ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

         ພິ­ທີ​ເປີດ​ນຳ​ໃຊ້​ໂຮງ­ງານ​ຜະ­ລິດ​ນ້ຳ​ປະ­ປາ​ບ້ານ​ນາ­ລ້ອງ ເມືອງ​ຫາດ​ຊາຍ​ຟອງ ນະ­ຄອນ­ຫຼວງ​ວຽງ​ຈັນ (ນວ) ກຳ­ລັງ​ການ​ຜະ­ລິດ 1.500 ແມັດ​ກ້ອນ​ຕໍ່​ວັນ ໂດຍ​ທຶນ​ກູ້​ຢືມ​ຈາກ ສປ ຈີນ (NORINCO) ຈັດ​ຂຶ້ນ​ວັນ​ທີ 16 ມັງ­ກອນ 2019 ທີ່​ບ້ານ​ນາ­ລ້ອງ ມີ​ທ່ານ ແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ ນວ ທ່ານ ຄຳ​ເຜີຍ ວົງ­ສາ​ຄຳ​ຜຸຍ ຜູ້­ອຳ­ນວຍ­ການ​ໃຫຍ່​ລັດ​ວິ​ສາ​ຫະ​ກິດ​ນ້ຳ​ປະ­ປາ ນວ ທ່ານ ແກ່ນ ວໍ­ລະ​ສານ ຮອງ​ເຈົ້າ­ເມືອງ​ຫາດ​ຊາຍ​ຟອງ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

        ທ່ານ ຄຳ​ເຜີຍ ວົງ­ສາ​ຄຳ​ຜຸຍ ກ່າວ​ວ່າ: ໂຄງ­ການ​ນ້ຳ​ປະ­ປາ​ບ້ານ​ນາ­ລ້ອງ​ແຫ່ງ​ນີ້​ແມ່ນ 1 ໃນ​ໂຄງ­ການ​ຂອງ​ການ​ສະ­ໜອງ​ນ້ຳ​ປະ­ປາ​ຂອງ​ລັດ​ວິ​ສາ​ຫະ​ກິດ​ນ້ຳ​ປະ­ປາ ນວ ທີ່​ອີງ­ໃສ່​ຄວາມ​ຈຳ­ເປັນ ແລະ ຄວາມ​ຕ້ອງ­ການ​ດ້ານ​ນ້ຳ​ໃນ​ການ​ດຳ­ລົງ​ຊີ­ວິດ​ຂອງ​ປະ­ຊາ­ຊົນ​ຢູ່ ນວ ເວົ້າ​ລວມ ເວົ້າ​ສະ­ເພາະ ປະ­ຊາ­ຊົນ​ທີ່​ອາ­ໄສ​ຢູ່​ແລບ​ຕາມ​ແມ່­ນ້ຳ​ຂອງ​ເຊັ່ນ: ບ້ານ​ນາ­ລ້ອງ ໝາກ​ຮ້ຽວ ໝາກ​ນາວ​ເໜືອ ໝາກ​ນາວ​ໃຕ້ ໝາກ​ນາວ​ດົງ ແລະ ບ້ານ​ອ້ອມ​ຂ້າງ​ທີ່​ຂາດ­ເຂີນ​ນ້ຳ​ໃຊ້​ສະ­ອາດ​ປອດ​ໄພ ເຊິ່ງ​ຜ່ານ​ມາ ການ​ນຳ​ໃຊ້​ນ້ຳ​ແມ່ນ​ຍັງ​ບໍ່​ທັນ​ໄດ້​ມາດ­ຕະ­ຖານ​ຂອງ​ນ້ຳ​ສະ­ອາດ​ທີ່­ແທ້​ຈິງ ດັ່ງ­ນັ້ນ ການ​ນຳ ນວ ຈຶ່ງ​ເຫັນ​ຄວາມ​ສຳ­ຄັນ ແລະ ຈຳ­ເປັນ​ຈຶ່ງ​ໄດ້​ກູ້​ຢືມ​ແຫຼ່ງ​ທຶນ​ຈາກ ສປ ຈີນ ມາ​ພັດ­ທະ­ນາ​ດ້ວຍ​ມູນ​ຄ່າ​ປະ­ມານ 856,76 ຕື້​ກີບ ຫຼື 100 ລ້ານ​ໂດ​ລາ​ສະ­ຫະ­ລັດ ໂດຍ​ມອບ​ໃຫ້​ລັດ​ວິ​ສາ​ຫະ​ກິດ​ນ້ຳ​ປະ­ປາ ນວ ເປັນ​ຜູ້​ຈັດ​ຕັ້ງ​ປະ­ຕິ­ບັດ ເຊິ່ງ​ໂຄງ­ການ​ນ້ຳ​ປະ­ປາ​ນາ­ລ້ອງ​ແມ່ນ​ໜຶ່ງ​ໃນ​ຈຳ­ນວນ​ຫຼາຍ​ໜ້າ​ວຽກ ຂອງ​ໂຄງ­ການ​ຂະ­ຫຍາຍ​ທໍ່​ຢູ່ ນວ ຜ່ານ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ນີ້ ນວ ຈະ​ມີ​ລະ­ບົບ​ນ້ຳ​ປະ­ປາ​ຂະ­ຫຍາຍ­ຕົວ​ຂຶ້ນ​ຫຼາຍ​ສົມ­ຄວນ ຕາມ​ແຜນ​ສູ້​ຊົນ​ຮອດ​ປີ 2020 ປະ­ຊາ­ຊົນ​ອາ­ໄສ​ຢູ່​ເຂດ​ບໍ­ລິ­ການ​ຈະ​ມີ​ນ້ຳ​ໃຊ້ 90-95% ປັດ­ຈຸ­ບັນ​ມີ​ພຽງ​ແຕ່​ປະ­ມານ 86-87% ຈະ​ເປັນ​ພື້ນ­ຖານ​ສຳ­ຄັນ​ໃຫ້​ປະ­ຊາ­ຊົນ​ມີ​ສິ່ງ​ອຳ­ນວຍ​ຄວາມ​ສະ­ດວກ ໃນ​ການ​ດຳ­ລົງ​ຊີ­ວິດ​ປະ­ຈຳ​ວັນ ແລະ ເປັນ​ທ່າ­ແຮງ​ໃນ​ການ​ທຳ​ມາ​ຫາ​ກິນ ແລະ ເຮັດ​ທຸ­ລະ​ກິດ.

        ໂຄງ­ການ​ດັ່ງ­ກ່າວ​ມີ​ລະ­ບົບ​ທໍ່​ສົ່ງ ແລະ ທໍ່​ແຈກ​ຍາວ​ຫຼາຍ​ກວ່າ 40-50 ກິ­ໂລ­ແມັດ ປັດ­ຈຸ­ບັນ​ຕິດ​ຕັ້ງ​ນ້ຳ​ປະ­ປາ 149 ໜ່ວຍ ແລະ ສາ­ມາດ​ສະ­ໜອງ​ນ້ຳ​ໃຫ້​ປະ­ຊາ­ຊົນ​ໄດ້​ຊົມ­ໃຊ້​ຫຼາຍ​ກວ່າ 5.667 ຄົນ ໃນ​ຈຳ­ນວນ 5 ບ້ານ​ທີ່­ຢູ່​ລຽບ​ຕາມ​ແມ່­ນ້ຳ​ຂອງ​ຄື: ນາ­ລ້ອງ ໝາກ​ຮ້ຽວ ໝາກ​ນາວ​ເໜືອ ໝາກ​ນາວ​ໃຕ້ ແລະ ໝາກ​ນາວ​ດົງ.

ທີ່ມາຂໍ້ມູນຈາກ:ໜັງສືພິມວຽງຈັນໃໝ່

ຄົ້ນຫາ

ປະຕິທິນ

December 2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 21

ຈຳນວນຜູ້ເຂົ້າຊົມວານນີ້ 189

ຈຳນວນຜູ້ເຂົ້າຊົມອາທິດນີ້ 210

ຈຳນວນຜູ້ເຂົ້າຊົມເດືອນນີ້ 873

ຈຳນວນຜູ້ເຂົ້າຊົມທັງໝົດ 54810

Currently are 22 guests and no members online