ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

3255fe109df7bf2751d4f9f2e7da695f

 

ໃນ​ຍຸກ​ປະຊາ​ຄົມ​ເສດຖະກິດອາ​ຊຽນ 10 ປະເທດ​ສະມາຊິກ ໄດ້​ເອົາໃຈໃສ່​ຢ່າງ​ຕັ້ງໜ້າ ເຂົ້າໃນ​ການ​ປັບປຸງ ແລະ ຍົກ​ລະດັບຂີດ​ຄວາມ​ສາມາດ​ການ​ບໍລິການ-ຂົນສົ່ງ ໃຫ້​ມີ​ຄວາມ​ວ່ອງໄວ ຮັບປະກັນ​ໄດ້​ຄວາມ​ປອດ​ໄພ​ຮອບດ້ານ ສຳລັບ​ລັດຖະບານ​ລາວ ກໍ່ໄດ້​ຊຸກຍູ້​ບັນດາ​ຫົວໜ່ວຍ​ທຸລະ​ກິດພາກ​ເອກະ​ຊົນ ປະກອບສ່ວນຢ່າງ​ຕັ້ງໜ້າ ​ເຂົ້າ​ໃນ​ການ​ປັບປຸງສະຖານີ​ຂົນສົ່ງ​ ໃຫ້​ມີ​ຄຸນະພາບ ຮອງ​ຮັບ​ການ​ຂະຫຍາຍຕົວ​ທາງດ້ານ​ເສດຖະກິດ- ສັງຄົມ ໃນ​ຍຸກປະຊາ​ຄົມ​ເສດຖະກິດ​ອາ​ຊຽນ AEC ຊຶ່ງ​ໃນ​ປີ 2013 ຜູ້​ປະກອບການ​ທຸລະ​ກິດ​ສະຖານີ​ຂົນສົ່ງໂດຍສານ​ສາຍ​ໃຕ້ ໄດ້​ໃຊ້​ງົບ​ປະມານກວ່າ 40 ຕື້​ກີບ ສ້າງ​ສະ​ຖານີ​ຂົນສົ່ງ​ແຫ່ງ​ໃໝ່​ຂຶ້ນ ເພື່ອ​ອຳນວຍ​ຄວາມ​ສະດວກ ກໍ່​ຄືກັນ​ຫຼຸດຜ່ອນ​ຄວາມ​ແອ​ອັດ​ຂອງ​ລົດ​ໂດຍສານ ​ໃນ​ເສັ້ນທາງ​ຫຼັກ​ໃຫ້​ນະຄອນ​ຫຼວງ​ວຽງ​ຈັນ.

 

ພິທີ​ເປີດ​ນຳ​ໃຊ້​ຢ່າງ​ເປັນ​ທາງການ ສະຖານີ​ຂົນສົ່ງ​ໂດຍສານທາງໄກ​ສາຍ​ໃຕ້-ສາຍ​ຕ່າງ​ປະເທດ (ນະຄອນຫຼວງ​ວຽງ​ຈັນ) ຈັດຂຶ້ນ​ວັນ​ທີ 1 ກັນຍາ 2016 ຢູ່​ທີ່ບ້ານ​ສະພັງ​ເມິກ ເມືອງ​ໄຊ​ທານີ ນະຄອນຫຼວງ​ວຽງ​ຈັນ ມີ​ທ່ານ ແກ້ວ​ພິລາ​ວັນ ອາ​ໄພ​ລາດ ຮອງເຈົ້າ​ຄອງ​ນະຄອນຫຼວງ​ວຽງ​ຈັນ ພ້ອມ​ດ້ວຍ​ຜູ້ຕາງໜ້າ​ຈາກ​ກະຊວງ ​ຍທຂ ບັນດາ​ຫົວໜ້າ​ພະແນກ ຫ້ອງການ ແລະ ຜູ້​ປະກອບ​ການ​ຂົນສົ່ງ​ເຂົ້າ​ຮ່ວມ.

ທ່ານ ຈັນ​ເພັງ ສີ​ສຸກ ຜູ້​ອຳນວຍ​ການ​ສະຖານີ​ຂົນສົ່ງ​ໂດຍສານ​ທາງໄກ​ສາຍ​ໃຕ້-ສາຍ​ຕ່າງປະເທດ ກ່າວ​ວ່າ: ສະຖານີ​ຂົນສົ່ງໂດຍສານ​ແຫ່ງ​ໃໝ່​ນີ້ ເລີ່ມ​ຕົ້ນການ​ກໍ່ສ້າງ​ແຕ່​ປີ 2013 ປັດຈຸບັນ ການ​ກໍ່ສ້າງ​ທັງ​ໝົດສຳເລັດ​ແລ້ວ 95% ສະຖານີ​ຕັ້ງ​ຢູ່​ເສັ້ນທາງ 450 ປີ ຫ່າງ​ຈາກ​ສະຖານີ​ເກົ່າ ປະມານ 600 ແມັດ ມີ​ເນື້ອທີ່ທັງໝົດ 34.631 ຕາ​ແມັດ ມູນ​ຄ່າການ​ກໍ່ສ້າງ​ທັງ​ໝົດ 45 ຕື້​ກີບ ຊຶ່ງສະຖານີ​ຂົນສົ່ງ​ໂດຍສານ​ແຫ່ງໃໝ່​ນີ້ ສາມາດຮອງ​ຮັບ​ລົດ​ໂດຍສານ​ໄດ້​ຫຼາຍ​ກວ່າ 400 ຄັນ ສະຖານ​ທີ່​ຈອດ​ລົດ​ຂອງ​ຜູ້​ມາ​ຊົມໃຊ້ບໍລິການ​ມາ​ຮັບ-ສົ່ງ​ຜູ້ໂດຍສານລົດ​ໃຫຍ່ 130 ຄັນ ແລະ ລົດຈັກ ປະມານ 1.000 ຄັນ ພ້ອມ​ນີ້ ທ່ານ ຈັນ​ເພັງ ສີ​ສຸກ ຍັງ​ຮຽກຮ້ອງ​ມາ​ຍັງ​ຜູ້ໂດຍສານ ຕະຫຼອດຮອດ​ຜູ້​ທີ່​ມາ​ຊົມໃຊ້​ບໍລິການ ເປັນເຈົ້າ​ການ​ຢ່າງ​ຕັ້ງໜ້າ​ເຂົ້າ​ໃນການ​ສອດສ່ອງ ປະກອບສ່ວນຊ່ວຍ​ເຈົ້າ​ໜ້າທີ່​ກວດກາ​ສິ່ງ​ຜິດກົດໝາຍ ບໍ່​ເປີດ​ໂອກາດ​ໃຫ້​ກຸ່ມຄົນ​ບໍ່​ດີ​ສວຍ​ໃຊ້​ສະຖານີ-ລົດໂດຍສານ ຊຸກເຊື່ອງ-ຂົນສົ່ງ​ສິ່ງຜິດ​ກົດໝາຍ​ຢ່າງ​ເດັດຂາດ ໂດຍສະເພາະ ໄລຍະ​ນີ້ ​ສປປ ລາວ ໄດ້​ຮັບ​ກຽດ​ເປັນ​ເຈົ້າພາບ​ຈັດ​ກອງ​ປະຊຸມ​ສຸດ​ຍອດ​ອາ​ຊຽນ ຄັ້ງ​ທີ 28-29 ໃນ​ຕົ້ນ​ເດືອນ​ກັນຍາ 2016 ທຸກ​ພາກສ່ວນ​ຕ້ອງ​ເປັນເຈົ້າ​ການ​ຢ່າງ​ຕັ້ງໜ້າ​ ເຂົ້າ​ໃນການ​ຮັກສາ​ຄວາມ​ສະຫງົບ​ປອດໄພ ແລະ ສ້າງ​ໃຫ້​ສະຖານທີ່​ບໍ​ລິການ​ໃຫ້​ມີ​ຄວາມ​ເປັນ​ລະບຽບສວຍ​ງາມ ແລະ ເປັນ​ເຈົ້າພາບທີ່​ດີ ເພື່ອ​ໃຫ້​ກອງ​ປະຊຸມ​ທີ່​ມີຄວາມ​ໝາຍ​ສຳຄັນ​ຄັ້ງ​ນີ້ ປະສົບຜົນ ສຳເລັດ​ຕາມ​ແຜນການ​ວາງໄວ້.

 

ໂດຍ: ວຽງຈັນວັນໃຫມ່ ຂ່າວສານທັນສະໄມເພື່ອຊາວວຽງ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 41

ຈຳນວນຜູ້ເຂົ້າຊົມວານນີ້ 44

ຈຳນວນຜູ້ເຂົ້າຊົມອາທິດນີ້ 85

ຈຳນວນຜູ້ເຂົ້າຊົມເດືອນນີ້ 620

ຈຳນວນຜູ້ເຂົ້າຊົມທັງໝົດ 53000

Currently are 27 guests and no members online