Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

3fd449f2683ce3da5a437c3ed491cc80

     ກອງ​ປະຊຸມ​ແບ່ງປັນ​ບົດຮຽນຈາກ​ນະຄອນ​ໂຮ່​ຈີ​ມິງ ກ່ຽວ​ກັບການ​ພັດທະນາ​ເສດຖະກິດ ການເກັບ-ຈ່າຍ​ງົບປະມານ ການ​ເກັບອາກອນ ຕ້ານ​ການ​ຮົ່ວ​ໄຫຼ​ໃນການ​ໃຊ້​ຈ່າຍ​ງົບປະມານ ດຶງ​ດູດການ​ລົງທຶນ​ຕ່າງປະເທດ ນະຄອນ​ອັດ​ສະ​ຣິ​ຍະ ການ​ປະຕິບັດກົນ​ໄກ ແລະ ນະໂຍບາຍສະເພາະ ລະຫວ່າງນະຄອນຫຼວງວຽງ​ຈັນ ແລະ ນະຄອນ​ໂຮ່​ຈິ​ມິງ ​ສສ ຫວຽດນາມ ໄດ້​ຈັດ​ຂຶ້ນ​ວັນ​ທີ 23 ມັງກອນ 2018 ທີ່​ຫ້ອງ​ວ່າການ​ປົກຄອງ ນະຄອນຫຼວງ​ວຽງຈັນ ເປັນ​ປະທານ​ຮ່ວມ​ຂອງ​ທ່ານ ສິນ​ລະ​ວົງ ຄຸດ​ໄພທູນ ກຳມະການກົມ​ການເມືອງ​ສູນ​ກາງ​ພັກ ເລຂາ​ຄະນະ​ພັກ ເຈົ້າ​ຄອງ​ນະຄອນຫຼວງ​ວຽງ​ຈັນ ແລະ ທ່ານ ຫງວຽນ ທ້ຽນ ເຍີນ ກຳມະການກົມ​ການເມືອງ​ສູນ​ກາງ​ພັກ ເລຂາ​ຄະນະ​ພັກ ຫົວໜ້າ​ຄະນະ​ສະມາ​ຊິກ​ສະພາ​ແຫ່ງ​ຊາດ ນະຄອນໂຮ່​ຈີ​ມິງ ມີ​ບັນດາ​ການ​ນຳ​ນະຄອນ​ຫຼວງ​ວຽງ​ຈັນ ເຈົ້າເມືອງ ຮອງ​ເຈົ້າເມືອງ ຫົວໜ້າ ຮອງ​ຫົວໜ້າ​ພະ​ແນກ ຫ້ອງການ​ທຽບ​ເທົ່າ ອົງ​ການຈັດຕັ້ງ​ພັກ ອົງການ​ຈັດຕັ້ງ​ມະຫາຊົນ​ອ້ອມ​ຂ້າງ ພະນັກງານ​ຂະແໜງການ​ເງິນ ແລະ ອາກອນ 9 ຕົວ​ເມືອງ​ເຂົ້າ​ຮ່ວມ 300 ກວ່າ​ຄົນ.

     ກອງ​ປະຊຸມ​ຄັ້ງ​ນີ້ ເພື່ອ​ເສີມ​ຂະຫຍາຍ​ສາຍ​ພົວພັນ​ມິດຕະພາບອັນ​ເປັນ​ມູນເຊື້ອ ຄວາມ​ສາ​ມັກຄີ​ແບບ​ພິເສດ ແລະ ການ​ຮ່ວມ​ມືສອງ​ດ້ານ ລະຫວ່າງສອງ​ພັກ-ສອງ​ລັດ ກໍ່​ຄືສອງ​ນະຄອນ​ໃຫ້ເຂົ້າ​ສູ່​ລວງ​ເລິກ ແລະ ຈະເລີນງອກ​ງາມ ເຊິ່ງ​ກອງ​ປະຊຸມ​ຄະນະຜູ້​ແທນ​ນະຄອນ​ໂຮ່​ຈີ​ມິງ ​ໄດ້​ຜັດປ່ຽນ​ກັນ​ຂຶ້ນ​ຖ່າຍ​ທອດ​ຄວາມ​ຮູ້ ແລະ ບົດຮຽນ​ທີ່​ໄດ້​ຈັດ​ຕັ້ງ​ປະຕິບັດ​ພາຍ​ໃນ​ນະຄອນ​ຂອງ​ຕົນ ປະກອບ​ມີ​ບັນດາ​ວິທີ​ການ​ແກ້​ໄຂ ການ​ພັດທະນາ​ນະຄອນ​ໂຮ່​ຈີ​ມິງ ໄລຍະ​ປີ 2016-2025 ການ​ສ້າງນະຄອນ​ອັດ​ສະ​ຣິ​ຍະ ແລະ ການປະຕິບັດ​ກົນ​ໄກ ນະໂຍບາຍ​ສະເພາະ ບົດຮຽນ​ຂອງ​ນະຄອນ​ໂຮ່ຈີ​ມິງ ​ໃນ​ຂົງເຂດ​ການ​ເກັບ-ຈ່າຍ ງົບປະມານຕ້ານ​ການ​ຮົ່ວ​ໄຫຼ​ໃນການ​ໃຊ້​ຈ່າຍ​ງົບປະມານ ບົດຮຽນ​ຂອງ​ນະຄອນ​ໂຮ່​ຈີ​ມິງ​ໃນ​ຂົງເຂດ​ການ​ເກັບ​ອາກອນ ການ​ພັດທະ​ນາ​ເສດຖະກິດ ແລະ ດຶງ​ດູດການ​ລົງທຶນ​ຕ່າງປະເທດ ຈາກນັ້ນ ເຈົ້າ​ຄອງ​ນະຄອນຫຼວງ​ວຽງຈັນ ໄດ້​ໃຫ້​ຄວາມ​ສົນໃຈ​ກ່ຽວ​ກັບວິທີ​ການ​ບຸກ​ທະລຸ​ແຜນ​ພັດທະນາເສດຖະກິດ-ສັງຄົມ ພາຍຫຼັງ​ທີ່​ມີມະຕິ​ກອງ​ປະຊຸມ​ໃຫຍ່​ສະພາ​ປະຊາ​ຊົນ​ນະຄອນ​ໂຮ່​ຈີ​ມິງ ແລະ ວິທີການຈັດຕັ້ງ​ປະຕິບັດ​ແຜນ​ພັດ​ທະນາ​ເສດຖະກິດ-ສັງຄົມ ໄລຍະ 5 ປີ​ຂອງ​ນະຄອນ​ໂຮ່​ຈີ​ມິງ ແນໃສ່ເປັນ​ການ​ແລກປ່ຽນ​ບົດຮຽນ​ເຊິ່ງກັນ ແລະ ກັນ ພ້ອມ​ນັ້ນ ເພື່ອຮ່ຳຮຽນ​ເອົາ​ບົດຮຽນ​ຂອງ​ນະຄອນ​ໂຮ່​ຈີ​ມິງ​ມາ​ໜູນ​ໃຊ້​ ເຂົ້າ​ໃນການ​ປະຕິບັດ​ວຽກ​ງານ​ຂອງ​ນະຄອນ​ຫຼວງ​ວຽງ​ຈັນ.

     ຕອນ​ທ້າຍ​ກອງ​ປະຊຸມ ທ່ານເຈົ້າ​ຄອງ​ໄດ້​ສະແດງ​ຄວາມ​ຂອບໃຈ ​ຕໍ່​ຄະນະ​ຜູ້​ແທນ​ຂັ້ນ​ສູງ​ນະຄອນໂຮ່​ຈີ​ມິງ ​ທີ່​ໄດ້​ຖ່າຍ​ທອດ​ບົດຮຽນໃນ​ບັນດາ​ຫົວຂໍ້​ຕ່າງໆ​ທີ່​ແຕກຕ່າງ​ກັນ ເຊິ່ງ​ໄດ້​ຕີ​ລາຄາ​ສູງ​ຕໍ່ກັບ​ການ​ພັດທະນາ​ເສດຖະກິດ-ສັງຄົມ​ຂອງ​ນະຄອນ​ໂຮ່​ຈີ​ມິງ ອັນໄດ້​ຈະ​ປະກອບສ່ວນ​ເຂົ້າ​ໃນ​ການຈັດ​ຕັ້ງ​ປະຕິບັດ​ການ​ພັດທະນາເສດຖະກິດ ຢູ່​ນະຄອນຫຼວງ​ວຽງຈັນ ແລະ ບົດຮຽນ​ທີ່​ຄະນະ​ຜູ້ແທນ​ຂັ້ນ​ສູງ​ນະຄອນ​ໂຮ່​ຈີ​ມິງ​ ໄດ້ຖ່າຍ​ທອດ​ໃຫ້​ຄັ້ງ​ນີ້​ເປັນ​ບົດຮຽນ​ທີ່ຖືກຕ້ອງ​ກັບ​ຕົວ​ຈິງ​ຫຼາຍ ເຊິ່ງແທດເໝາະ​ກັບ​ນະຄອນຫຼວງວຽງ​ຈັນ ແລະ ຈະ​ນຳ​ເອົາ​ບົດຮຽນ​ດັ່ງກ່າວ ​ໄປ​ນຳ​ໃຊ້​ໃຫ້​ເກີດຜົນ​ປະໂຫຍດ​ສູງ​ສຸດ.

ຂໍ້ມູນຈາກ: ໜັງສືພິມວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 87

ຈຳນວນຜູ້ເຂົ້າຊົມວານນີ້ 101

ຈຳນວນຜູ້ເຂົ້າຊົມອາທິດນີ້ 589

ຈຳນວນຜູ້ເຂົ້າຊົມເດືອນນີ້ 1469

ຈຳນວນຜູ້ເຂົ້າຊົມທັງໝົດ 34457

Currently are 49 guests and no members online

ແຜນທີ່ນະຄອນຫຼວງວຽງຈັນ