Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

19225563 434066266973337 643489656628966805 n

     ວັນ​ທີ 14 ມິຖຸນາ 2017 ທີ່​ຫ້ອງ​ວ່າການ ນະຄອນຫລວງ​ວຽງ​ຈັນ, ທ່ານແກ້ວ​ພິລາ​ວັນ ອາ​ໄພ​ລາດ ຮອງເຈົ້າ​ຄອງ​ ນະຄອນຫລວງວຽງຈັນ​ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ ຂອງທ່ານ ຫງວຽນ ວັນ​ຈຶກ ຮອງ​ຫົວໜ້າ​ ພະ​ແນກ​ກະສິກຳແລະ ພັດທະ​ນາ​ຊົນນະບົດ​ ນະຄອນ​ໂຮ່​ຈິມິງ, ພ້ອມ​ດ້ວຍ​ຄະນະ​ທີ່​ເດີນທາງ​ມາເຮັດ​ວຽກຢູ່​ ນະຄອນຫລວງ​ວຽງ​ຈັນ ແຕ່​ວັນ​ທີ 13-16 ມິຖຸນານີ້.

16265172 392969187718280 4475937409985605370 n

ໃນຕອນບ່າຍວັນທີ 19 ມັງກອນ 2017 ທີ່ຫ້ອງຮັບແຂກ ຫ້ອງວ່າການປົກຄອງນະຄອນຫຼວງວຽງຈັນ ໄດ້ມີການຖະແຫຼງກ່ຽວກັບການຈັດງານພົບປະພາກທຸລະກິດ ລາວ-ຝຣັ່ງ ຄັ້ງທີ 2 ຂຶ້ນໂດຍການເຂົ້າຮ່ວມຂອງທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວ ແຫ່ງ ສປປ.ລາວ ມີຜູ້ຕາງໜ້າສະຖານທູດຝຣັ່ງ ປະຈໍາລາວ ແລະ ພາກສ່ວນທີ່ກ່ຽວຂ້ອງ ພ້ອມດ້ວຍສື່ມວນຊົນເຂົ້າຮ່ວມ.

14938249 350051308676735 7923852203895654067 n

ເພື່ອ​ປະກອບສ່ວນ​ເຮັດ​ໃຫ້ການ​ເປັນ​ເຈົ້າພາບ ​ຈັດ​ກອງ​ປະຊຸມ​ເຈົ້າ​ຄອງ​ນະຄອນຫຼວງອາຊຽນ ຄັ້ງ​ທີ IV ທີ່​ຈະ​ຈັດ​ຂຶ້ນລະຫວ່າງວັນ​ທີ 13-17 ພະຈິກນີ້ ຢູ່ນະຄອນຫຼວງ​ວຽງ​ຈັນ ປະສົບ​ຜົນສຳເລັດ​ຕາມ​ເປົ້າ​ວາງ​ໄວ້ ອຳນາດ​ການ​ປົກຄອງ​ນະຄອນຫຼວງປັກ​ກິ່ງ ​ສປ ຈີນ ໄດ້​ໃຫ້ການ​ຊ່ວຍເຫຼືອ​ອຳນາດ​ການ​ປົກຄອງ​ນະຄອນ​ຫຼວງ​ວຽງ​ຈັນ ໂດຍ​ມອບລົດ​ຕູ້ 15 ບ່ອນ​ນັ່ງ ຈຳນວນ 11 ຄັນ ມູນ​ຄ່າ 339,757 ໂດ​ລາ​ສະຫະ​ລັດ ຫຼື ປະມານ 2,7 ຕື້​ກີບ ເຊິ່ງ​ພິທີ​ມອບ-ຮັບ​ລົດ​ດັ່ງກ່າວ ມີຂຶ້ນ​ວັນ​ທີ 31 ຕຸລາ 2016 ຢູ່​ສຳນັກ​ງານ​ປົກຄອງ​ນະຄອນຫຼວງ ກ່າວ​ມອບ​ໂດຍ​ທ່ານ ກ່ວນ​ຮົວ​ປິ່ງ ເອກ​ອັກ​ຄະ​ລັດ​ຖະ​ທູດ ​ສປ ຈີນ ປະຈຳ​ລາວ ກ່າວ​ຮັບທ່ານ ສິນລະ​ວົງ ຄຸດ​ໄພທູນ ເຈົ້າ​ຄອງ​ນະຄອນ​ຫຼວງ ມີ​ພະນັກງານ​ກ່ຽວຂ້ອງ​ສອງ​ຝ່າຍ​ເຂົ້າ​ຮ່ວມ.

ທ່ານ​ເຈົ້າ​ຄອງ​ໄດ້​ສະແດງຄວາມ​ຂອບໃຈ​ຕໍ່​ຄະນະ​ພັກ ອຳນາດ​ການ​ປົກຄອງ ແລະ ປະຊາຊົນ​ນະຄອນຫຼວງ​ປັກ​ກິ່ງ ​ສປ ຈີນ ທີ່​ໄດ້​ໃຫ້ການ​ຊ່ວຍເຫຼືອ​ຄັ້ງ​ນີ້ ຖືເປັນ​ການ​ປະກອບສ່ວນ​ສຳຄັນ ເຂົ້າ​ໃນ​ການ​ເສີມ​ຂະຫຍາຍ​ສາຍພົວພັນ​ຮ່ວມ​ມື ໂດຍ​ສະເພາະແມ່ນ ​ການ​ປະກອບສ່ວນ​ສຳຄັນ ເຂົ້າ​ໃນ​ວຽກ​ງານ​ເປັນ​ເຈົ້າພາບກອງ​ປະຊຸມ​ທີ່​ມີ​ຄວາມ​ສຳຄັນ​ປະສົບ​ຜົນສຳເລັດ ພ້ອມ​ນີ້​ທ່ານ ສິນລະ​ວົງ ຍັງ​ໄດ້​ອວຍພອນ​ໃຫ້​ມິດຕະ​ພາບລະຫວ່າງສອງ​ນະຄອນຫຼວງ ກໍ່​ຄືສອງ​ພັກ ສອງ​ລັດ ປະຊາ​ຊົນ​ສອງ​ຊາດ ລາວ-ຈີນ ຈົ່ງແຕກ​ດອກ​ອອກ​ຜົນ ແລະ ຈະເລີນ​ງອກ​ງາມ​ຍິ່ງໆ​ຂຶ້ນ​ຕາມ​ຈິດໃຈ 4 ດີ​ຕະຫຼອດ​ໄປ.

 

Vientiane New day/ວຽງຈັນວັນໃໝ່

14068488 312504482431418 3936608796311502794 o

ຕອນແລງຂອງວັນທີ 23 ສິງຫາ 2016 ເວລາ 17:00 ທີ່ສຳນັກງານປົກຄອງນະຄອນຫລວງວຽງຈັນ. ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ ຕ້ອນຮັບການເຂົ້າຢ້ຽມຄ່ຳນັບ ຂອງສະຫາຍ ພົຕ. ເລ ດົງ ຟອງ ຫົວຫນ້າກອງບັນຊາ ການຕຳຫລວດ ນະຄອນໂຮ່ຈີມິນ. ໂອກາດນີ້ ທັງສອງຝ່າຍໄດ້ກ່າວຂອບໃຈ ແລະ ສະແດງຄວາມຍິນດີຊົມເຊີຍ ຢ່າງອົບອຸ່ນເຊີ່ງກັນ ແລະ ກັນ. ພ້ອມທັງລາຍງານບາງສະພາບໃນການກະກຽມການ ເປັນເຈົ້າພາບກອງປະຊຸມທີ່ສຳຄັນ ລະດັບສາກົນທີລາວ ເຮົາເປັນເຈົ້າພາບໃນອີກພໍເທົ່າໃດເດືອນຂ້າງຫນ້າ, ເຊີ່ງເນັ້ນຫນັກກໍແມ່ນບັນຫາການປ້ອງກັນຄວາມບໍ່ສະຫງົບໃນສັງຄົມທັງພາຍໃນ ແລະ ຂົງເຂດອ້ອມຮອບ. ທ້າຍສຸດທັງສອງຝ່າຍກໍໄດ້ມີຄຳອວຍພອນ ແລະ ຈະພ້ອມກັນ ສືບຕໍ່ຜັນຂະຫຍາຍແນວທາງ ກໍຄື ການຮັດແຫນ້ນຄວາມສາມັກຄີ ລະຫວ່າງສອງຊາດ ລາວ-ຫວຽດນາມ ໃຫ້ນັບມື້ນັບ ພັດທະນາ ແລະ ເບັ່ງບານ.

ໂດຍ: ວຽງຈັນວັນໃຫມ່ ຂ່າວສານທັນສະໄມເພື່ອຊາວວຽງ.

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 60

ຈຳນວນຜູ້ເຂົ້າຊົມວານນີ້ 64

ຈຳນວນຜູ້ເຂົ້າຊົມອາທິດນີ້ 214

ຈຳນວນຜູ້ເຂົ້າຊົມເດືອນນີ້ 652

ຈຳນວນຜູ້ເຂົ້າຊົມທັງໝົດ 37881

Currently are 44 guests and no members online

ແຜນທີ່ນະຄອນຫຼວງວຽງຈັນ