ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

68632734 870939789952647 7841629767232126976 n68961247 870939809952645 2031370255124660224 n 69527053 870939783285981 7647281174238199808 n

ຕອນບ່າຍຂອງວັນທີ 21 ສິງຫາ 2018 ທີ່ຫໍທຳມະສະພາຄະນະຮັບຜິດຊອບໂຄງການກໍ່ສ້າງອາຄານອາຄັນຕຸກະ, ອາຄານປະທານສົງ ແລະອາຄານສຳນັກງານສູນກາງ ອົງການພຸດທະສາສະໜາສຳພັນລາວ (ອພສ)ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດການກໍ່ສ້າງໄລຍະທີ່ 1 ເຂົ້າຮ່ວມມີຄະນະສົງ ຂອງສູນກາງ ອພສ, ບັນດາທ່ານການນຳ ແລະ ພັນລະຍາຂອງການນຳ, ບັນດາທ່ານທີ່ຖືກແຕ່ງຕັ້ງຕາມຂໍ້ຕົກລົງ ສະບັບເລກທີ 41/ນຍ, ລົງວັນທີ 14/6/2018 ແລະ ຂໍ້ຕົກລົງ 0480/ຈນວ, ລົງວັນທີ 24 ພຶດສະພາ 2018 ແລະ ພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມໄດ້ປຶກສາຫາລື ແລະລາຍງານກ່ຽວກັບລາຍຮັບຈາກການໂມທະນາ ແລະ ການປະກອບວັດຖຸປັດໄຈ ຈາກຄອບຄົວການນຳ, ຈາກພໍ່ແມ່ປະຊາຊົນ ແລະ ສາສະນິກກະຊົນ ຜູ້ມີໃຈສັດທາ ທັງພາຍ ໃນ ແລະ ຕ່າງປະເທດແລະ ລາຍຈ່າຍຕ່າງໆ ໃນການຈັດຕັ້ງປະຕິບັດໂຄງການກໍ່ສ້າງອາຄານປະທານສົງ (ອພສ)ໂດຍບໍລິສັດ ມີພູນຊັບ ກໍ່ສ້າງ ເຊີ່ງລາຍຮັບ-ລາຍຈ່າຍ ຈາກບັນດາພາກສ່ວນຕ່າງໆປະຈຸບັນ ມີຈຳນວນ ດັ່ງນີ້:
-
ລາຍຮັບເງິນກີບ: 2,950,877,630 ກີບ; ຈ່າຍອອກ 2,000,000 ກີບ ຍັງເຫຼືອ 950,877,630 ກີບ.
-
ລາຍຮັບເງິນບາດ: 1,246,415 ບາດ; ຈ່າຍອອກ 1,000,000 ບາດ ຍັງເຫຼືອ 246,415 ບາດ.
-
ລາຍຮັບເງິນໂດລາ: 8,526 ໂດລາ; ຈ່າຍອອກ 7,000 ໂດລາ ຍັງເຫຼືອ 1,526 ໂດລາ.

ເຊີ່ງຜ່ານການຮັບຟັງການລາຍງານກອງປະຊຸມກໍໄດ້ສະເໜີໃຫ້ອະນຸກຳມະການເສດຖະກິດ ໃຫ້ກວດກາ ແລະຕິດຕາມລາຍຮັບ-ລາຍຈ່າຍຢ່າງລະອຽດ ຕາມແບບລະບົບບັນຊີຂອງທະນາຄານເພື່ອສະດວກ ໃນການສະຫຼຸບລາຍຮັບ-ລາຍຈ່າຍ ແລະ ເພື່ອຄວາມຊັດເຈນ ຈະແຈ້ງຂື້ນຕື່ມ.ທັງນີ້ສຳລັບອາຄານປະທານສົງ ສູນກາງ (ອພສ) ດັ່ງກ່າວແມ່ນ ມີມູນຄ່າການກໍ່ສ້າງທັງໝົດ 23 ກ່ວາຕື້ກີບ, ເຊີ່ງຍັງຕ້ອງການແຮງສັດທາ ຈາກສາສະນິກກະສົນເພື່ອປະກອບສ່ວນ ໂມທະນາຮ່ວມສ້າງ ອາຄານຫຼັງດັ່ງກ່າວໃຫ້ສຳເລັດຕາມແຜນງານທີ່ກຳນົດໄວ້.ເຊີ່ງຕາມການຄາດຄະເນ ອາຄານທັງ 3 ຫຼັງ ອາຄານອາຄັນຕຸກະ, ອາຄານປະທານສົງ ແລະອາຄານ ສຳນັກງານສູນກາງ (ອພສ) ແມ່ນຈະໃຫ້ສຳເລັດໃນທ້າຍປີ 2021 ແລະຈະຕ້ອງໃຊ້ ງົບປະມານໃນການກໍ່ສ້າງອາຄານທັງ 3 ຫຼັງ ປະມານ 80 ຕື້ກີບ.ນີ້ກໍຂື້ນຢູ່ກັບປັດໄຈທຶນກໍ່ສ້າງ ເພາະໂຄງການນີ້ເປັນຂອງ ພຸດທະສາສະໜາບໍ່ໄດ້ໃຊ້ງົບປະມານລັດ ມາຈ່າຍແຕ່ໃຊ້ການລະດົມທຶນແຜ່ສັດທາບຸນຈາກອອກຕົນຍາດ ໂຍມທັງຫຼາຍ ຊ່ວຍກັນບໍລິຈາກສົມທົບທຶນເຂົ້າໃນການກໍ່ສ້າງຄັ້ງນີ້.

ພາຍຫຼັງສຳເລັດກອງປະຊຸມຄະະນຮັບຜິດຊອບກໍ່ໄດ້ລົງຕິດຕາມໂຄງການກໍ່ສ້າງຕົວຈິງຢູ່ພື້ນທີ່ດ້ານຫຼັງຫໍທຳມະສະພາເຊີ່ງປະຈຸບັນຄວາມຄືບໜ້າຂອງການກໍ່ສ້າງອາຄານປະທານສົງ (ອພສ) ໄລຍະ 7 ເດືອນຜ່ານມາ (20/11/2018-ປະຈຸບັນ) ໂດຍພື້ນຖານແມ່ນສຳ ເລັດແລ້ວ 20% ແລະກຳລັງສືບຕໍ່ດຳເນີນການກໍ່ສ້າງເປັນກ້າວໆ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

 

 

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 12 guests and no members online