ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

13599902 288451504836716 1419149308523754038 n

(ສພຊ) ຕອນເຊົ້າວັນທີ 1 ກໍລະກົດ 2016 ທີ່ຫ້ອງປະຊຸມສະພາປະຊາຊົນ ນະຄອນຫຼວງວຽງຈັນ ໄດ້ຈັດກອງປະຊຸມ ປຶກສາຫາລື ແຜນການລົງເຄື່ອນ ໄຫວພົບປະປະຊາຊົນ ແລະເຜີຍແຜ່ຜົນສຳເລັດກອງປະຊຸມຄັ້ງປະຖົມມະລືກ ຂອງສະພາແຫ່ງຊາດຊຸດທີ VIII ແລະສະພາປະຊາຊົນນະຄອນຫຼວງວຽງຈັນ ຊຸດທີ I ໂດຍການເປັນປະທານຂອງທ່ານ ອານຸພາບ ຕຸນາລົມ ກຳມະການ ສູນກາງພັກ, ປະທານສະພາປະຊາຊົນນະຄອນຫຼວງວຽງຈັນ
ເຂົ້າຮ່ວມມີສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 1 ແລະສະ ມາຊິກສະພາປະຊາຊົນນະຄອນຫຼວງ, ຄະນະເລຂາທິການ ສະພາປະຊາຊົນນະຄອນຫຼວງ ແລະວິຊາການກ່ຽວຂ້ອງ.

ກອງປະຊຸມໄດ້ຮັບຟັງການລາຍງານ ແຜນການລົງພົບປະຈາກທ່ານ ສໍລະພິດ ສຸນວໍລະວົງ ເລຂາທິການ ສະພາປະ ຊາຊົນນະຄອນຫຼວງ ໃຫ້ຮູ້ວ່າ: ຈຸດປະສົງຂອງການລົງເຄື່ອນໄຫວຄັ້ງນີ້ ແມ່ນເພື່ແປະຊາຊົນ ແລະລົງເຜີຍແຜ່ຜົນ ສຳເລັດກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ VIII ແລະສະພາປະຊາຊົນນະຄອນຫຼວງ ຊຸດທີ I ເປັນຕົ້ນແມ່ນ ສະຕິຕ່າງໆ ທີ່ກອງປະຊຸມໄດ້ຮັບຮອງເອົາ ເພື່ອໃຫ້ປະຊາຊົນ ຊາວນະຄອນຫຼວງວຽງຈັນ ຮັບຮູ້ ແລະເຂົ້າໃຈຕໍ່ກັບວຽກງານດັ່ງກ່າວ ລວມທັງທີ່ຕັ້ງ, ພາລະບັດບາດ, ສິດ ແລະໜ້າທີ່ຂອງ ສະພາປະຊາຊົນນະຄອນຫຼວງ ໂດຍຖືເອົາການພົບປະຄັ້ງນີ້ ເປັນການເກັບກຳຄຳຄິດຄຳເຫັນ ແລະຄຳສະເໜີ ຂອງປະຊາຊົນຕໍ່ວຽກງານການປົກ ປັກຮັກສາ ແລະສ້າງສາ ພັດທະນານະຄອນຫຼວງວຽງຈັນ ໃນໄລຍະຜ່ານມາ. ໂດຍໄດ້ແບ່ງອອກເປັນ 10 ໜ່ວຍ, ລົງເຄື່ອນໄຫວເປັນ 2 ໄລຍະຄື: ໄລຍະທີ 1 ຈະເຄື່ອນໄຫວຢູ່ 9 ຕົວເມືອງ ແລະຮາກຖານບ້ານ ລວມມີ 130 ຈຸດ, ແລະໄລຍະທີ 2 ແມ່ນຈະລົງເຄື່ອນໄຫວຢູ່ຂັ້ນ ນະຄອນຫຼວງວຽງຈັນ ແລະຂັ້ນສູງກາງ ລວມ 12 ຈຸດ ເຊິ່ງຈະເລີ່ມ ເຄື່ອນໄຫວໃນລະຫວ່າງຕົ້ນເດືອນ ສິງຫານີ້.

ໃນຕອນທ້າຍ, ທ່ານປະທານກອງປະຊຸມ ໄດ້ມີຄຳເຫັນໂອ້ລົມເນັ້ນໃຫ້ບັນດາ ສະມາຊິກສະພາແຫ່ງຊາດ ແລະສະມາ ຊິກສະພາປະຊາຊົນນະຄອນຫຼວງ ຕ້ອງເປັນເຈົ້າການໃນການເຜີຍແຜ່ຜົນສຳເລັດຂອງສອງ ກອງປະຊຸມດັ່ງກ່າວ ດ້ວຍຄວາມຮັບຜິດຊອບສູງ ເພື່ອໃຫ້ປະຊາຊົນໄດ້ຮັບຮູ້, ເຂົ້າໃຈ ແລະເຂົ້າຮ່ວມໃນການປະກອບສ່ວນເຂົ້າໃນການ ພັດທະນາເສດຖະກິດ-ສັງຄົມຂອງ ນະຄອນຫຼວງວຽງຈັນ.

 

ທີ່ມາຂໍ້ມູນຈາກ: Vientiane-New-dayວຽງຈັນວັນໃໝ່

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 41

ຈຳນວນຜູ້ເຂົ້າຊົມວານນີ້ 44

ຈຳນວນຜູ້ເຂົ້າຊົມອາທິດນີ້ 85

ຈຳນວນຜູ້ເຂົ້າຊົມເດືອນນີ້ 620

ຈຳນວນຜູ້ເຂົ້າຊົມທັງໝົດ 53000

Currently are 31 guests and no members online