Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

aaaaa7681c98c06b1cabd9b4fba2ffa1

ພະ​ແນກ​ຊັບພະຍາກອນ​ທຳມະ​ຊາດ ແລະ ສິ່ງແວດລ້ອມ ນະຄອນ​ຫຼວງ​ວຽງ​ຈັນ (​ພຊສ.ນວ) ຈັດ​ກິດຈະກຳ​ປ່ອຍ​ສັດ​ນ້ຳ-ສັດປ່າ ແລະ ປູກ​ຕົ້ນໄມ້ຄືນ​ສູ່​ທຳ​ມະຊາດ ຂຶ້ນ​ວັນ​ທີ 26 ກໍລະກົດ 2016 ທີ່​ໜອງ​ປ່າ​ສະຫງວນຫ້ວຍ​ຍາງ ເມືອງ​ໄຊ​ທານີ ນະຄອນ​ຫຼວງ​ວຽງ​ຈັນ ໂດຍ​ມີ​ທ່ານ ບຸນ​ໂຮມ ເຮືອງ​ສະ​ຫວັດ ຫົວໜ້າ ​​ພຊສ.ນວ ມີ​ຮອງ​ຫົວໜ້າ​ພະແນກ ຫົວໜ້າ​ຂະແໜງ ຮອງ​ຫົວໜ້າ​ຂະແໜງ ພ້ອມ​ດ້ວຍ​ພະນັກງານ​ວິຊາ​ການ ອຳນາດ​ການ​ປົກຄອງ​ອ້ອມ​ຂ້າງ​ເຂົ້າ​ຮ່ວມ.

ທ່ານ​ຫົວໜ້າ ​​ພຊສ.ນວ ກ່າວວ່າ: ເນື່ອງ​ໃນ​ໂອກາດ​ວັນ​ອະນຸຮັກ​ສັດ​ນ້ຳ-ສັດປ່າ​ແຫ່ງ​ຊາດ (13 ກໍລະກົດ) ພ້ອມ​ທັງ​ແມ່ນ​ວັນ​ຄ້າຍວັນ​ເກີດ ປະທານ​ ສຸ​ພານຸ​ວົງ ຜູ້ນຳທີ່​ແສນ​ເຄົາລົບ​ຮັກ​ຂອງ​ພວກ​ເຮົາ ເພື່ອ​ສົ່ງເສີມ​ການ​ລ້ຽງ ການ​ຂະຫຍາຍ​ພັນ ແລະ ການ​ນຳ​ໃຊ້​ສັດນ້ຳ-ສັດປ່າຢ່າງ​ຍາວ​ນານ ໂດຍບໍ່​ໃຫ້​ມີ​ຜົນ​ກະທົບ​ຕໍ່​ທຳ​ມະ​ຊາດ ຖິ່ນ​ທີ່ຢູ່​ອາໄສ ຈຳກັດ​ການ​ຫຼຸດ​ລົງ ແລະ ການ​ສູນພັນ​ຂອງ​ສັດ​ນ້ຳ-ສັດປ່າ ພ້ອມ​ທັງ​ປຸກລະດົມ​ທົ່ວປວງ​ຊົນ ເປັນ​ເຈົ້າ​ການ​ເຂົ້າ​ຮ່ວມໃນ​ການ​ຄຸ້ມ​ຄອງ ກວດກາ ອະນຸຮັກ ປົກ​ປັກ​ຮັກສາ ພັດທະນາ ແລະ ນຳ​ໃຊ້​ສັດ​ນ້ຳ-ສັດປ່າ ໃຫ້​ມີຄວາມ​ຍືນ​ຍົງ.

ໃນ​ຂອບ​ເຂດ​ທົ່ວ​ປະເທດ ຈົ່ງພ້ອມ​ກັນ​ປະຕິບັດ​ຄຳ​ຂວັນ​ທີ່​ວ່າ: ບໍ່​ຈັບ ບໍ່​ຂ້າ ບໍ່​ຄ້າ ບໍ່​ຂາຍ​ສັດປ່າ ແລະ ປ່ອຍ​ຄືນ​ສູ່​ທຳ​ມະ​ຊາດ ໃຫ້ຂະຫຍາຍ​ພັນ ແລະ ຮັກສາ​ສິ່ງແວດ​ລ້ອມ​ທີ່​ອຸດົມສົມບູນ​ຕະຫຼອດໄປ ສຳລັບ​ປາ​ທີ່​ນຳ​ມາ​ປ່ອຍ​ຄັ້ງ​ນີ້ ມີ​ຈຳນວນ 15 ພັນ​ໂຕ ໃນ​ນັ້ນມີປາ​ນິນ ປາປາກ ປາ​ກິນ​ຫຍ້າ ປາເກັດ​ແລບ ແລະ ອື່ນໆ ພ້ອມ​ດຽວກັນ​ນີ້ ກໍ່​ໄດ້​ປູກ​ຕົ້ນໄມ້​ຈຳນວນ​ໜຶ່ງໃສ່​ຕໍ່ໜ້າ​ສຳນັກງານ ເພື່ອ​ສ້າງຄວາມ​ອຸດົມສົມບູນຄືນ​ສູ່​ທຳ​ມະຊາດ.

 

ທີ່ມາຈາກ: ໜັງສືພີມວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 46 guests and no members online

ແຜນທີ່ນະຄອນຫຼວງວຽງຈັນ