Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

DSC 3856

    ໃນວັນທີ 14 ເດືອນ ກໍລະກົດ ປີ 2017 ທີຫ້ອງວ່າການປົກຄອງນະຄອນຫລວງວຽງຈັນ, ຫ້ອງປະຊຸມຊັ້ນ4 ຄະນະໂຄສະນາອົບຮົມນະຄອນຫລວງວຽງຈັນ ໄດ້ຈັດປະຖະກາຖາ ວັນເຊັນສົນທິສັນຍາມິດຕະພາບ-ການຮ່ວມມື ( 18.7.1977) ຄົບຮອບ 40 ປີ ແລະ ວັນສ້າງຕັ້ງສາຍພົວພັນການທຸດລາວ-ຫວຽດ (5.9.1962) ຄົບຮອບ 55 ປີ, ໂດຍແມ່ນ ທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີແຫ່ງ ສປປ ລາວ, ທີ່ປືກສາຄະນະບໍລິຫານງານສູນກາງພັກ ສະໄໜທີ X, ໃຫ້ກຽດປາຖະກະຖາຄັ້ງນີ້, ໄດ້ມີຄະນະປະຈຳພັກ, ຄະນະພັກນະຄອນຫລວງວຽງຈັນ, ເລຂາພັກເມືອງ, ເຈົ້າເມືອງ, ຫົວໜ້າພະແນກການ, ອົງການທຽບເທົ່າ, ທະຫານ - ຕຳຫລວດ, ພະນັກງານຫລັກແຫລ່ງອ້ອມຂ້າງນະຄອນຫລວງວຽງຈັນ, ສະມາຄົມຫວຽດນາມ ແລະ ນັກທຸລະກິດຫວຽດນາມທີມາດຳເນີນທຸລະກິດຢູ່ ສປປ ລາວ, ເຂົ້າຮ່ວມຮັບຟັງການປາຖະກະຖາຄັ້ງນີ້.

    ການ​ປາຖະກະຖາ​ຄັ້ງ​ນີ້ກໍ່​ເພື່ອໃຫ້​ຜູ້​ເຂົ້າ​ຮ່ວມ​ເຫັນ​ໄດ້​ການ​ພົວພັນ​ຮ່ວມ​ມື​ທີ່​ມີ​ຜົນສຳເລັດ​ເປັນກ້າວໆ​ໃນ​ໄລຍະ​ຜ່ານ​ມາ​ຂອງສອງ​ຊາດ ລາວ-ຫວຽດນາມ ໂດຍ​ທ່ານ ສົມ​ສະຫວາດເລັ່ງ​ສະຫວັດ ໄດ້​ຍົກ​ໃຫ້​ເຫັນ​ຄວາມໝາຍ​ຄວາມ​ສຳຄັນ​ສອງ​ວັນ​ປະຫວັດ​ສາດລາວ-ຫວຽດນາມ ຄື: ວັນ​ສ້າງຕັ້ງ​ສາຍ​ພົວພັນ​ການ​ທູດແມ່ນ​ວັນ​ທີ 5 ກັນຍາ 1962 ແລະ ວັນ​ເຊັນ​ສົນທິສັນຍາ​ມິດຕະ​ພາບ-ການ​ຮ່ວມ​ມືແມ່ນ​ວັນ​ທີ 18 ກໍລະກົດ 1977 ເຊິ່ງ​ການ​ກຳເນີດ​ສອງ​ວັນ​ດັ່ງກ່າວ ​ກໍ່​ຍ້ອນລາວ-ຫວຽດນາມເປັນ​ປະເທດບ້ານ​ໃກ້​ເຮືອນ​ຄຽງ​ມີ​ຊາຍ​ແດນຮ່ວມ​ກັນ​ຫຼາຍ​ກວ່າ 2 ພັນ​ກິ​ໂລແມັດ ພ້ອມ​ກັນ​ອີງ​ຫຼັງ​ໃສ່​ສາຍພູຫຼວງພ້ອມ​ກັນ​ຮ່ວມ​ຊົມໃຊ້​ແມ່ນ້ຳ​ລຳເຊ​ພູຜາ​ປ່າດົງດິນ​ດອນຕ່ອນ​ຫຍ້າ​ເພື່ອ​ດຳລົງ​ຊີວິດ ແລະດຳເນີນ​ການ​ຕໍ່ສູ້​ຈັກກະພັດ​ຜູ້​ຮຸກຮານ ນອກ​ນີ້ ປະຊາຊົນ​ສອງ​ຊາດລາວ-ຫວຽດນາມ ມີ​ມູນເຊື້ອ​ໄປມາ​ຫາ​ສູ່ ແລກປ່ຽນ​ສິນຄ້າແລກປ່ຽນ​ວັດທະນະທຳຢູ່​ຫຼາຍ​ທ້ອງຖິ່ນ​ກໍ່​ມີ​ບ້ານຫຼາຍ​ຄອບຄົວເປັນແກ່ວ​ເປັນ​ດອງ​ກັນ ມີ​ອຸດົມ​ຄະຕິ ແລະຄວາມ​ມຸ່ງ​ມາດ​ປາຖະໜາອັນ​ດຽວ​ກັນ ຄື​ຢາກ​ມີ​ຄວາມ​ເປັນເອກະລາດ ສັນຕິພາບ ແລະຄວາມ​ຮັ່ງມີ​ຜາ​ສຸກ ປະຊາຊົນສອງ​ຊາດ​ມີ​ມູນເຊື້ອຊ່ວຍເຫຼືອເຊິ່ງ​ກັນ ແລະກັນເປັນ​ພັນໆ​ປີ ​ໃນການ​ກໍ່​ຕັ້ງ ແລະ ປົກ​ປັກ​ຮັກສາ​ປະເທດ​ຊາດ​ຂອງ​ໃຜລາວພິເສດແມ່ນ​ໃນ​ໄລຍະ​ການ​ດຳເນີນ​ຕໍ່ສູ້ປະຕິວັດ​ເປັນ​ເວລາ​ເຄິ່ງ​ສະຕະວັດພາຍ​ໃຕ້​ການ​ນຳພາ​ຂອງ​ພັກກອມ​ມູ​ນິດ​ອິນດູຈີນຕໍ່​ມາ​ແມ່ນພັກ​ປະຊາຊົນປະຕິວັດ​ລາວ ແລະ ພັກ​ກອມ​ມູ​ນິດ​ຫວຽດນາມຄວາມ​ຜູກ​ພັນ​ສາມັກຄີ ແລະ ການ​ຊ່ວຍເຫຼືອ​ເຊິ່ງ​ກັນ ແລະ ກັນທີ່​ເປັນ​ມູນເຊື້ອ​ອັນ​ດີງາມ​ມາ​ແຕ່ດົນ​ນານ​ນັ້ນ ໄດ້​ເພີ່ມ​ຄວາມ​ແໜ້ນແຟ້ນແລະ ເຕີບ​ໃຫຍ່​ກາຍເປັນຄວາມ​ສາມັກຄີ​ພິເສດ ແລະການ​ພົວພັນ​ຮ່ວມ​ມື​ຮອບດ້ານຂອງ​ສອງ​ຊາດ ລາວ-ຫວຽດນາມ ໂດຍ​ແມ່ນ​ປະທານໂຮ່​ຈີ​ມິງ ປະທານ ໄກສອນ ພົມວິຫານ ແລະ ປະທານ ສຸ​ພານຸ​ວົງ ເປັນ​ຜູ້ລິ​ເລີ່ມຈາກ​ນັ້ນ​ມາ ການ​ນຳ​ແຕ່ລະ​ຮຸ່ນ​ຂອງ​ສອງ​ພັກ-ສອງ​ລັດ ແລະ ປະຊາຊົນ​ສອງ​ປະເທດຕ່າງ​ກໍ່​ໄດ້​ເອົາໃຈໃສ່​ປັບປຸງ​ເສີມຂະຫຍາຍ​ໃຫ້​ກາຍເປັນ​ການ​ພົວພັນ​ສາມັກຄີ​ອັນ​ບໍລິສຸດ​ຜຸດ​ຜ່ອງທີ່​ຫາ​ຍາກ​ໃນ​ການ​ພົວພັນ​ສາກົນແລະ ກາຍເປັນ​ມໍລະດົກ​ອັນ​ລ້ຳຄ່າ​ຂອງ​ສອງ​ຊາດ ລາວ-ຫວຽດນາມການ​ພົວພັນ​ດັ່ງກ່າວ​ໄດ້ເຕີບ​ໃຫຍ່​ຂະຫຍາຍຕົວ​ໃນ​ແຕ່ລະ​ໄລຍະ​ຈົນ​ຮອດ​ປັດຈຸບັນ.

 

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 87

ຈຳນວນຜູ້ເຂົ້າຊົມວານນີ້ 101

ຈຳນວນຜູ້ເຂົ້າຊົມອາທິດນີ້ 589

ຈຳນວນຜູ້ເຂົ້າຊົມເດືອນນີ້ 1469

ຈຳນວນຜູ້ເຂົ້າຊົມທັງໝົດ 34457

Currently are 16 guests and no members online

ແຜນທີ່ນະຄອນຫຼວງວຽງຈັນ