Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

13592665 288366081511925 317607809713458036 n

ກະຊວງກະສິກຳ ແລະ ປ່າໄມ້ ພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ແລະ ສະຫະກົມຊົນລະປະທານ ສສ ຫວຽດນາມ ບໍລິສັດ ຫຸ້ນສ່ວນຜະລິດຈັກສູບນ້ຳຮ້າຍເຊືອງ ໄດ້ເຊັນມອບ-ຮັບການນຳໃຊ້ຈັກສູບນ້ຳ ໂຄງການດົງໂພສີ ແລະ ທ່າພະ-ໜອງພົງ ເມືອງຫາດຊາຍຟອງ ນະຄອນຫຼວງວຽງຈັນ ໃຫ້ພະແນກກະສິກຳ ແລະ ປ່າໄມ້ ນະຄອນຫຼວງຮັບຜິດຊອບ ແລະ ນຳໃຊ້ໃຫ້ເກີດປະໂຫຍດ ໃນການສະໜອງນ້ຳໃຫ້ແກ່ການຜະລິດລະດູແລ້ງ-ລະດູຝົນຂອງໂຄງການຕາມແຜນການທີ່ວາງໄວ້.

ການມອບ-ຮັບຄັ້ງນີ້ ບໍລິສັດ ຫຸ້ນສ່ວນຜະລິດຈັກສູບນ້ຳຮ້າຍເຊືອງ ໄດ້ສຳເລັດການສ້ອມແປງ ແລະ ຕິດຕັ້ງຈັກສູບນ້ຳຢູ່ສະຖານີສູບນ້ຳດົງໂພສີ ແລະ ທ່າພະ-ໜອງພົງ ມີສ້ອມແປງຕິດຕັ້ງຈັກສູບນ້ຳຈຸ່ມຂະໜາດ 150 KW ພ້ອມດ້ວຍອຸປະກອນທີ່ກ່ຽວຂ້ອງ ຈຳນວນ 2 ຊຸດ ສະໜອງຕິດຕັ້ງຈັກສູບນ້ຳເທິງເຮືອນແພ 2 ຈຸດ (ຈຸດທີ 1 ປະກອບມີຈັກສູບນ້ຳ LT 50016 ຈຳນວນ 2 ຊຸດ ແລະ ຈຸດທີ 2 ປະກອບມີ ຈັກສູບນ້ຳ LT 50016 ຈຳນວນ 4 ຊຸດ ເຊິ່ງການສ້ອມແປງແມ່ນມີຄວາມຮັບປະກັນທາງດ້ານເຕັກນິກ ຮັບປະກັນການນຳໃຊ້ ແລະ ໄດ້ຜ່ານການທົດລອງນຳໃຊ້ຕາມມາດຕະຖານ ພ້ອມກັນນັ້ນ ຍັງໄດ້ແນະນຳເຝິກອົບຮົມກັບທີ່ໃຫ້ແກ່ພະນັກງານວິຊາການ ກ່ຽວກັບວິທີການຄຸ້ມຄອງ ແລະ ນຳໃຊ້ ແລະ ສະໜອງເອກະສານ HDSD ແຜນແຕ້ມໃຫ້ແກ່ພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ເພື່ອເປັນຄູ່ມືໃນການຄຸ້ມຄອງ ແລະ ນຳໃຊ້ ທັງນີ້ ເພື່ອເປັນການຕອບສະໜອງນ້ຳໃຫ້ແກ່ການຜະລິດທັງສອງລະດູ ເປັນຕົ້ນແມ່ນຊົນລະປະທານ ທ່າພະ-ໜອງພົງ ມີເນື້ອທີ່ທຳການຜະລິດ ທັງໝົດ 1.100 ເຮັກຕາ ສາມາດສະໜອງນ້ຳໄດ້ 700 ເຮັກຕາ ແລະ ຊົນລະປະທານດົງໂພສີ ມີເນື້ອທີ່ທັງໝົດ 700 ເຮັກຕາ ສາມາດສະໜອງນ້ຳໄດ້ 500 ເຮັກຕາ.

ພິທີມອບ-ຮັບຈັດຂຶ້ນວັນທີ 30 ມິຖຸນາ 2016 ຢູ່ທີ່ພະແນກກະສິກຳ ແລະ ປ່າໄມ້ ນະຄອນຫຼວງ ໂດຍເຊັນຝ່າຍລາວແມ່ນທ່ານ ຄຳໄມ ວົງສະຖຽນ ຮອງຫົວໜ້າກົມຊົນລະປະທານ ແລະ ທ່ານ ຄຳສິງ ຄູນສະຫວັນ ຮອງຫົວໜ້າພະແນກກະສິກຳ ແລະ ປ່າໄມ້ ນະຄອນຫຼວງ ຝ່າຍຫວຽດນາມມີທ່ານ ຫວງຽນ ກິມຕວນ ວິຊາການສະຫະກົມຊົນລະປະທານ ສສ ຫວຽດນາມ ທ່ານ ດ້າວດິ່ງຕວນ ຮອງອຳນວຍການບໍລິສັດ ຫຸ້ນສ່ວນຜະລິດຈັກສູບນ້ຳຮ້າຍເຊືອງ ພ້ອມພະນັກງານທີ່ກ່ຽວຂ້ອງເຂົ້າຮ່ວມເປັນພະຍານ.

ໂດຍ: ວຽງຈັນໃໝ່

 

ທີ່ມາຂໍ້ມູນຈາກ: Vientiane-New-dayວຽງຈັນວັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 166 guests and no members online

ແຜນທີ່ນະຄອນຫຼວງວຽງຈັນ