Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

3126acc724401b3eba8e167a83b55a24

ວັນ​ທີ 25 ກໍລະກົດ 2016 ພະ​ແນກ​ສຶກ​ສາ​ທິ​ການ ແລະ ກີລາ ນະຄອນຫຼວງ​ວຽງ​ຈັນ ໄດ້​ຈັດພິທີ​ສະຫຼຸບ​ຜົນ​ການ​ສອບເສັງ ​ຊັ້ນມັດທະຍົມ​ສຶກ​ສາ​ຕອນ​ຕົ້ນ ມ4 ແລະ ມັດທະຍົມ​ສຶກ​ສາ​ຕອນ​ປາຍ ມ7 ສົກຮຽນ 2015-2016 ຂຶ້ນ ທີ່​ໂຮງຮຽນ ​ມສ ວຽງ​ຈັນ ໃຫ້ກຽດ​ເຂົ້າ​ຮ່ວມ​ຂອງ​ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ ສີ​ນະຄອນ ທຸມ​ມະ​ລັດ ຫົວໜ້າ​ຫ້ອງການກະຊວງ​ສຶກ​ສາ​ທິ​ການ ແລະ ກີລາ ພ້ອມ​ດ້ວຍ​ບັນດາ​ເຈົ້າເມືອງ ຮອງເຈົ້າເມືອງ 9 ຕົວ​ເມືອງ ຜູ້​ອຳນວຍ​ການ ຄູ-ອາຈານ ແລະ ນ້ອງ​ນັກຮຽນ​ເຂົ້າ​ຮ່ວມ.

ທ່ານ ຊົມ​ພູ ແກ້ວ​ປັນຍາ ຫົວໜ້າ​ພະ​ແນກ​ສຶກ​ສາ​ທິ​ການ ແລະ ກີລາ ນະຄອນຫຼວງ​ວຽງ​ຈັນ ໄດ້ຜ່ານ​ບົດ​ສະຫຼຸບ​ການ​ສອບເສັງ ຈົບ​ຊັ້ນ​ມັດທະຍົມ​ສຶກ​ສາ​ຕອນ​ຕົ້ນ ມ4 ແລະ ມັດທະຍົມ​ສຶກ​ສາ​ຕອນປາຍ ມ7 ສົກຮຽນ 2015-2016 ວ່າ: ທົ່ວ​ນະຄອນຫຼວງ​ວຽງ​ຈັນ ມີ​ໂຮງຮຽນ​ມັດທະຍົມ​ຕອນ​ຕົ້ນ ແລະ ຕອນ​ປາຍ​ທັງ​ໝົດ 154 ແຫ່ງ ໃນ​ນັ້ນ ພາກ​ເອກະ​ຊົນ​ມີ 52 ແຫ່ງ ຈຳນວນ​ນັກຮຽນ​ທັງໝົດ 81.787 ຄົນ ຍິງ 40.118 ຄົນ ໃນ​ນັ້ນ ນັກຮຽນ ມ4 ມີ 11.976 ຄົນ ຍິງ 5.930 ຄົນ ນັກຮຽນ ມ7 ມີ 9.569 ຄົນ ຍິງ 4.822 ຄົນ ຜ່ານ​ການ​ສອບເສັງ ຊັ້ນ ມ4 ມີໜ້າ​ສອບເສັງ​ຕົວ​ຈິງ 11.840 ຄົນ ຍິງ 5.811 ຄົນ ເສັງ​ໄດ້​ທັງ​ໝົດ 11.797 ຄົນ ຍິງ 5.855 ຄົນ ເທົ່າ​ກັບ 99,64% ໃນ​ນີ້ ເສັງ​ໄດ້​ຮອບດ້ານ ຄະແນນ 7 ທຸກ​ວິຊາ​ຂຶ້ນ​ໄປ​ມີ 129 ຄົນ ຍິງ 84 ຄົນ ເທົ່າ​ກັບ 1,09% ແລະ ນັກຮຽນ​ທີ່​ເສັງ​ໄດ້​ຄະແນນ​ສູງ​ສຸດ 42 ຄະແນນ​ມີ​ຈຳນວນ 4 ຄົນ ສຳລັບ​ຊັ້ນ ມ7 ມີໜ້າ​ສອບເສັງຕົວ​ຈິງ 9.492 ຄົນ ຍິງ 4.776 ຄົນ ເທົ່າ​ກັບ 99,48% ໃນ​ນີ້ ເສັງ​ໄດ້​ຮອບດ້ານ​ຄະແນນ 7 ທຸກວິຊາ​ຂຶ້ນ​ໄປ​ມີ  261 ຄົນ ຍິງ 141 ຄົນ ເທົ່າ​ກັບ 2,75% ແລະ ນັກຮຽນ​ທີ່​ເສັງ​ໄດ້​ຄະແນນ​ສູງ​ສຸດ 35 ຄະແນນ​ມີ​ຈຳນວນ 1 ຄົນ.

ໃນ​ພິທີ​ດັ່ງກ່າວ ​ຍັງ​ໄດ້​ມີ​ການມອບ​ໃບ​ຍ້ອງຍໍ​ຂອງ​ເຈົ້າ​ຄອງ ​ໃຫ້ຄູ​ສອນ​ນັກຮຽນ​ເກ່ງ​ສາມາດ​ສອບເສັງ​ໄດ້​ອັນ​ດັບ​ທີ 1  ທີ 2 ໃນ​ການສອບເສັງ​ແຂ່ງຂັນ​ນັກຮຽນ​ເກ່ງລະດັບ​ຊາດ ສົກ​ປີ 2015-2016 ຈຳນວນ 32 ຄົນ ແລະ ໃຫ້​ນັກຮຽນ​ທີ່​ສອບເສັງໄດ້​ອັນ​ດັບ​ທີ 1 ໃນ​ການ​ສອບເສັງ​ຈົບ​ຊັ້ນ ມ4 ມ7 ສົກ​ປີ 2015-2016 ຈຳນວນ 5 ຄົນ ນອກ​ນີ້ຍັງ​ມອບ​ໃບ​ຍ້ອງຍໍຫົວໜ້າ​ພະ​ແນກ​ສຶກ​ສາ​ທິ​ການ ແລະ ກີລານະຄອນຫຼວງ​ ໃຫ້​ກັບໂຮງຮຽນ​ທີ່​ສາມາດ​ສ້າງ​ນັກ​ສອບເສັງ​ໄດ້​ຮອບດ້ານ ຈຳນວນ 9 ໂຮງຮຽນ ມອບ​ໃບ​ຍ້ອງຍໍ​ນັກຮຽນ​ເກ່ງ​ຂັ້ນ ມ4 ມ7 ທີ່​ສາມາດເສັງ​ໄດ້​ເກ່ງ​ຮອບດ້ານ ແລະ ມອບລາງວັນ​ໃຫ້​ນັກຮຽນ​ທີ່​ສາມາດສອບເສັງ​ໄດ້​ອັນ​ດັບ​ທີ 1 ທີ 2 ໃນການ​ສອບເສັງ​ແຂ່ງຂັນ​ນັກຮຽນເກ່ງ​ລະດັບ​ຊາດ ຈຳນວນ 10 ນ້ອງ​ຕື່ມ​ອີກ.

 

ທີ່ມາຈາກ: ໜັງສືພີມວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 50 guests and no members online

ແຜນທີ່ນະຄອນຫຼວງວຽງຈັນ