​ອີກ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 87

ຈຳນວນຜູ້ເຂົ້າຊົມວານນີ້ 101

ຈຳນວນຜູ້ເຂົ້າຊົມອາທິດນີ້ 589

ຈຳນວນຜູ້ເຂົ້າຊົມເດືອນນີ້ 1469

ຈຳນວນຜູ້ເຂົ້າຊົມທັງໝົດ 34457

Currently are 16 guests and no members online

ແຜນທີ່ນະຄອນຫຼວງວຽງຈັນ