Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

13692607 294874234194443 5638353930317874800 n

ອົງການປົກຄອງເມືອງໄຊເຊດຖາ ນະຄອນຫຼວງວຽງຈັນ ຮ່ວມກັບ ຫ້ອງການກະສິກໍາ ແລະປ່າໄມ້ເມືອງ ພ້ອມດ້ວຍອົງການປົກຄອງບ້ານຮ່ອງສຸພາບ ແລະ ປະຊາຊົນພາຍໃນບ້ານ ໄດ້ຈັດກິດຈະກໍາປ່ອຍປາ ຈໍານວນຫຼາຍກວ່າ 30.000 ໂຕ ລົງສູ່ໜອງນໍ້າທໍາມະຊາດ ໃນວັນອະນຸຮັກສັດນໍ້າ-ສັດປ່າແຫ່ງຊາດ ວັນທີ 13 ກໍລະກົດ ປະຈໍາປີ 2016.

ກິດຈະກໍາສໍາຄັນນີ້ ຈັດຂຶ້ນໃນຕອນເຊົ້າວັນທີ 15 ກໍລະກົດ 2016 ໂດຍການເຂົ້າຮ່ວມຂອງທ່ານ ຖະໜອມ ທໍາທອງ ເຈົ້າເມືອງໆໄຊເຊດຖາ ທ່ານນາງ ປິດ ພົມເພັດ ຮອງຫົວໜ້າພະແນກກະສິກໍາ ແລະປ່າໄມ້ນະຄອນຫຼວງວຽງຈັນ ທ່ານ ພອນສະຫວັນ ບົວພາ ຫົວໜ້າຫ້ອງການກະສິກໍາ ແລະປ່າໄມ້ເມືອງ ມີນາຍບ້ານອ້ອມຂ້າງ ແລະ ພໍ່ແມ່ປະຊາຊົນເຂົ້າຮ່ວມ.

ທ່ານ ພອນສະຫວັນ ບົວພາ ໄດ້ໃຫ້ຮູ້ວ່າ ອໍານາດການປົກຄອງເມືອງໄຊເຊດຖາ ກໍຄືຫ້ອງການກະສິກໍາ ແລະປ່າໄມ້ເມືອງ ອົງການປົກຄອງບ້ານທຸກຂັ້ນຖືສໍາຄັນ ແລະ ເອົາໃຈໃສ່ຢ່າງຕັ້ງໜ້າໃນການສ້າງຂະບວນການຈັດວັນອະນຸຮັກສັດນໍ້າ-ສັດປ່າແຫ່ງຊາດ ວັນທີ 13 ກໍລະກົດ ເຊິ່ງເລີ່ມແຕ່ປີ 1995 ຈົນເຖິງປີ 2016 ໄດ້ປ່ອຍປາລົງຕາມຫວ້ຍ ຮ່ອງ ຄອງ ບຶງທໍາມະຊາດພາຍໃນເມືອງແລ້ວຫຼາຍກວ່າ 474.000 ໂຕ ໃນນັ້ນມີປານິນ 228.000 ໂຕ ປາເກັດແລບ 4.000 ໂຕ ປາປາກ 69.000 ກວ່າໂຕ ປາສະຫວາຍ 17.000 ໂຕ ປາໄນ 65.000 ໂຕ ປາດຸກ 31.051 ໂຕ ປາອິນເດຍ 26.000 ໂຕ ປາຫົວໃຫຽ່ 4.000 ໂຕ ປາຈີນ 30.000 ໂຕ ນອກນີ້ຍັງມີສັດເຄິ່ງບົກ-ເຄິ່ງນໍ້າ ເຊັ່ນ ນົກ 2 ໂຕ ກົບ 300ໂຕ ອ່ຽນ 100 ໂຕ ຫອຍ 200 ໂຕ ແລະ ເຕົ່າ 15 ໂຕ.

ສໍາລັບປີນີ້ ເມືອງໄຊເຊດຖາ ກໍໄດ້ປ່ອຍປາ ຈໍານວນ 30.000 ໂຕ ໃນນັ້ນມີປານິນ 10.000 ໂຕ ປາໄນ 5.000 ໂຕ ປາເກັດແລບ 2.000 ໂຕ ປາປາກ 10.000 ໂຕ ແລະ ປາອິນເດຍ 3.000 ໂຕ ເພື່ອປະກອບສ່ວນເຂົ້າໃນການປົກປັກຮັກສາ ແລະ ພັດທະນາສັດນໍ້າ ເຮັດໃຫ້ຝູງສັດເຫຼົ່ານີ້ມີການຂະຫຽາຍພັນນັບວັນຫຼາຍຂຶ້ນ ເຖິງຢ່າງໃດກໍຕາມ ຄຽງຄູ່ກັນນັ້ນປາກົດການລະເມີດລະບຽບກົດໝາຍຍັງກໍຍັງມີຢູ່ເຊັ່ນ ການນໍາໃຊ້ເຄື່ອງມືແບບດັບສູນເພື່ອລ່າສັດ ແລະ ຫາປາ ລັກລອບໃຊ້ໄຟຟ້າຊ໊ອດ ການຄ້າຂາຍສັດນໍ້າປະເພດຫວງຫ້າມ ແລະ ປະເພດຄຸ້ມຄອງຢູ່ຕາມທ້ອງຕະຫຼາດ ແລະ ຮ້ານອາຫານຕ່າງໆ ທັງນີ້ເນື່ອງຈາກວ່າເມືອງໄຊເຊດຖາ ແມ່ນຕັ້ງຢູ່ຂອບເຂດເທສະບານນະຄອນຫຼວງວຽງຈັນ ເປັນສູນການຄ້າ-ຂາຍ ເປັນເຂດເສດຖະກິດ ເຖິງຈະມີລະບຽບກົດໝາຍກ່ຽວກັບການປະມົງແລ້ວກໍຕາມ ແຕ່ຍັງມີບາງບຸກຄົນສວຍໂອກາດນໍາເອົາສັດດັ່ງກ່າວມາຂາຍ ຫຼື ຈໍາໜ່າຍພາຍໃນເມືອງ.

ທັງນີ້ກໍເພື່ອແກ້ໄຂປາກົດການຫຍໍ້ທໍ້ ທັງເປັນການສ້າງຂະບວນການປ່ອຍປາເນື່ອງໃນວັນປ່ອຍປາແຫ່ງຊາດ 13 ກໍລະກົດ ໃຫ້ເປັນຂະບວນກວ້າງຂວາງທົ່ວປວງຊົນ ພ້ອມກັນຈັດຕັ້ງປະຕິບັດກົດໝາຍການປະມົງ ຫ້າມຈັບປາ ຫຼື ສັດນໍ້າປະເພດຫວງຫ້າມ ແລະ ປະເພດຄຸ້ມຄອງເຊັ່ນ ປາຂ່າ ປາຝາໄລ ປາເຄິງ ປາແຂ້ ແລະ ອື່ນໆ ເພື່ອແນໃສ່ໃຫ້ສັດນໍ້າມີຄວາມອຸດົມສົມບູນ ດຸນດ່ຽງທາງດ້ານສະພາບແວດລ້ອມທໍາມະຊາດຕະຫຼອດໄປ.

ໂດຍ: ວິທະຍຸ-ໂທລະພາບ ນະຄອນຫຼວງວຽງຈັນ

ທີ່ມາຂໍ້ມູນຈາກ: Vientiane-New-dayວຽງຈັນວັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 28 guests and no members online

ແຜນທີ່ນະຄອນຫຼວງວຽງຈັນ