ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

6e2ad027c69e5186038453fe0998aa70

    ກອງປະຊຸມເຈົ້າໜ້າທີ່ອາວຸ ໂສການທ່ອງ​ທ່ຽວ​ 5 ນະຄອນບັນດາປະເທດລຸ່ມແມ່ນໍ້າຂອງ ຄັ້ງທີ 5 ຈັດຂຶ້ນວັນທີ 13 ຕຸລາ 2019 ທີ່ໂຮງແຮມແລນມາກ ແມ່ຂອງຣີເວີໄຊ ນະຄອນຫຼວງວຽງຈັນ ເປັນປະທານຮ່ວມຂອງ ທ່ານ ສູນມະນີວົງ ຫົວໜ້າກົມໂຄສະນາການທ່ອງທ່ຽວ ກະຊວງຖະແຫຼງຂ່າວວັດທະນະທໍາ ແລະທ່ອງທ່ຽວ ທັງເປັນປະທານ ກອງປະຊຸມເຈົ້າໜ້າທີ່ອາວຸໂສ ການທ່ອງທ່ຽວ 5 ນະຄອນ ທ່ານນາງ ວິໄລວອນ ຈັນທະລາຕີ ຫົວໜ້າພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວນະຄອນຫຼວງວຽງຈັນ  ແລະ ທ່ານ ພູວົງ ວົງຄໍາຊາວຫົວໜ້າຫ້ອງວ່າການປົກຄອງນະຄອນຫຼວງວຽງຈັນມີບັນດາເຈົ້າໜ້າທີ່ອາວຸໂສບັນດາປະເທດລຸ່ມແມ່ນໍ້າຂອງ ແລະ ພາກສ່ວນກ່ຽວຂ້ອງ.

    ກອງປະຊຸມຄັ້ງນີ້ໄດ້ສະແດງໃຫ້ເຫັນການສະໜັບສະໜູນ ແລະຄວາມພ້ອມທີ່ຈະປະຕິ​ບັດນະໂຍບາຍການເຊື່ອມໂຍງດ້ານການທ່ອງ​ທ່ຽວທັງສະແດງໃຫ້ເຫັນການປຶກສາຫາລືແລກປ່ຽນບົດຮຽນລະຫວ່າງນະຄອນດ້ວຍກັນຢ່າງມີຜົນປະໂຫຍດໂດຍກົງເຊິ່ງກອງປະຊຸມດ້ານການທ່ອງທ່ຽວຂອງບັນດາ

      ນະຄອນປະ​ເທດ​ລຸ່ມແມ່ນໍ້າ ຂອງຄັ້ງທີ 4 ຜ່ານມາແມ່ນມີຜົນສໍາເລັດເປັນຢ່າງດີ ເຮັດໃຫ້ບັນດານະຄອນພວກເຮົາມີຄວາມໃກ້ຊິດກັນຫຼາຍຂຶ້ນໄດ້ມີການແລກປ່ຽນບົດຮຽນນໍາກັນໃນດ້ານຕ່າງໆທີ່ພົວພັນເຖິງນະໂຍບາຍການຮ່ວມມືດ້ານການທ່ອງທ່ຽວຂອງບັນດານະຄອນປະເທດລຸ່ມແມ່ນໍ້າຂອງ​ເຊັ່ນ: ການພັດທະນາຕົວເມືອງຕາມທິດຍືນຍົງ ການສ້າງຕົວເມືອງສີຂຽວ ການທ່ອງທ່ຽວແລະ ອຸດສະຫະກໍາການທ່ອງທ່ຽວ ການກໍ່ສ້າງແຮງງານ ແລະການແລກປ່ຽນວັດທະນະທໍາອື່ນໆ.

    ສໍາລັບກອງປະຊຸມເຈົ້າໜ້າທີ່ອາວຸໂສໃນຄັ້ງນີ້ໄດ້ປຶກສາຫາລືເລືອກເອົາຄໍາຂວັນ ຫຼືຫົວຂໍ້ກວມ​ລວມ ເປັນຕົ້ນ ນະຄອນຫຼວງວຽງຈັນ ສປປ ລາວການເຊື່ອມຕໍ່ດ້ານການທ່ອງທ່ຽວບັນດານະຄອນປະເທດລຸ່ມແມ່ນໍ້າຂອງ ນະຄອນໂຮຈີ່ມິງຫວຽດນາມ ການສົ່ງເສີມຜະລິດຕະພັນດ້ານການທ່ອງທ່ຽວ ບາງກອກປະເທດໄທມາດຕະຖານການບໍລິການທ່ອງທ່ຽວ ພະນົມເປັນ ກໍາປູເຈຍການປົກປັກຮັກສາມໍລະດົກທາງວັດທະນະທໍາ ແລະ ທໍາມະຊາດ ແລະ ມຽນມາການຟື້ນຟູມໍລະດົກວັດທະນະທໍາ.

    ຂ່າວແຈ້ງຕື່ມອີກວ່າ: ໃນວັນ ທີ 12 ຕຸລາ ຜ່ານມາ ທ່ານນາງ ວິໄລວອນຈັນທະລາຕີ ຫົວໜ້າພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວນະຄອນຫຼວງວຽງຈັນພ້ອມດ້ວຍທ່ານນາງ ອໍລະໄທ ສັນຕິຄົງຄາ ອໍານວຍການ ກຸ່ມບໍລິສັດກຣິດຕະພົງ ຈໍາກັດ (ເຈົ້າຂອງໂຮງແຮມແລນມາກ ແມ່ຂອງຣີເວີໄຊ) ພ້ອມດ້ວຍຄະນະໃຫ້ການຕ້ອນ ຮັບທ່ານ ຮຸດແຮ (HOUT HAY) ຮອງເຈົ້າຄອງນະຄອນພະນົມເປັນພ້ອມຄະນະໃນໂອກາດເດີນທາງມາເຂົ້າຮ່ວມກອງປະຊຸມສຸດຍອດບັນດາເຈົ້າຄອງດ້ານການທ່ອງທ່ຽວຄັ້ງທີ 5.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 47

ຈຳນວນຜູ້ເຂົ້າຊົມວານນີ້ 69

ຈຳນວນຜູ້ເຂົ້າຊົມອາທິດນີ້ 212

ຈຳນວນຜູ້ເຂົ້າຊົມເດືອນນີ້ 747

ຈຳນວນຜູ້ເຂົ້າຊົມທັງໝົດ 53127

Currently are 30 guests and no members online