ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

DSC00668DSC00665DSC00664

     ໃນ​ຕອນ​ເຊົ້າ​ຂອງ​ວັນ​ທີ 30 ພຶດສະພາ 2016 ​ເວລາ 8:30 ​ໂມງ ຢູ່​ທີ່​ຫ້ອງວ່າການນະຄອນຫຼວງວຽງ​ຈັນ ​ໄດ້​ຈັດ​ພິທີ​ພົບ​ປະ ລະຫວ່າງ 2 ນະຄອນ ​ເຊິ່ງ ນະຄອນຫຼວງ​ວຽງ​ຈັນ ນໍາ​ໂດຍ ສະຫາຍ ປ​ອ. ສິນ​ລະ​ວົງ ຄຸດ​ໄພທູ​ນ ກຳມະການ​ກົມ​ການ​ເມື​ອງສູນ​ກາງ​ພັກ, ​ເລຂາ​ຄະນະ​ພັກ​, ​ເຈົ້າຄອງ​ນະຄອນຫຼວງ​ວຽງ​ຈັນ; ​ ຝ່າ​ຍນະຄອນ​​ໂຮ່ຈີ່​ມິນ​, ສສ ຫວຽດນາມ ນໍ​າ​ໂດຍ ສະຫາຍ ດິງ ລາ ທັງ, ກຳມະການ​ກົມ​ການ​ເມື​ອງສູນ​ກາງ​ພັກ, ​ເລຂາ​ຄະນະ​ພັກນະ​ຄອນ​​ໂຮ່ຈີ່​ມີນ ພ້ອມ​ດ້ວຍ​ຄະນະ;

​ໃນ​ພິທີ​ພົບ​ປະ​ທັງ​ສອງ​ຝ່າຍ​ໄດ້​​ແຈ້ງ​ສະພາບ​ການ​ພັດທະນາ​ເສດຖະກິດ​-ສັງ​ຄົມ ​ໃນ​6 ​ເດືອນຕົ້ນສົກ​ປີ 2015-2016 ​ໃຫ້​ກັນ​ຮັບ​ຊາບ, ທັງ​ສອງ​ຝ່າຍ​​ໄດ້ພ້ອມ​ກັນກວດກາ​ຄືນ​ຜົນ​ການ​ຮ່ວມ​ມື​ໃນ​ໄລຍະ​ທີ່​ຜ່ານ​ມາ​ຕາມ​ບົດ​ບັນທຶກ​ທີ່​ໄດ້​ເຊັນ​ຮ່ວມ​ກັນ ນັບ​ແຕ່​ຕົ້ນປີ 2015 ​ເປັນຕົ້ນມາ ​ເຊິ່ງທັງ​ສອງ​ຝ່າຍ​ເຫັນ​ດີ​ເປັນ​ເອກະ​ພາບ.

  1. ສືບ​ຕໍ່​ຜັນ​ຂະຫຍາຍ​​ໂຄງການ​ຮ່ວມ​ມື​ຊ່ວຍ​ເຫຼືອ​ດ້ານ​ເຕັກນິກການ​ລ້ຽງ​ງົວ​ຊີ້ນ​ເຊິ່ງຈະ​ໄດ້​ປະຕິບັດ​ຢູ່​ໃນ​​ໄລຍະກຳນົດ​ເວລ​າ 5 ປີ (2015-2020).
  2. ຝ່າຍ​ນະຄອນ​​ໂຮ່ຈີ່​ມີນຈະ​ຊ່ວຍ​ເຫຼືອ​ຍົກ​ລະດັບ​ຄວາມ​ສາມາດ​ໃນ​ການ​ຄຸ້ມ​ຄອງ​ການ​ເງິນ​ງົບປະມານ, ບຳລຸງ​ເຝິກອົບຮົມ​ໃຫ້​ພະນັກງານ​ການ​​ເງິນ​ຂອງ​ນະຄອນຫຼວງ​ວຽງ​ຈັນ.
  3. ທັງ​ສອງຝ່າຍ​ເຫັນ​ດີ​ເຫັນພ້​ອມນຳ​ກັນ​ຂະຫຍາຍ​ການ​ຮ່ວມ​ມື​ໃນ​ຂະ​ແໜງ​ທ່ອງ​ທ່ຽວ ​ແລະ ວັດທະນາ​ທຳ, ​ເນັ້ນໜັກ​ໃສ່​ການສົ່ງ​ເສີມ​ການທ່​ອງທ່ຽວ​​ເປັນ​ໝູ່ຄະນະ, ຝ່າຍ​ນະຄອນ​​ໂຮ່ຈີ່​ມີນຍິນ​ດີ​ຈະ​ໃຫ້ການ​ຊ່ວຍ​ເຫຼືອ​ທຶນ​ການ​ສຶກສາລະ​ດັບ​ຊັ້ນກາງຂົງ​ເຂດ​ດ້ານ​ການ​ບໍຫານ​ໂຮງ​ແຮມ, ຮ້ານ​ອາຫານ ​ແລະ ພິທີການ​ຕ້ອນຮັບ ​ໃນ​ແຕ່ລະ​ປີຈຳນວນ 5 ທຶນ.
  4. ທັງ​ສອງຝ່າ​ຍ​ເຫັນ​ດີ ​ແລະ ຊຸກຍູ້​ໃຫ້​ຂະ​ແໜງ​ວິຊາ​ການ ​ແລະ ນັກ​ທຸລະ​ກິດ​ຂອງ​ສອງ​ນະຄອນ ​ເພີ່ມ​ທະວີ​ກາ​ນຮ່ວມ​ມື ​ແລະ ​ແລກປ່ຽນບົດຮຽນ​ນຳ​ກັນ​ໃນ​ຂົງ​ເຂດ​ທີ່​ສອງຝ່າຍ​ມີ​ຄວາມ​ສົນ​ໃຈ ​ແລະ ມີ​ຜົນ​ປະ​ໂ​ຫຍດຮ່ວມ​ກັນ.

    ສຳລັບ​ແຜນການ​ຮ່ວມ​ມື​ໃນ​ຕໍ່ໜ້າ​ສອງ​ຝ່າຍ​ຕີ​ລາ​ຄາ​ສູງ ​ແລະ​ເອົາ​ໃຈ​ໃສ່​ໃນ​ການ​ພົວພັນ​ແຮກສ່ຽວ​ຮ່ວມ​ກັນ, ​ແລກປ່ຽນ​ຄະນະ​ຜູ້​ແທນ​ຂັ້ນສູງ, ຂັ້ນພະ​ແນ​ກການ, ຂັ້ນວິຊາ​ການ​ເຊິ່ງກັນ​ແລະ ກັນ, ​ເອົາ​ໃຈ​ໃສ່​ຊຸກຍູ້​ບັນດາ​ການ​ເຄື່ອນ​ໄຫວ​ມິດຕະພາບ​ການ​ຮ່ວມ​ມື, ປະກອບສ່ວນຊຸກຍູ້​ສ້າງສາ​ຍພົວພັນ​ທີ່​ມີ​ມູນ​​ເຊື້ອ, ຄວາມ​ສາ​ມັກ​ຄີ​ແບບ​ພິ​ເສດ ​ແລະ ການ​ຮ່ວມ​ມື​ຮອບດ້ານ ​ລະຫວ່າງ ລາວ-ຫວຽດນາມ; ທັງ​ສອງ​ຝ່າຍ​ຈະ​ສືບ​ຕໍ່​ຊຸກ​ຍູ້​ບັນດາ​ໂຄງການ​ທີ່​​ໄດ້​ມີ​ການ​ປຶກສາ​ຫາລື​ກັນ​​ແລ້ວ​ ​ໄດ້​ມີ​ການ​ລິ​ເລີ່​ມຢ່າງ​ຕັ້ງໜ້າ​ໂດຍ​ສະ​ເພາະ​ໂຄງການ​ລ້ຽງ​ງົວ​ພັນ​ຊີ້ນ, ​ໂຄງການ​ຈັດ​ເຝິກອົບຮົມ​ວຽກ​ງາ​ນການ​ເງິນ, ​ໂຄງການ​ສ້າງ​ບຸກຄະລາ​ກອນ​ດ້ານການທ່ອງ​ທ່ຽວ, ​ໂຮງ​ແຮມ ​ແລະ ​ໂຄງການ​ອື່ນໆ.​ໂດຍ​ທັງ​ສອງຝ່າຍ​​ໄດ້​ມອບ​ໃຫ້​ພະ​ແນ​ກການ​ຕ່າງ​ປະ​ເທດ ​ແລະພະ​ແນ​ກການກ່ຽວຂ້ອງ​ຂອງ​ສອງ​ນະຄອນ​​ເປັນ​ຜູ້​ປະສານ​ງານ​ເພື່ອ​ຊຸກ​ຍູ້ບັນດາ​ພາກ​ສ່ວນ​ທີ່​ກ່ຽວຂ້ອງ​ໃນ​ການຈັດຕັ້ງປະຕິບັດຕາມ​ທີ່​ໄດ້​ຕົກລົງ​ຮ່ວມ​ມື​ກັນ​​ແລ້ວ.

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 21 guests and no members online