Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

13619848 288785461469987 3437707969071917067 n

ວັນທີ 2 ກໍລະກົດ 2016 ເມືອງໄຊທານີ ນະຄອນຫຼວງວຽງຈັນ ຫຼາຍບ້ານໄດ້ສ້າງຂະບວນການອອກແຮງງານລວມ ທຳຄວາມສະອາດຮ່ອງລະບາຍນ້ຳລຽບສອງຝາກທາງ ໂດຍເລີ່ມແຕ່ໄຟແດງດອນໜູນ ຈົນຮອດບ້ານພະຂາວ ມີທ່ານ ວັນເພັງ ອິນທະວົງ ຮອງເຈົ້າເມືອງໄຊທານີ ພ້ອມດ້ວຍບັນດາພະນັກງານ-ລັດຖະກອນ ຕະຫຼອດຮອດພໍ່ປະຊາຊົນເຂົ້າຮ່ວມ.

ທ່ານຮອງເຈົ້າເມືອງໄຊທານີ ໄດ້ກ່າວວ່າ: ການສ້າງຂະບວນການຄັ້ງນີ້ ໄດ້ແບ່ງອອກເປັນ 3 ຈຸດຄື: ໄຟແດງດອນໜູນ ພະຂາວ ແລະ ຈຸດບ້ານສີວິໄລ ຈຸດປະສົງແມ່ນເພື່ອເປັນການຈັດຕັ້ງປະຕິບັດນະໂຍບາຍຂອງ 6ສ ໂດຍສະເພາະແມ່ນ ສ ສະອາດ ຂອງນະຄອນຫຼວງວຽງຈັນ ໃຫ້ປາກົດຜົນເປັນຈິງ ກໍ່ຄືການທຳຄວາມສະອາດຕະຄອງ-ຮ່ອງນ້ຳ ເພື່ອຮັບປະກັນບໍ່ໃຫ້ມີນ້ຳຖ້ວມ ນ້ຳຂັງໃນລະດູຝົນ ພ້ອມນັ້ນ ການສ້າງຂະບວນການດັ່ງກ່າວ ເພື່ອເປັນການສະກັດກັ້ນທຳລາຍ ແລະ ຈຳກັດການແຜ່ພັນຂອງຍຸງລາຍ ດ້ວຍການອະນາໄມເຮືອນຊານບ້ານຊ່ອງ ທຳລາຍກະໂປະ ກະປ໊ອງ ຖາງຫຍ້າອອກຈາກບ່ອນທີ່ຮົກເຮື້ອ ແລະ ອື່ນໆ ແນໃສ່ເພື່ອເຮັດໃຫ້ການລະບາດຂອງພະຍາດດັ່ງກ່າວ ຫຼຸດໜ້ອຍຖອຍລົງ ແລະ ໝົດໄປເທື່ອລະກ້າວ ພ້ອມທັງຮຽກຮ້ອງໃຫ້ທຸກພາກສ່ວນໃນສັງຄົມ ຈົ່ງພ້ອມກັນປະຕິບັດ ຄຳຂວັນ 5ປ ແລະ ໃຫ້ປະຕິບັດທຸກໆວັນເສົາ-ອາທິດ.

ໃນວັນດຽວກັນເມືອງຫາດຊາຍຟອງ ນະຄອນຫຼວງວຽງຈັນ ໄດ້ສ້າງຂະບວນການອອກແຮງງານໃນວັນເສົາແດງຂຶ້ນ ເພື່ອຄຳນັບຮັບຕ້ອນກອງປະຊຸມເຈົ້າຄອງນະຄອນຫຼວງວຽງຈັນ ສຸດຍອດອາຊຽນ ທີ່ຈະໄດ້ຈັດຂຶ້ນໃນມໍ່ໆນີ້ ແລະ ອີກທັງເປັນການຕ້ອນຮັບໃຫ້ກັບວັນສຳຄັນອື່ນໆຂອງຊາດ ເປັນຕົ້ນວັນຄ້າຍວັນເກີດຂອງປະທານ ສຸພານຸວົງ ວັນປ່ອຍປາ ແລະ ວັນອະນຸຮັກສັດນ້ຳສັດປ່າແຫ່ງຊາດ ເຂົ້າຮ່ວມກິດຈະກຳມີບັນດາຄະນະການນຳຂອງເມືອງຫາດຊາຍຟອງ ພະນັກງານ ລັດຖະກອນ ລວມທັງບັນດາພໍ່ແມ່ປະຊາຊົນແຕ່ບ້ານທ່ານາແລ້ງ ຫາບ້ານຊຽງຄວນ ສຳລັບກິດຈະກຳທີ່ໄດ້ປະຕິບັດມີອະນາໄມຮ່ອງນ້ຳເປື້ອນເປິ ຢູ່ຕາມແຄມທາງທັງສອງຟາກ ຕັດຫຍ້າທີ່ຮົກເຮຶ້ອຢູ່ຕາມແຄມທາງ ໃຫ້ມີຄວາມສະອາດຈົບງາມ ແລະ ສີຂຽວຢູ່ບໍລິເວນຕາມເສັ້ນທາງສາທາລະນະຕ່າງໆ.

 

ທີ່ມາຂໍ້ມູນຈາກ: Vientiane-New-dayວຽງຈັນວັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 30 guests and no members online

ແຜນທີ່ນະຄອນຫຼວງວຽງຈັນ