Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

13700167 295917354090131 8622091370941114129 n

ພິທີຖະແຫຼງຂ່າວກ່ຽວກັບການຍົກຍ້າຍຊາວຄ້າຂາຍ ອອກຈາກຕະຫຼາດທາດຫຼວງຊົ່ວຄາວ ຈຳນວນ 500 ກວ່າຮ້ານ ໄປຢູ່ສະຖານທີ່ແຫ່ງໃໝ່ ໄດ້ມີຂຶ້ນວັນທີ 18 ກໍລະກົດ 2016 ທີ່ສຳນັກງານປົກຄອງເມືອງໄຊເຊດຖາ ນະຄອນຫຼວງວຽງຈັນ ໂດຍການຖະແຫຼງຂ່າວຂອງທ່ານ ພຸດທະພອນ ໂຄດປັນຍາ ຮອງເຈົ້າເມືອງໄຊເຊດຖາ ທັງເປັນຫົວໜ້າຄະນະກຳມະການສະເພາະກິດຍົກຍ້າຍ ຕະຫຼາດທາດຫຼວງຊົ່ວຄາວ ມີພາກສ່ວນກ່ຽວຂ້ອງ ແລະ ສື່ມວນຊົນເຂົ້າຮ່ວມ.

ອີງຕາມມະຕິກອງປະຊຸມຄະນະບໍລິຫານງານພັກ-ອົງການປົກຄອງ ນະຄອນຫຼວງວຽງຈັນ ປະຈຳໄຕມາດ III ອີງຕາມກອງປະຊຸມອົງການປົກຄອງ ນະຄອນຫຼວງວຽງຈັນ ຄັ້ງວັນທີ 20 ມິຖຸນາ 2016 ເຫັນດີໃຫ້ຍົກຍ້າຍຊາວຄ້າຂາຍຢູ່ຕະຫຼາດທາດຫຼວງຊົ່ວຄາວ ອອກກ່ອນວັນທີ 23 ສິງຫາ 2016 ແລະ ອີງຕາມກອງປະຊຸມເຈົ້າເມືອງ-ຮອງເຈົ້າເມືອງ ຄັ້ງວັນທີ 21 ມິຖຸນາ 2016 ພ້ອມນັ້ນ ເພື່ອສ້າງຄວາມເປັນລະບຽບຮຽບຮ້ອຍ ໃຫ້ແກ່ການເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 28 ທີ່ ສປປ ລາວ ເປັນເຈົ້າພາບຈັດຂຶ້ນໃນປີ 2016 ນີ້ ແລະ ເພື່ອຫຼຸດຜ່ອນຄວາມແອອັດຂອງການສັນຈອນ ທັງເປັນການຈັດຕັ້ງປະຕິບັດລະບຽບການຄຸ້ມຄອງຕະຫຼາດ ແລະ ກົດໝາຍວ່າດ້ວຍຜັງເມືອງ ເພາະຕະຫຼາດດັ່ງກ່າວ ມີທີ່ຕັ້ງບໍ່ສອດຄ່ອງກັບກົດໝາຍດັ່ງກ່າວ ເພື່ອຜັນຂະຫຍາຍຕາມທິດອຸດສາຫະກຳທີ່ທັນສະໄໝ ນອກນັ້ນ ເປັນການປະຕິບັດສັນຍາລະຫວ່າງຜູ້ສຳປະທານ ແລະ ຜູ້ໃຫ້ສຳປະທານ ພາຍຫຼັງທີ່ສູນການຄ້າທາດຫຼວງສະແຄວ໌ສຳເລັດ ຊາວຄ້າຂາຍຕ້ອງໄດ້ຍົກຍ້າຍໄປສູ່ສູນການຄ້າດັ່ງກ່າວ ຫຼື ສະຖານທີ່ແຫ່ງໃໝ່ ເຊິ່ງຄະນະກຳມະການສະເພາະກິດຍົກຍ້າຍຕະຫຼາດທາດຫຼວງຊົ່ວຄາວ ໄດ້ຈັດສະຖານທີ່ຮອງຮັບພໍ່ຄ້າຊາວຂາຍທີ່ຈະຍ້າຍອອກຈາກຕະຫຼາດທາດຫຼວງຊົ່ວຄາວ ນອກຈາກສູນການຄ້າທາດຫຼວງສະແຄວ໌ ຍັງມີຕະຫຼາດໂນນຄໍ້ໃຕ້ ຕະຫຼາດຄຳສະຫວາດ ແລະ ຕະຫຼາດໄຮ່ຄຳ (ນາຄວາຍ) ນອກຈາກນີ້ ຍັງມີຕະຫຼາດອື່ນໆພາຍໃນນະຄອນຫຼວງວຽງຈັນ ທີ່ພໍ່ຄ້າຊາວຂາຍສາມາດເລືອກສະຖານທີ່ຄ້າຂາຍໄດ້.

ສຳລັບການຍົກຍ້າຍຕະຫຼາດທາດຫຼວງຊົ່ວຄາວ ໄປຍັງສະຖານທີ່ແຫ່ງໃໝ່ ທີ່ຄະນະກຳມະການດັ່ງກ່າວຈັດສັນໃຫ້ນັ້ນ ຈະມີນະໂຍບາຍພິເສດໂດຍການບໍ່ເກັບຄ່າເຊົ່າເປັນເວລາ 6 ເດືອນ ເຊິ່ງຜ່ານມານັບແຕ່ວັນທີ 1 ມັງກອນ 2016 ທາງຄະນະກຳມະການ ກໍ່ໄດ້ລົງຈັດຕັ້ງເຜີຍແຜ່ແຈ້ງການເລກທີ 028/ຈມ.ຊຖ ໃຫ້ຊາວຄ້າຂາຍໄດ້ຮັບຮູ້ ແລະ ພ້ອມກັນຈັດຕັ້ງປະຕິບັດ ເຊິ່ງມາຮອດປັດຈຸບັນນີ້ ໄດ້ມີຊາວຄ້າຂາຍທີ່ໄດ້ມາຂຶ້ນບັນຊີການຍົກຍ້າຍມີ ຈຳນວນ 202 ຮ້ານ ເທົ່າກັບ 40% ແລະ ຈະໃຫ້ສຳເລັດໃນວັນທີ 23 ສິງຫາ 2016 ທີ່ຈະມາເຖິງນີ້.

 

ທີ່ມາຂໍ້ມູນຈາກ: Vientiane-New-dayວຽງຈັນວັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 89 guests and no members online

ແຜນທີ່ນະຄອນຫຼວງວຽງຈັນ