ການ​ເປີດ​ຂະ​ບວນ​ການ​ປັກ​ຫຼັກ​ໝາຍ​ເຂດ​ສະ­ຫງວນ​ທີ່​ດິນ​ກະ­ສິ­ກຳ ແລະການ​ປູກ​ເຂົ້າ​ຕາມ​ທິດ​ຫັນ​ເປັນ​ທັນ​ສະ­ໄໝ ແລະ ຫຼຸດ­ຜ່ອນ​ແຮງ​ງານ​ຊາວ­ນາຈັດ​ຂຶ້ນ​ວັນ​ທີ 29 ມິ­ຖຸ­ນາ 2018 ທີ່​ບ້ານ​ຖິ່ນ​ແທ່ນ ເມືອງ​ຫາດ​ຊາຍ​ຟອງນະ­ຄອນ ຫຼວງ​ວຽງ​ຈັນ (ນວ) ມີ​ທ່ານ ລຽນ ທິ​ແກ້ວ ລັດ­ຖະ­ມົນ­ຕີກະ­ຊວງ​ກະ­ສິ­ກຳ ແລະ ປ່າ­ໄມ້ ທ່ານ ແກ້ວ​ພິ­ລາ​ວັນ ອາ​ໄພ​ລາດຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ບັນ­ດາ​ທ່ານ​ເຈົ້າ­ເມືອງຫົວ­ໜ້າ​ກົມ ຫົວ­ໜ້າ​ພະ​ແນກ ຫົວ­ໜ້າ​ຫ້ອງ­ການ​ກະ­ສິ­ກຳ​ເມືອງ ຂະ­ແໜງ­ການສູນ ພະ­ນັກ­ງານ​ວິ­ຊາ​ການ ກຸ່ມ​ບ້ານ ອຳ­ນາດ​ການ​ປົກ­ຄອງ​ບ້ານພ້ອມ​ດ້ວຍ​ຊາວ​ກະ­ສິ­ກອນ​ເຂົ້າ​ຮ່ວມ

     ສາ­ລີ​ອາ­ຫານ​ສັດ​ເປັນ​ພືດ​ກະ­ສິ­ກຳທີ່​ເປັນ​ສິນ­ຄ້າ​ອັນ​ດັບ​ສອງ​ຮອງ​ຈາກ​ເຂົ້າທີ່​ປະ­ຊາ­ຊົນ​ນິ­ຍົມ​ກັນ​ປູກ​ຢູ່​ເຂດ​ອຸ­ດົມ­ສົມ­ບູນ​ທົ່ງ­ພຽງ​ວຽງ​ຈັນປັດ­ຈຸ­ບັນ ອຳ­ນາດ​ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ (ນວ)ພວມ​ເລັ່ງ​ຊຸກ­ຍູ້​ສົ່ງ­ເສີມ​ໃຫ້​ປະ­ຊາ­ຊົນກໍ່​ຄື​ຊາວ​ກະ­ສິ­ກອນ​ນຳ​ເອົາ​ສາ­ລີ​ອາ­ຫານ​ສັດ ມາ​ເປັນ​ພືດ​ເສດ­ຖະ­ກິດເພື່ອ​ຍົກ​ລະ­ດັບ​ຊີ­ວິດ​ການ​ເປັນ​ຢູ່​ໃຫ້​ນັບ​ມື້​ດີ​ຂຶ້ນໂດຍ​ເຂດ​ເມືອງ​ຈຸດ​ສຸມ ນວ ໄດ້​ກຳ­ນົດ​ເອົາ 4 ເມືອງ​ຄື: ເມືອງ​ນາ​ຊາຍ​ທອງໄຊ​ທາ­ນີ ປາກ​ງື່ມ ແລະ ເມືອງ​ສັງ​ທອງ.

     ທ່ານ​ນາງ ບົວ​ວອນ ສຸກ​ລາແສງ ຮອງ​ຫົວໜ້າ​ຫ້ອງ​ວ່າການໂຄສົກ​ນະຄອນຫຼວງ​ວຽງ​ຈັນ (ນວ) ໄດ້​ຖະແຫຼງ​ຂ່າວ​ຜົນ​ສຳເລັດ​ກອງ​ປະຊຸມ​ອົງການ​ປົກຄອງ ນວ ສະໄໝ​ສາມັນ​ປະຈຳ​ເດືອນກຸມພາ 2018 ທີ່​ຈັດ​ຂຶ້ນ​ວັນ​ທີ 23 ກຸມພາ 2018 ໃນ​ວັນ​ທີ 26 ກຸມພາ 2018 ວ່າ: ກອງ​ປະຊຸມ​ອົງການ​ປົກຄອງ ນວ ສະໄໝ​ສາມັນ ປະຈຳ​ເດືອນ​ກຸມພາ 2018 ໄດ້​ພິຈາລະ​ນາ​ບັນຫາ​ສຳຄັນ ແລະ ຮີບ​ດ່ວນ ຄື: ຮັບ​ຟັງ​ລາຍ​ງານ ແລະ ໃຫ້​ທິດ​ຊີ້​ນຳ​ກ່ຽວ​ກັບ​ສະພາບ​ຜົນ​ເສຍ​ຫາຍ​ຂອງ ນວ ຈາກພາຍຸ​ຝົນ​ແຮງ ວັນ​ທີ 21 ກຸມພາ 2018 ເຮັດ​ໃຫ້​ມີ​ຜົນ​ເສຍ​ຫາຍ 3 ເມືອງ ຄື: ເມືອງ​ປາກ​ງື່ມ ອາຄານ ແລະ ໂຮງຮຽນ​ເສຍ​ຫາຍ 74 ຫຼັງ ເຮືອນ​ເສຍ​ຫາຍ​ໝົດ​ຫຼັງ 4 ຫຼັງ ປະຊາຊົນ​ບາດເຈັບ 6 ຄົນ ເມືອງ​ໄຊ​ທານີ ຫຼັງຄາ​ເຮືອນ​ປະຊາ​ຊົນ​ເປີດສັງກະສີ 480 ແຜ່ນ ແລະ ຕົ້ນໄມ້​ທັບ​ເຮືອນ​ປະຊາຊົນ 1 ຫຼັງ ເມືອງ​ໄຊ​ເຊດ​ຖາ ເກີດ​ໄຟຟ້າ​ຊອດ ໄຟຟ້າ​ດັບ ໃນ​ນີ້ ການນຳ ນວ ນຳ​ໂດຍ​ທ່ານ​ເຈົ້າ​ຄອງ ນວ ໄດ້​ເຂົ້າ​ຊ່ວຍເຫຼືອ​ເບື້ອງ​ຕົ້ນ ດ້ວຍ​ການ​ມອບ​ເງິນ 20 ລ້ານ​ກີບ ສັງກະສີ 500 ແຜ່ນ.