Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

19225563 434066266973337 643489656628966805 n

     ວັນ​ທີ 14 ມິຖຸນາ 2017 ທີ່​ຫ້ອງ​ວ່າການ ນະຄອນຫລວງ​ວຽງ​ຈັນ, ທ່ານແກ້ວ​ພິລາ​ວັນ ອາ​ໄພ​ລາດ ຮອງເຈົ້າ​ຄອງ​ ນະຄອນຫລວງວຽງຈັນ​ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ ຂອງທ່ານ ຫງວຽນ ວັນ​ຈຶກ ຮອງ​ຫົວໜ້າ​ ພະ​ແນກ​ກະສິກຳແລະ ພັດທະ​ນາ​ຊົນນະບົດ​ ນະຄອນ​ໂຮ່​ຈິມິງ, ພ້ອມ​ດ້ວຍ​ຄະນະ​ທີ່​ເດີນທາງ​ມາເຮັດ​ວຽກຢູ່​ ນະຄອນຫລວງ​ວຽງ​ຈັນ ແຕ່​ວັນ​ທີ 13-16 ມິຖຸນານີ້.

     ໃນໂອກາດດັ່ງກ່າວ, ທ່ານ ແກ້ວ​ພິລາ​ວັນ ອາ​ໄພ​ລາດ ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ, ຊົມ​ເຊີຍ​ ແລະ ຕີ​ລາ​ຄາສູງ​ຕໍ່​ ທ່ານ ຫງວຽນ ວັນ​ຈຶກຮອງ​ຫົວໜ້າ​ ພະ​ແນກ​ກະສິກຳ ແລະ ພັດທະ​ນາ​ຊົນນະບົດ​ ນະຄອນ​ໂຮ່​ຈິມິງພ້ອມ​ດ້ວຍ​ຄະນະ ໃນການ​ມາ​ຢ້ຽມ​​ຄັ້ງ​ນີ້, ຊຶ່ງເປັນການ ​ປະກອບສ່ວນສຳຄັນເຂົ້າໃນການເສີມຂະຫຍາຍ ສາຍພົວພັນມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ.ໃຫ້ແຕກດອກອອກຜົນງອກງາມຍິ່ງໆຂຶ້ນ.

     ພ້ອມດ້ວຍກັນນີ້, ທ່ານ ຫງວຽນວັນ​ຈຶກ ໄດ້ສະແດງຄວາມຂອບໃຈ ຕໍ່ທ່ານ ແກ້ວ​ພິລາ​ວັນ ອາ​ໄພ​ລາດທີ່ໄດ້ສະຫລະເວລາ ໃຫ້ການຕ້ອນຮັບ ອັນອົບອຸ່ນໃນຄັ້ງນີ້. ພ້ອມທັງລາຍງານ​ຈຸດປະສົງ​ ໃນ​ການ​ເດີນທາງ​ຄັ້ງ​ນີ້ ເພື່ອ​ປຶກສາ​ຫາລື​ກ່ຽວ​ກັບ​ຈັດພິທີ​ ມອບ-ຮັບ ​ແນວ​ພັນ​ງົວ​ຊີ້ນ ໃຫ້​ແກ່ນະຄອນຫລວງ​ວຽງ​ຈັນຈຳນວນ 50 ໂຕ, ພ້ອມນໍ້າເຊື້ອ 10.000 ຫລອດ ແລະ ຮັບ​ເອົາ​ພະນັກງານ​ວິຊາ​ການໄປ​ຝຶກອົບຮົມ ​ຢູ່​ນະຄອນ​ໂຮ່​ຈິມິງ ລວມ​ທັງປຶກສາ​ຫາລື​ ກ່ຽວ​ກັບ​ຂັ້ນ​ຕອນແລະ ຮູບ​ແບບ​ການ​ນຳ​ສົ່ງ ແນວ​ງົວ​ພັນ​ດັ່ງກ່າວ ລະຫວ່າງ ນະຄອນ​ໂຮ່​ຈີ​ມິງ ຫານະຄອນຫລວງວຽງ​ຈັນ ແລະ ສະຖານທີ່​ພັກ, ​ຄາດ​ວ່າ​ຈະ​ມີ​ການ​ ມອບ-ຮັບໃນ​ໄວໆ​ນີ້.

 

 

ຂອບໃຈພາບ ແລະ ຂ່າວ: ຂປລ ແລະ ວຽງງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 6

ຈຳນວນຜູ້ເຂົ້າຊົມວານນີ້ 30

ຈຳນວນຜູ້ເຂົ້າຊົມອາທິດນີ້ 363

ຈຳນວນຜູ້ເຂົ້າຊົມເດືອນນີ້ 1127

ຈຳນວນຜູ້ເຂົ້າຊົມທັງໝົດ 27926

Currently are 10 guests and no members online

ແຜນທີ່ນະຄອນຫຼວງວຽງຈັນ