ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

9d1cdf6ee45cbcad00ee6802051cb0de

    ໃນ​ໂອ­ກາດ​ທີ່​ຄະ­ນະ​ຜູ້​ແທນ​ຂົນ­ຂວາຍ​ປະ­ຊາ­ຊົນ​ສູນ​ກາງ​ພັກ​ກອມ​ມູ​ນິດ​ຫວຽດ­ນາມນຳ​ໂດຍ​ທ່ານ ຮ່າ ງັອກ​ແອັງຮອງ​ຫົວ­ໜ້າ​ຄະ­ນະ​ຂົນ­ຂວາຍ​ປະ­ຊາ­ຊົນ​ສູນ​ກາງ​ພັກ​ກອມ​ມູ​ນິດ​ຫວຽດ­ນາມເດີນ­ທາງ​ມາ​ຢ້ຽມ­ຢາມ ແລະ ເຮັດ​ວຽກ​ຢູ່ ສປປ ລາວ ວັນ​ທີ 29 ພຶດ­ສະ­ພາ 2019 ຄະ­ນະ​ຜູ້​ແທນ​ດັ່ງ­ກ່າວ ກໍ​ໄດ້​ເຂົ້າ​ພົບ​ປະ​ກັບ ທ່ານ ສີ​ຫຸນ ສິດ­ທິ​ລື​ໄຊຮອງ​ເລ­ຂາ​ຄະ­ນະ​ພັກ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ (ນວ).

    ການ​ພົບ​ປະ​ຄັ້ງ​ນີ້ເປັນ​ການ​ເພີ່ມ​ທະ­ວີ​ສາຍ​ພົວ­ພັນ​ຮ່ວມ​ມື​ແບບ​ພິ­ເສດ​ຮອບ­ດ້ານລະ­ຫວ່າງ​ສອງ​ພັກ ສອງ​ລັດ ແລະ ປະ­ຊາ­ຊົນ​ສອງ​ຊາດ ລາວ-ຫວຽດ­ນາມທີ່​ມີ​ມາ​ແລ້ວ ໃຫ້​ນັບ​ມື້​ແໜ້ນ​ແຟ້ນ​ຍິ່ງ​ຂຶ້ນ ໃນ​ນີ້ສອງ​ຝ່າຍ​ໄດ້​ຜັດ­ປ່ຽນ​ກັນ​ລາຍ​ງານ​ສະ­ພາບ​ລວມ​ຂອງ​ຕົນ​ໃຫ້​ກັນ​ຊາບໂດຍ​ໄດ້​ຍົກ​ໃຫ້​ເຫັນ​ດ້ານ​ຕັ້ງ­ໜ້າ ຂໍ້​ສະ­ດວກ ຂໍ້­ຄົງ­ຄ້າງ ແລະບົດ­ຮຽນ​ທີ່​ຖອດ​ຖອນ​ໄດ້ ໃນ​ວຽກ​ງານ​ປຸກ­ລະ­ດົມ​ອົງ​ການ­ຈັດ­ຕັ້ງ​ພັກ ແລະປະ ຊາ​ຊົນ​ປະ­ກອບ­ສ່ວນ​ໃນ​ການ​ສ້າງ­ສາ​ພັດ­ທະ­ນາ​ປະ­ເທດ​ຊາດ ເຊິ່ງ​ທ່ານສີ​ຫຸນ ສິດ­ທິ​ລື​ໄຊ ກ່າວ​ວ່າ: ພາຍ​ໃຕ້​ການ​ນຳ­ພາ​ຂອງ​ພັກ ຄະ­ນະ​ພັກ ນວທີ່​ເອົາ­ໃຈ­ໃສ່​ຫຼາຍ​ຮູບ​ຫຼາຍ​ສີ​ນຳ­ພາ​ມະ­ຫາ­ຊົນ ແລະຍ້ອນ​ຄວາມ​ສາ­ມັກ­ຄີ​ເປັນ​ປຶກ​ແຜ່ນ​ແໜ້ນ­ໜາ​ຂອງ​ປະ­ຊາ­ຊົນຈຶ່ງ​ເຮັດ​ໃຫ້​ຂະ​ບວນ​ການ​ປົກ​ປັກ​ຮັກ­ສາ ແລະ ສ້າງ­ສາ​ພັດ­ທະ­ນາ ນວມີ​ຜົນ­ສຳ­ເລັດ​ເປັນ​ກ້າວໆພື້ນ­ຖານ​ໂຄງ​ລ່າງ​ໄດ້​ຮັບ​ການ​ພັດ­ທະ­ນາ​ຢ່າງ​ຕໍ່​ເນື່ອງຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ນັບ​ມື້​ດີ​ຂຶ້ນ​ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກຄຽງ​ຄູ່​ກັນ​ນີ້​ກໍ​ຍັງ​ມີ​ບາງ​ດ້ານ​ທີ່​ຄົງ​ຄ້າງເນື່ອງ​ມາ​ຈາກ​ປັດ​ໄຈ​ໃນ​ຕົວ ແລະ ນອກ​ຕົວ ແຕ່​ຄະ­ນະ​ພັກ ນວຈະ​ສືບ­ຕໍ່​ຊຸກ­ຍູ້​ມະ­ຫາ­ຊົນ​ຈັດ​ຕັ້ງ​ປະ­ຕິ­ບັດ​ທຸກ​ຂົງ­ເຂດ​ວຽກ​ງານ ແລະຜັນ​ຂະ­ຫຍາຍ​ມະ­ຕິ​ກອງ​ປະ­ຊຸມ​ໃຫຍ່​ຂອງ​ພັກ ໃຫ້​ມີ​ຜົນ­ສຳ­ເລັດເຮັດ​ໃຫ້​ເສດ­ຖະ­ກິດ​ມີ​ການ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ ແລະສັງ­ຄົມ​ມີ​ຄວາມ​ສະ­ຫງົບສ່ວນ​ຝ່າຍ​ຫວຽດ­ນາມ​ກໍ​ໄດ້​ລາຍ​ງານ​ວຽກ​ງານ​ປຸກ­ລະ­ດົມ​ຂົນ­ຂວາຍ​ມະ­ຫາ­ຊົນໂດຍ​ໄດ້​ປະ­ຕິ­ບັດ​ຕາມ​ການ​ມອບ​ໝາຍ​ຂອງ​ກົມ​ການເມືອງ​ສູນ​ກາງ​ພັກ​ໃຫ້​ຄະ­ນະ​ຂົນ­ຂວາຍ​ປະ­ຊາ­ຊົນສູນ​ກາງ​ພັກ​ກະ­ກຽມ​ກອງ​ປະ­ຊຸມ​ໃຫຍ່ ຄັ້ງ​ທີ 13 ຂອງ​ພັກ​ກອມ​ມູ​ນິດ​ຫວຽດ­ນາມ​ທີ່​ຈະ​ຈັດ​ຂຶ້ນ​ປີ 2021 ໃຫ້​ມີ​ຜົນ­ສຳ­ເລັດຄະ­ນະ​ຂົນ­ຂວາຍ​ກໍ​ໄດ້​ຄົ້ນ­ຄວ້າ​ດ້ານ​ເສດ­ຖະ­ກິດ-ສັງ­ຄົມ ແລະໄດ້​ລົງ​ຊຸກ­ຍູ້​ປຸກ­ລະ­ດົມ​ປະ­ຊາ­ຊົນ​ເຂົ້າ​ຮ່ວມ​ຂະ​ບວນ​ການ​ຕ່າງໆ​ໃຫ້​ເປັນ​ຂະ​ບວນ​ການ​ຟົດ­ຟື້ນພ້ອມ​ນີ້ຍັງ​ໄດ້​ຍົກ​ໃຫ້​ເຫັນ​ການ​ພົວ­ພັນ​ຮ່ວມ​ມື​ວຽກ​ງານ​ດັ່ງ­ກ່າວ​ລະ­ຫວ່າງຫວຽດ­ນາມ ແລະ ລາວ ໃນ​ໄລ­ຍະ​ຜ່ານ​ມາ​ຕື່ມ​ອີກ.

    ການ​ພົບ​ປະ​ຄັ້ງ​ນີ້ເປັນ​ການ​ແລກ­ປ່ຽນ​ບົດ­ຮຽນ​ວຽກ​ງານ​ດັ່ງ­ກ່າວ​ລະ­ຫວ່າງ​ຂັ້ນ​ສູນ​ກາງ ແລະຂັ້ນ​ທ້ອງ­ຖິ່ນ ເພື່ອ​ພ້ອມ​ກັນ​ເສີມ​ຂະ­ຫຍາຍ​ບົດ­ຮຽນ​ດ້ານ​ຕັ້ງ­ໜ້າ ແລະປັບ­ປຸງ​ແກ້​ໄຂ​ຈຸດ​ຄົງ​ຄ້າງ​ໃນ​ໄລ­ຍະ​ຜ່ານ​ມາເພື່ອ​ພ້ອມ​ກັນ​ເຮັດ​ສຳ­ເລັດ​ໜ້າ­ທີ່ ທີ່​ພັກ-ລັດມອບ​ໝາຍ​ໃຫ້​ໃນ​ການ​ນຳ​ເອົາ​ປະ­ເທດ​ຊາດ ໄປ​ສູ່​ຄວາມ​ມັ່ງ​ຄັ່ງ​ເຂັ້ມ­ແຂງປະ­ຊາ­ຊົນ​ມີ​ຄວາມ​ຜາ​ສຸກ​ຮັ່ງ­ມີ ແລະປະ­ເທດ​ຊາດ​ມີ​ຄວາມ​ຈະ­ເລີນ​ສີ­ວິ­ໄລ​ກ້າວ​ສູ່​ສັງ­ຄົມ​ນິ­ຍົມ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 36

ຈຳນວນຜູ້ເຂົ້າຊົມວານນີ້ 99

ຈຳນວນຜູ້ເຂົ້າຊົມອາທິດນີ້ 392

ຈຳນວນຜູ້ເຂົ້າຊົມເດືອນນີ້ 409

ຈຳນວນຜູ້ເຂົ້າຊົມທັງໝົດ 54346

Currently are 20 guests and no members online