ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ໃນວັນທີ 5 ພຶດສະພາ 2016 ນີ້, ນະຄອນຫຼວງວຽງຈັນ ຈະໄດ້ເປັນເຈົ້າພາບກອງປະຊຸມເຈົ້າຫນ້າທີ່ອາວຸໂສ ນະຄອນຫຼວງອາຊຽນ, ໂດຍພາຍໃຕ້ການເປັນປະທານ ຂອງທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ; ຊຶ່ງມີຕົວແທນຈາກ 8 ນະຄອນຫຼວງ ຂອງ 8 ປະເທດສະມາຊິກອາຊຽນເຂົ້າຮ່ວມ, ສ່ວນອີກ 2 ນະຄອນ ຄື ນະຄອນຫຼວງມານີລາ ປະເທດຟິລິບປິນ ແລະ North West district ຈາກປະເທດສິ່ງກະໂປ, ບໍ່ສາມາດເຂົ້າຮ່ວມໄດ້.

 

ສໍາລັບຈຸດປະສົງຂອງກອງປະຊຸມຄັ້ງນີ້ ແມ່ນເພື່ອກະກຽມໃຫ້ແກ່ ການຈັດກອງປະຊຸມເຈົ້າຄອງນະຄອນອາຊຽນ ຄັ້ງທີ 4 ທີ່ນະຄອນຫຼວງວຽງຈັນເປັນເຈົ້າພາບ ຊຶ່ງຈະຈັດຂຶ້ນໃນທ້າຍປີ 2016 ນີ້, ໂດຍຈະໄດ້ລົງເລິກເປຶກສາຫາລື ແລະ ຮ່ວມກັນຕົກລົງ ກ່ຽວກັບ ເນື້ອໃນຄໍາຂັວນ ແລະ ບັນດາຫົວຂໍ້ ທີ່ຈະນໍາເຂົ້າປຶກສາຫາລື ແລະ ແລກປ່ຽນບົດຮຽນຮ່ວມກັນ ໃນກອງປະຊຸມເຈົ້າຄອງນະຄອນຫຼວງອາຊຽນ ຄັ້ງທີ 4 ຄື:

 

1). ເນື້ອໃນຄໍາຂັວນ ກອງປະຊຸມເຈົ້າຄອງນະຄອນຫຼວງອາຊຽນ ຄັ້ງທີ 4 ແມ່ນ: “ພັນທະຫນ້າທີ່ຂອງນະຄອນຫຼວງ ຕໍ່ການເຊື່ອມໂຍງປະຊາຄົມອາຊຽນ”

2). ສໍາລັບຫົວຂໍ້ ທີ່ຈະປຶກສາຫາລື ແລະ ແລກປ່ຽນບົດຮຽນຮ່ວມກັນ ມີ 4 ເນື້ອໃນ ຄື:

      2.1 “ສ້າງນະຄອນຫຼວງອາຊຽນ ເປັນນະຄອນທີ່ຫນ້າຢູ່”.

      2.2 “ຮັບປະກັນຄວາມປອດໄພສາທາລະນະ ຂອງນະຄອນຫຼວງອາຊຽນ”.

      2.3 “ຮັກສາ ແລະ ສົ່ງເສີມມູນມໍລະດົກ ທາງວັດທະນະທໍາ ເພື່ອສົ່ງເສີມການທ່ອງທ່ຽວ”.

      2.4 “ການຮ່ວມມືດ້ານແຮງງານ ແລະ ການຊ່ວຍເຫລືອຍົກລະດັບສີມືແຮງງານ ລະຫວ່າງ ນະຄອນຫຼວງ ທີ່ຈະເລີນແລ້ວ ກັບນະຄອນຫຼວງ ທີ່ຍັງບໍ່ທັນຈະເລີນ”.

 

           ນອກນັ້ນ, ກໍຍັງຈະໄດ້ຮ່ວມກັນປຶກສາຫາລື ແລະ ແລກປ່ຽນບົດຮຽນວຽກງານປິ່ນອ້ອມຈໍານວນຫນຶ່ງ, ໂດຍກອງປະຊຸມຄັ້ງນີ້ ຈະດໍາເນີນໄປເປັນເວລາ 1 ວັນເຕັມ, ທີ່ໂຮງແຮມດອນຈັນພຣາເລດ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຂ່າວທີ່ຢູ່ໝວດດຽວກັນ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 30

ຈຳນວນຜູ້ເຂົ້າຊົມວານນີ້ 14

ຈຳນວນຜູ້ເຂົ້າຊົມອາທິດນີ້ 30

ຈຳນວນຜູ້ເຂົ້າຊົມເດືອນນີ້ 461

ຈຳນວນຜູ້ເຂົ້າຊົມທັງໝົດ 51537

Currently are 55 guests and no members online