Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

150f2dbd4cf7a5ffd4a3747b3607076e

        ວັນ​ທີ 15 ມິຖຸນາ 2018 ທີ່​ຫ້ອງ​ວ່າການ​ປົກຄອງ​ນະຄອນຫຼວງ​ວຽງ​ຈັນ (ນວ) ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ໄດ້​ຕ້ອນຮັບ​ການ​ເຂົ້າ​ຢ້ຽມ​ຄຳນັບ​ຂອງ​ຄະນະ​ຜູ້​ແທນ​ຂັ້ນ​ສູງ​ແຂວງ​ດົງ​ທາບ ​ສສ ຫວຽດນາມ ນຳ​ໂດຍ​ທ່ານ ຫງວຽ​ນວັນ​ເຢືອງ ປະທານ​ຄະນະ​ກຳມະການ​ປະຊາຊົນ ແຂວງ​ດົງ​ທາບ ໃນ​ໂອກາດ​ທີ່​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ນວ ໃນ​ວັນ​ທີ 14-16 ມິຖຸນາ​ນີ້.

 

ໂອກາດ​ນີ້ ​ທ່ານ​ເຈົ້າ​ຄອງ ນວ ໄດ້​ສະແດງ​ຄວາມ​ຕ້ອນຮັບ ແລະ ຕີ​ລາຄາ​ສູງ​ຕໍ່​ການ​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຂອງ​ຄະນະ​ຜູ້​ແທນ​ແຂວງ​ດົງ​ທາບ​ຄັ້ງ​ນີ້ ເປັນ​ການ​ສືບຕໍ່​ຮັດ​ແໜ້ນ​ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ ລະຫວ່າງສອງ​ພັກ ສອງ​ລັດ ແລະ ປະຊາຊົນ​ສອງ​ຊາດ ລາວ-ຫວຽດນາມ ເວົ້າ​ລວມ​ ເວົ້າ​ສະເພາະ ລະຫວ່າງ ນວ ແລະ ແຂວງ​ດົງ​ທາບ ທີ່​ມີ​ມາ​ແລ້ວ​ນັ້ນ ​ໃຫ້​ນັບ​ມື້​ແໜ້ນແຟ້ນ​ຍິ່ງ​ຂຶ້ນ ເຊິ່ງ​ການ​ພົບ​ສອງ​ຝ່າຍ​ໄດ້​ເຕັມ​ໄປ​ດ້ວຍ​ບັນຍາກາດ​ອັນ​ສະໜິດ​ສະໜົມ ຕ່າງ​ຝ່າຍ​ໄດ້​ແຈ້ງ​ໃຫ້​ຊາບກ່ຽວ​ກັບ​ການ​ພັດທະນາ​ເສດຖະກິດ-ສັງຄົມ ກໍ່​ຄືການ​ພັດທະນາ​ພື້ນຖານ​ໂຄງ​ລ່າງ​ຂອງ​ເຂດ​ປົກຄອງ​ຕົນໃຫ້​ກັນ ແລະ ກັນ​ຊາບ ໂດຍ​ສະເພາະ​ສອງ​ຝ່າຍ​ໄດ້​ແລກປ່ຽນ​ບົດຮຽນ​ຫຼາຍ​ດ້ານ​ທີ່​ສອງ​ຝ່າຍ​ມີ​ຄວາມ​ສົນໃຈ ເພື່ອ​ພ້ອມ​ກັນ​ຊ່ວຍເຫຼືອ​ເຊິ່ງ​ກັນ ແລະ ກັນ ພ້ອມ​ນີ້ ສອງ​ຝ່າຍ​ຍັງ​ໄດ້​ເຫັນ​ດີ​ຊຸກຍູ້​ໃຫ້​ຂະແໜງການ ແລະ ບັນດາ​ເມືອງ​ທີ່​ມີ​ເງື່ອນໄຂ​ໃຫ້​ມີ​ການ​ພົວພັນ​ຮ່ວມ​ມື​ກັນ ໂດຍ​ມີ​ການ​ຢ້ຽມຢາມ​ແລກປ່ຽນ​ຖອດ​ຖອນ​ບົດຮຽນ ວຽກ​ງານ​ວິຊາ​ການ​ດ້ວຍ​ກັນ​ໃຫ້​ນັບ​ມື້​ຫຼາຍ​ຂຶ້ນ.

ຕອນ​ທ້າຍ​ທ່ານ ຫງວຽ​ນວັນ​ເຢືອງ ຍັງ​ໄດ້​ສະແດງ​ຄວາມ​ຂອບໃຈ​ຕໍ່​ການ​ຕ້ອນຮັບ​ອັນ​ອົບ​ອຸ່ນ​ຂອງ​ທ່ານເຈົ້າ​ຄອງ ນວ ພ້ອມ​ທັງ​ແຈ້ງ​ໃຫ້​ຊາບ​ຈຸດປະສົງ​ຂອງ​ການ​ເດີນທາງ​ມາ​ຢ້ຽມຢາມ ນວ ຄັ້ງ​ນີ້​ຕື່ມ​ອີກ.

 

www.vientianemai.net

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 64

ຈຳນວນຜູ້ເຂົ້າຊົມວານນີ້ 77

ຈຳນວນຜູ້ເຂົ້າຊົມອາທິດນີ້ 214

ຈຳນວນຜູ້ເຂົ້າຊົມເດືອນນີ້ 1118

ຈຳນວນຜູ້ເຂົ້າຊົມທັງໝົດ 32153

Currently are 38 guests and no members online

ແຜນທີ່ນະຄອນຫຼວງວຽງຈັນ