Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

83a1dcf90bf2428a6a19a8aebd3aacd8

      ກອງ​ປະ­ຊຸມ​ລິ​ເລີ່ມ​ໂຄງ­ການ​ຜະ­ລິດ​ກະ­ສິ­ກຳ​ເປັນ​ສິນ­ຄ້າ​ຢູ່ ສປປ ລາວປະ­ຈຳ​ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 11 ຕຸ­ລາ 2018 ຢູ່​ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ໂດຍ​ເປັນ​ປະ­ທານ​ຮ່ວມ​ຂອງ​ທ່ານແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ ນວ ທ່ານ ພູ­ທອນ ສິ​ຣິ​ພັນ​ທອງຫົວ­ໜ້າ​ປະ­ສານ​ງານ​ໂຄງ­ການ​ຜະ­ລິດ​ກະ­ສິ­ກຳ​ເປັນ​ສິນ­ຄ້າ​ຢູ່ ສປປ ລາວມີ​ທ່ານ​ຮອງ​ເຈົ້າ­ເມືອງ ຮອງ​ຫົວ­ໜ້າ​ພະ​ແນກ ຄະ­ນະ​ຮັບ­ຜິດ­ຊອບ​ໂຄງ­ການ ແລະພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ແກ້ວ​ພິ­ລາ​ວັນ ອາ​ໄພ​ລາດ ກ່າວ​ວ່າ:ໂຄງ­ການ​ຜະ­ລິດ​ກະ­ສິ­ກຳ​ເປັນ​ສິນ­ຄ້າ​ຢູ່ ສປປ ລາວເປັນ​ໂຄງ­ການ​ໜຶ່ງ​ທີ່​ນອນ​ຢູ່​ໃນ​ແຜນ­ການ​ຮ່ວມ​ມື​ລະ­ຫວ່າງ​ລັດ­ຖະ­ບານ ແລະທະ­ນາ­ຄານ​ໂລກ ກ່ຽວ​ກັບ​ແຜນ​ງານ​ຄ້ຳ­ປະ­ກັນ​ສະ­ບຽງ​ອາ­ຫານ​ລະ­ດັບ​ຊາດໂດຍ​ມີ​ຈຸດ­ປະ­ສົງ​ເລັ່ງ​ປັບ­ປຸງ​ຕ່ອງ​ໂສ້​ການ​ຜະ­ລິດ​ກະ­ສິ­ກຳ​ເປັນ​ສິນ­ຄ້າຕາມ​ມາດ­ຕະ­ຖານ​ກະ­ສິ­ກຳ​ສະ­ອາດ ເປັນ­ຕົ້ນ​ການ​ຜະ­ລິດ​ເຂົ້າ ພືດ​ຜັກ ແລະສາ­ລີ ນັບ​ແຕ່​ຂອດ​ການ​ປູກ ຈົນ​ຮອດ​ຂອດ​ການ­ຈຳ­ໜ່າຍ ໂຄງ­ການ​ດັ່ງ­ກ່າວຈະ​ຈັດ​ຕັ້ງ​ປະ­ຕິ­ບັດ​ຮ່ວມ​ກັນ​ລະ­ຫວ່າງ​ຂະ­ແໜງ​ກະ­ສິ­ກຳ ແລະ ປ່າ­ໄມ້ ແລະຂະ­ແໜງ​ອຸດ­ສາ­ຫະ­ກຳ ແລະ ການ​ຄ້າ ລວມ​ມີ 5 ແຂວງ​ເປົ້າ​ໝາຍ​ເຊັ່ນ:ໄຊ​ຍະ​ບູ​ລີ ວຽງ​ຈັນ ນວ ບໍ​ລິ​ຄຳ​ໄຊ ແລະ ຄຳ​ມ່ວນໂດຍ​ການ­ຈັດ­ຕັ້ງ​ປະ­ຕິ­ບັດ​ຈະ​ເລີ່ມ​ທ້າຍ​ປີ 2018-2024 ມູນ​ຄ່າ 29,3 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 249,85 ຕື້​ກີບໃນ​ນີ້​ງົບ­ປະ­ມານ​ຈາກ​ທະ­ນາ­ຄານ​ໂລກ 25 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 213,25 ຕື້​ກີບ ທຶນ​ສົມ­ທົບ​ຂອງ​ລັດ­ຖະ­ບານ​ລາວ 0,5 ລ້ານ​ໂດ​ລາ​ສະ­ຫະ­ລັດຫຼື ປະ­ມານ 4,26 ຕື້​ກີບ ແລະ ທຶນ​ສົມ­ທົບ​ຂອງ​ຜູ້​ປະ­ກອບ​ການ​ກຸ່ມ​ຜະ­ລິດ 3,8 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 32,41 ຕື້​ກີບ.

    ຄະ­ນະ​ກະ­ກຽມ​ໂຄງ­ການ​ຂອງ​ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ແລະພະ​ແນກ​ອຸດ­ສາ­ຫະ­ກຳ ແລະ ການ​ຄ້າ ນວໄດ້​ສົມ­ທົບ​ກັບ​ຄະ­ນະ​ກະ­ກຽມ​ໂຄງ­ການ​ຂັ້ນ​ສູນ​ກາງ ແລະຕົວ​ແທນ​ຈາກ​ທະ­ນາ­ຄານ​ໂລກ ກະ­ກຽມ ແລະເກັບ​ກຳ​ຂໍ້​ມູນ​ເພື່ອ​ຂຽນ​ບົດ​ໂຄງ­ການ​ແຕ່​ຕົ້ນ​ປີ 2017 ເປັນ­ຕົ້ນ​ມາປັດ­ຈຸ­ບັນ​ໄດ້​ສຳ­ເລັດ​ການ​ຂຽນ​ບົດ​ໂຄງ­ການ ມູນ​ຄ່າ 4.496.000 ໂດ​ລາ​ສະ­ຫະ­ລັດ ຫຼື ປະ­ມານ 38,36 ຕື້​ກີບ ແລະໄດ້​ກຳ­ນົດ​ເອົາ​ຕ່ອງ​ໂສ້​ການ​ຜະ­ລິດ​ເຂົ້າ ແລະ ພືດ​ຜັກເປັນ​ພືດ​ເປົ້າ​ໝາຍ​ໃນ​ເຂດ​ພື້ນ​ທີ່​ຈຸດ​ສຸມ 3 ເມືອງ​ຄື: ຫາດ​ຊາຍ​ຟອງໄຊ​ທາ­ນີ ແລະ ປາກ​ງື່ມ ໃນ 51 ບ້ານ 53 ກຸ່ມ 7.177 ຄອບ­ຄົວເນື້ອ­ທີ່​ປູກ​ເຂົ້າ­ນາ​ປີ 6.050 ເຮັກ­ຕາ ນາ­ແຊງ 5.000 ເຮັກ­ຕາ ແລະ ພືດ​ຜັກ 274 ເຮັກ­ຕາ ມີ​ຫົວ­ໜ່ວຍ​ທຸ­ລະ​ກິດ​ເຂົ້າ​ຮ່ວມ 9 ພາກ­ສ່ວນ.

ທີ່ມາຂໍ້ມູນ: ໜັງສືພີມວຽງຈັນໃໝ່

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 46

ຈຳນວນຜູ້ເຂົ້າຊົມວານນີ້ 61

ຈຳນວນຜູ້ເຂົ້າຊົມອາທິດນີ້ 261

ຈຳນວນຜູ້ເຂົ້າຊົມເດືອນນີ້ 699

ຈຳນວນຜູ້ເຂົ້າຊົມທັງໝົດ 37928

Currently are 27 guests and no members online

ແຜນທີ່ນະຄອນຫຼວງວຽງຈັນ