Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

16265172 392969187718280 4475937409985605370 n

ໃນຕອນບ່າຍວັນທີ 19 ມັງກອນ 2017 ທີ່ຫ້ອງຮັບແຂກ ຫ້ອງວ່າການປົກຄອງນະຄອນຫຼວງວຽງຈັນ ໄດ້ມີການຖະແຫຼງກ່ຽວກັບການຈັດງານພົບປະພາກທຸລະກິດ ລາວ-ຝຣັ່ງ ຄັ້ງທີ 2 ຂຶ້ນໂດຍການເຂົ້າຮ່ວມຂອງທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວ ແຫ່ງ ສປປ.ລາວ ມີຜູ້ຕາງໜ້າສະຖານທູດຝຣັ່ງ ປະຈໍາລາວ ແລະ ພາກສ່ວນທີ່ກ່ຽວຂ້ອງ ພ້ອມດ້ວຍສື່ມວນຊົນເຂົ້າຮ່ວມ.

ທ່ານຮອງເຈົ້າຄອງນະຄອນຫຼວງວຽງຈັນ ໃຫ້ຮູ້ວ່າ ອີງໃສ່ການສະເໜີຂອງສະຖານທູດ ສ. ຝຣັ່ງ ປະຈໍາ ສປປ.ລາວ ໃນການຈັດງານພົບປະພາກທຸລະກິດ ລາວ-ຝຣັ່ງ ຝຣັ່ງ-ລາວ ຄັ້ງທີ 2 ທັງນີ້ ພາຍຫຼັງປະສົບຜົນສໍາເລັດໃນການຈັດກອງປະຊຸມພົບປະພາກທຸລະກິດ ລາວ-ຝຣັ່ງ ຄັ້ງທີ 1 ມາແລ້ວໃນປີ 2013 ຜ່ານມາ ດັ່ງນັ້ນ ນະຄອນຫຼວງວຽງຈັນ ຈິ່ງສົມທົບກັບກະຊວງອຸດສາຫະກໍາ ແລະການຄ້າ ກະຊວງການຕ່າງປະເທດ ແລະ ສະຖານທູດຝຣັ່ງ ປະຈໍາ ສປປ.ລາວ ມີຄວາມເປັນເອກະພາບກັນຕາມການເຫັນດີຂອງລັດຖະບານ ແຫ່ງ ສປປ.ລາວ ກຽມຈະຈັດງານພົບປະພາກທຸລະກິດ ລາວ-ຝຣັ່ງ ຝຣັ່ງ-ລາວ ຄັ້ງທີ 2 ຂຶ້ນໃນລະຫວ່າງວັນທີ 23-27 ມັງກອນ 2017 ທີ່ໂຮງແຮມແລນມາກແມ່ຂອງຣີເວີໄຊ ນະຄອນຫຼວງວຽງຈັນ ເຊິ່ງມີລາຍລະອຽດຄື ໃນວັນທີ 23 ມັງກອນ 2017 ພາກເຊົ້າຈະມີພິທີໄຂງານພົບປະພາກທຸລະກິດ ລາວ-ຝຣັ່ງ ຄັ້ງທີ 2 ຢ່າງເປັນທາງການ ກ່າວຕ້ອນຮັບຄະນະຜູ້ແທນປະເທດຝຣັ່ງ ແລະ ແຂກທີ່ເດີນທາງເຂົ້າຮ່ວມງານ ວັນທີ 24 ມັງກອນ 2017 ແມ່ນວາລະການດໍາເນີນກອງປະຊຸມສໍາມະນາກ່ຽວກັບດ້ານເສດຖະກິດ-ການຄ້າ ວັນທີ 25 ມັງກອນ 2017 ດໍາເນີນການປະຊຸມສໍາມະນາກ່ຽວກັບການປ່ຽນແປງດິນ ຟ້າ ອາກາດ ວັນທີ 26 ມັງກອນ 2017 ກອງປະຊຸມສໍາມະນາເສດຖະກິດຟຣັງໂກໂຟນີ ແລະ ວັນທີ 27 ມັງກອນ 2017 ກອງປະຊຸມດ້ານການທ່ອງທ່ຽວ ຢູ່ ສປປ.ລາວ ແລະ ໃນວັນດຽວກັນນີ້ ເວລາ 17:00 ໂມງ ຄະນະຜູ້ແທນປະເທດຝຣັ່ງ ຈະເຂົ້າຢ້ຽມຄໍານັບ ແລະ ລາຍງານຜົນສໍາເລັດການດໍາເນີນກອງປະຊຸມທັງໝົດໃຫ້ທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ເລຂາຄະນະພັກ ເຈົ້າຄອງນະຄອນຫຼວງວຽງຈັນ ໄດ້ຮັບຊາບທີ່ຫ້ອງຮັບແຂກຫ້ອງວ່າການນະຄອນຫຼວງວຽງຈັນ ແລະ ໃນເວລາ 18:00 ໂມງເປັນຕົ້ນໄປ ຈະມີການຈັດງານສະແດງຄອນເສີດເພື່ອຊົມເຊີຍຜົນສໍາເລັດງານພົບປະພາກທຸລະກິດ ລາວ-ຝຣັ່ງ ຄັ້ງທີ 2 ຢູ່ທີ່ສວນສາທາລະນະເຈົ້າອະນຸວົງ (ແຄມຂອງ).

 

Vientiane New day/ວຽງຈັນວັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 26

ຈຳນວນຜູ້ເຂົ້າຊົມວານນີ້ 41

ຈຳນວນຜູ້ເຂົ້າຊົມອາທິດນີ້ 26

ຈຳນວນຜູ້ເຂົ້າຊົມເດືອນນີ້ 823

ຈຳນວນຜູ້ເຂົ້າຊົມທັງໝົດ 48683

Currently are 111 guests and no members online

ແຜນທີ່ນະຄອນຫຼວງວຽງຈັນ