Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

vientiane nongkhaiy vientiane nongkhaiy vientiane nongkhaiy

ທ່ານ ​ດຣ. ສິນ​ລະ​ວົງ ຄຸດໄພທູນ ເຈົ້າ​ຄອງ​ນະຄອນຫຼວງວຽງ​ຈັນ ໄດ້​ຕ້ອນຮັບ​ການ​ເຂົ້າຢ້ຽມ​ຄຳນັບ​ຂອງ​ທ່ານ ສຸ​ຊາດ ນົບ​ພະ​ວັນ ເຈົ້າແຂວງ​ໜອງ​ຄາຍ ຣາ​ຊະ​ອານາຈັກ​ໄທ ພ້ອມ​ດ້ວຍຄະນະ ໃນ​ວັນ​ທີ 6 ມັງກອນ 2016 ຢູ່​ຫ້ອງ​ວ່າການ​ປົກຄອງນະຄອນຫຼວງ​ວຽງ​ຈັນ ເນື່ອງ​ໃນໂອກາດ​ສົ່ງ​ທ້າຍ​ປີ​ເກົ່າ ແລະ ຕ້ອນຮັບ​ປີ​ໃໝ່​ສາກົນ 2016.

ໂອກາດ ​ນີ້ ທ່ານ​ເຈົ້າ​ຄອງ​ກໍ່ໄດ້​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ ພ້ອມ​ທັງ​ໄດ້​ສະແດງ​ຄວາມ​ຊົມເຊີຍ ແລະ ຕີ​ລາຄາ​ສູງ​ຕໍ່​ການ​ມາອວຍພອນ​ປີ​ໃໝ່​ຂອງ​ທ່ານ​ເຈົ້າແຂວງ​ໜອງ​ຄາຍ ພ້ອມ​ດ້ວຍ​ຄະນະ​ໃນ​ຄັ້ງ​ນີ້ ເຊິ່ງ​ຈະ​ເປັນ​ການເພີ່ມ​ພູນ​ຄູນ​ສ້າງ ແລະ ເສີມ​ຂະຫຍາຍ​ສາຍ​ພົວພັນ ແລະ ການຮ່ວມ​ມື​ອັນ​ດີງາມ​ຂອງ​ສອງ​ຊາດ ລາວ-ໄທ ທີ່​ມີ​ມາ​ແລ້ວ ໃຫ້​ແໜ້ນແຟ້ນ​ຍິ່ງໆ​ຂຶ້ນ ທັງ​ສອງ​ຝ່າຍ​ຍັງໄດ້​ແຈ້ງ​ສະພາບ​ການ​ພົ້ນ​ເດັ່ນຂອງ​ຕົນ​ໃຫ້​ກັນ​ຊາບ ພ້ອມ​ດຽວກັນ​ຍັງ​ໄດ້​ສົນທະນາ​ກ່ຽວ​ກັບ​ທິດທາງ​ການ​ຮ່ວມ​ມື​ກັນ​ໃນຕໍ່ໜ້າ ເປັນຕົ້ນ​ແມ່ນ ການ​ຮັກສາ​ຄວາມສະຫງົບ​ຕາມ​ຊາຍ​ແດນ ການ​ອຳນວຍ​ຄວາມ​ສະດວກ​ໃນ​ການ​ເຂົ້າ-ອອກ​ເມືອງ ຂົນສົ່ງ ການ​ຄ້າ-ການ​ລົງທຶນ ຕິດ​ພັນ​ກັບ​ການທ່ອງ​ທ່ຽວ ແລະ ກິດຈະກຳ​ສົ່ງເສີມ​ຮີດຄອງ​ປະເພນີ​ຂອງ​ນະຄອນ​ຫຼວງ​ວຽງ​ຈັນ ແລະ ແຂວງໜອງ​ຄາຍ ກິດຈະກຳ​ກີລາ ແລະ ອື່ນໆ ໂດຍ​ມີ​ຂົວ​ມິດຕະພາບສາກົນ ລາວ-ໄທ ແຫ່ງ​ທີ 1 ເປັນຈຸດ​ເຊື່ອມ​ຕໍ່​ວຽກ​ງານ​ດັ່ງກ່າວ.

ການ​ພົບ​ປະ​ຄັ້ງ​ນີ້ ​ທັງ​ສອງຝ່າຍ​ກໍ່​ໄດ້​ເຫັນ​ດີ​ເປັນ​ເອກະ​ພາບ ​ທີ່ຈະ​ສືບຕໍ່​ເພີ່ມ​ທະວີ​ການ​ຮ່ວມ​ມື ແລະ ອຳນວຍ​ຄວາມ​ສະດວກດ້ານ​ວຽກ​ງານ​ຕ່າງໆ​ໃນຕໍ່ໜ້າ ເພື່ອ​ເຮັດ​ໃຫ້​ຂອດ​ບໍລິການ​ດ້ານຕ່າງໆ ​ມີ​ຄວາມ​ສອດຄ່ອງ​ກັບ​ສະພາບ​ຕົວ​ຈິງ​ໃນ​ປັດຈຸບັນ ພ້ອມ​ນີ້ ຍັງ​ໄດ້​ອວຍພອນ ແລະ ມອບຂອງ​ທີ່​ລະນຶກ​ເຊິ່ງ​ກັນ ແລະ ກັນ ເນື່ອງ​ໃນ​ໂອກາດ​ສົ່ງ​ທ້າຍ​ປີ​ເກົ່າ ແລະ ຕ້ອນຮັບ​ປີ​ໃໝ່​ສາກົນ 2016 ຕື່ມ​ອີກ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 37

ຈຳນວນຜູ້ເຂົ້າຊົມວານນີ້ 27

ຈຳນວນຜູ້ເຂົ້າຊົມອາທິດນີ້ 64

ຈຳນວນຜູ້ເຂົ້າຊົມເດືອນນີ້ 861

ຈຳນວນຜູ້ເຂົ້າຊົມທັງໝົດ 48721

Currently are 20 guests and no members online

ແຜນທີ່ນະຄອນຫຼວງວຽງຈັນ