Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

5179866630c48797d114fd13bd5c150b

     ວັນ​ທີ 25 ກໍ­ລະ­ກົດ 2019 ເປັນ​ມື້​ທີ 2 ຂອງ​ການ​ດຳ­ເນີນ​ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 7 ຂອງ​ສະ­ພາ​ປະ­ຊາ­ຊົນນະ­ຄອນ­ຫຼວງ​ວຽງ​ຈັນ (ສປ ນວ) ຊຸດ​ທີ I ຢູ່​ຫ້ອງ​ວ່າ­ການ ນວໂດຍ​ເປັນ​ປະ­ທານ​ຂອງ​ທ່ານ ອາ­ນຸ­ພາບ ຕຸ​ນາ​ລົມ ປະ­ທານ ສປ ນວ ມີ​ທ່ານສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ ນວ ພ້ອມ​ດ້ວຍ​ຮອງ​ປະ­ທານ​ສະ­ພາ ແລະພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ສຳ­ລັບ​ມື້​ທີ 2 ໄດ້​ຮັບ​ຟັງ​ການ​ຊີ້​ແຈງ​ຈາກ​ຄະ­ນະ​ຮັບ­ຜິດ­ຊອບ​ວຽກ​ງານ​ຂະ­ແໜງ­ການ​ຕ່າງໆເປັນ­ຕົ້ນ ບັນ­ຫາ​ກ່ຽວ​ກັບ​ການ​ແກ້​ໄຂ​ບັນ­ຫາ​ຂໍ້​ຂັດ​ແຍ່ງ​ທີ່​ດິນ​ທົ່ວ ນວໂຄງ­ການ​ກໍ່­ສ້າງ​ເສັ້ນ­ທາງ​ດ່ວນ ນວ-ບໍ່​ເຕັນ ໄລ­ຍະ 1 ນວ-ວັງ​ວຽງແຂວງ​ວຽງ​ຈັນ ໂຄງ­ການ​ກໍ່­ສ້າງ​ເສັ້ນ­ທາງ​ດອນ​ນົກ​ຂຸ້ມ-ເສັ້ນ­ທາງ 450 ປີໂຄງ­ການ​ກໍ່­ສ້າງ​ສະ­ໜາມ​ກ໋ອບ​ລ່ອງ​ແທັງ ການ​ຄຸ້ມ​ຄອງ ແລະອະ­ນຸ­ຍາດ​ໃຫ້​ນັກ​ລົງ­ທຶນ​ຕ່າງ­ປະ­ເທດ​ໃຫ້​ລົງ­ທຶນ​ປູກ​ກ້ວຍ​ຢູ່ ນວໂດຍ​ສະ­ເພາະ​ຢູ່​ເມືອງ​ໄຊ​ທາ­ນີ ນາ​ຊາຍ​ທອງ ສັງ​ທອງ ແລະ ເມືອງ​ປາກ​ງື່ມການ​ແກ້​ໄຂ​ບັນ­ຫາ​ໄຟ​ເຍືອງ​ທາງ​ແຕ່​ລະ​ເສັ້ນ­ທາງ​ທີ່​ມີ​ແຕ່​ຫຼັກ​ເສົາ​ໄຟ­ຟ້າແຕ່​ບໍ່​ມີ​ໄຟ​ເຍືອງ​ທາງ ບັນ­ຫາ​ນ້ຳ​ເປື້ອນ​ທີ່​ໄຫຼ​ລົງ​ຮ່ອງ​ແຊງພ້ອມ​ທັງ​ຮັບ​ຟັງ​ການ​ຊີ້​ແຈງ​ຂອງ​ທ່ານ​ເຈົ້າ​ຄອງ ນວກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມແຜນ​ງົບ­ປະ­ມານ 6 ເດືອນ​ຕົ້ນ​ປີ ແລະ ທິດ​ທາງ 6 ເດືອນ​ທ້າຍ​ປີ 2019 ແລະບັນ­ຫາ​ອື່ນໆ​ອີກ.

    ທ່ານ ສິນ​ລະ​ວົງ ຄຸດ​ໄພ­ທູນໄດ້​ຍົກ​ໃຫ້​ເຫັນ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມແຜນ​ງົບ ປະ­ມານ 6 ເດືອນ​ຕົ້ນ​ປີ ແລະ ທິດ​ທາງ 6 ເດືອນ​ທ້າຍ​ປີ 2019 ເຊິ່ງ​ໂດຍ​ລວມ​ການ​ຂະ­ຫຍາຍ­ຕົວ​ເສດ­ຖະ­ກິດ​ຂອງ ນວມີ​ທ່າ​ກ້າວ​ຂະ­ຫຍາຍ­ຕົວ​ດີ ຫຼາຍ​ໂຄງ­ການ​ສາ­ມາດ​ຈັດ​ຕັ້ງ​ປະ­ຕິ­ບັດ​ໄດ້​ດີຊຸກ­ຍູ້​ໃຫ້­ການ​ຂະ­ຫຍາຍ­ຕົວ​ດ້ານ​ເສດ­ຖະ­ກິດ ນວມີ​ການ​ຂະ­ຫຍາຍ­ຕົວ​ລະ­ດັບ 9,47% (ແຜນ­ການ 9,5%) ຄາດ​ຄະ­ເນ​ມູນ​ຄ່າ​ເພີ່ມ​ລວມ​ຍອດ​ຜະ­ລິດ​ຕະ​ພັນ​ພາຍ​ໃນ​ປະ­ມານ 45.361 ຕື້​ກີບ ສະ­ເລ່ຍ​ຕໍ່​ຫົວ​ຄົນ 5.692 ໂດ​ລາ​ສະ­ຫະ­ລັດ (ແຜນ­ການ 5.695 ໂດ​ລາ​ສະ­ຫະ­ລັດ) ດ້ານ​ການ­ເມືອງ​ມີ​ຄວາມ​ສະ­ຫງົບ ແລະ ເປັນ​ລະ­ບຽບ​ຮຽບ​ຮ້ອຍນອກ​ນີ້ ຍັງ​ໄດ້​ສືບ­ຕໍ່​ສຸມ​ໃສ່​ແຜນ­ການ 6 ເດືອນ​ທ້າຍ​ປີໂດຍ​ສະ­ເພາະ​ການ­ຈັດ­ຕັ້ງ​ປະ­ຕິ­ບັດ 5 ຄາດ­ໝາຍ​ໃຫຍ່ 68 ຄາດ­ໝາຍ​ຍ່ອຍການ​ແກ້​ໄຂ​ຂໍ້​ຂັດ​ແຍ່ງ​ທີ່​ຍັງ​ຄົງ​ຄ້າງ​ຢູ່​ແຕ່​ລະ​ເມືອງການ­ຈັດ­ຕັ້ງ​ປະ­ຕິ­ບັດ​ການ​ອອກ​ໃບ​ຕາ­ດິນ ການ​ຄຸ້ມ​ຄອງ​ສິນ­ຄ້າການ​ແກ້​ໄຂ​ປາ­ກົດ­ການ​ຫຍໍ້­ທໍ້ມາດ​ຕະ­ການ​ໃນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ຕ່າງໆຄວາມ​ຮັບ­ຜິດ­ຊອບ​ແຕ່​ລະ​ໜ່ວຍ​ງານເປັນ​ເຈົ້າ​ການ​ໃນ​ການ​ຈັດ​ເກັບ​ລາຍ​ຮັບ​ເຂົ້າ​ງົບ­ປະ­ມານກະ­ກຽມ​ບຸ​ຄະ­ລາ​ກອນ​ທີ່​ມີ​ຄວາມ​ຮູ້-ຄວາມ​ສາ­ມາດ ເພື່ອ​ມາ​ພັດ­ທະ­ນາ ນວໃນ­ຕໍ່­ໜ້າ ເຊິ່ງ​ບັນ­ຫາ​ເຫຼົ່າ​ນີ້​ເປັນ​ສິ່ງ​ທ້າ​ທາຍ ແລະບົດ​ທົບ​ສອບ​ໜຶ່ງ​ໃຫ້​ຄະ­ນະ​ຮັບ­ຜິດ­ຊອບ​ໃນ​ບັນ­ດາ​ວຽກ​ງານ​ຂະ­ແໜງ­ການ​ຕ່າງໆຕ້ອງ​ພ້ອມ​ກັນ​ສຸມ​ໃສ່​ຈັດ​ຕັ້ງ​ປະ­ຕິ­ບັດ​ຢ່າງ​ຈິງ​ໃຈ ເຂັ້ມ​ງວດເລັ່ງ​ທວງ​ການ​ແກ້​ໄຂ​ບັນ­ຫາ​ຢ່າງ​ຈິງ​ຈັງເຊິ່ງ​ມັນ​ຮຽກ­ຮ້ອງ​ທຸກ​ພາກ­ສ່ວນ​ຕ້ອງ​ມີ​ການ​ປະ­ສານ​ສົມ­ທົບ​ຢ່າງ​ສະ­ໜິດ​ແໜ້ນຮ່ວມ​ມື​ໃນ​ການ​ແກ້​ໄຂ​ບັນ­ຫາ​ເລິ່ມ​ຈາກ​ຂອດ​ວຽກ​ງານ​ນ້ອຍ​ງ່າຍ­ດາຍໄປ​ຫາ​ອັນ​ສັບ­ສົນ​ຫຍຸ້ງ­ຍາກຕ້ອງ​ມີ​ຄວາມ​ຕັດ­ສິນ​ໃຈ​ສູງ​ຫັນ​ເຂົ້າ​ສູ່​ການ​ປະ­ຕິ­ບັດ​ວຽກ​ງານ​ຕົວ​ຈິງ​ຢ່າງ​ສອດ­ຄ່ອງຖືກ­ຕ້ອງ​ຕາມ​ລະ­ບຽບ​ກົດ­ໝາຍ​ຂອງ​ລັດເພື່ອ​ພ້ອມ​ກັນ​ບັນ­ລຸ​ຜົນ​ຕາມ​ຄາດ­ໝາຍ​ທີ່​ວາງ​ໄວ້.

    ພາຍ­ຫຼັງ​ຮັບ​ບົດ​ລາຍ​ງານ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມແຜນ​ງົບ­ປະ­ມານ 6 ເດືອນ​ຕົ້ນ​ປີ ແລະ ທິດ​ທາງ 6 ເດືອນ​ທ້າຍ​ປີ 2019 ຂອງ ນວບັນ­ດາ​ຜູ້​ແທນ​ກໍ​ໄດ້​ປະ­ກອບ​ຄຳ​ຄິດ​ເຫັນ​ຢ່າງ​ກົງ​ໄປ​ກົງ​ມາພ້ອມ​ທັງ​ເຫັນ​ດີ​ເປັນ​ເອ­ກະ​ພາບ ແລະ ຮັບ­ຮອງ​ເອົາ​ບົດ​ລາຍ​ງານ​ດັ່ງ­ກ່າວ.

ທີ່ມາຂໍ້ມູນ: ໜັງສືພີມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 38

ຈຳນວນຜູ້ເຂົ້າຊົມວານນີ້ 48

ຈຳນວນຜູ້ເຂົ້າຊົມອາທິດນີ້ 165

ຈຳນວນຜູ້ເຂົ້າຊົມເດືອນນີ້ 641

ຈຳນວນຜູ້ເຂົ້າຊົມທັງໝົດ 49636

Currently are 17 guests and no members online

ແຜນທີ່ນະຄອນຫຼວງວຽງຈັນ