Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

4e02ae064db7db68cc2926465b8fa545

     ສາ­ລີ​ອາ­ຫານ​ສັດ​ເປັນ​ພືດ​ກະ­ສິ­ກຳທີ່​ເປັນ​ສິນ­ຄ້າ​ອັນ​ດັບ​ສອງ​ຮອງ​ຈາກ​ເຂົ້າທີ່​ປະ­ຊາ­ຊົນ​ນິ­ຍົມ​ກັນ​ປູກ​ຢູ່​ເຂດ​ອຸ­ດົມ­ສົມ­ບູນ​ທົ່ງ­ພຽງ​ວຽງ​ຈັນປັດ­ຈຸ­ບັນ ອຳ­ນາດ​ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ (ນວ)ພວມ​ເລັ່ງ​ຊຸກ­ຍູ້​ສົ່ງ­ເສີມ​ໃຫ້​ປະ­ຊາ­ຊົນກໍ່​ຄື​ຊາວ​ກະ­ສິ­ກອນ​ນຳ​ເອົາ​ສາ­ລີ​ອາ­ຫານ​ສັດ ມາ​ເປັນ​ພືດ​ເສດ­ຖະ­ກິດເພື່ອ​ຍົກ​ລະ­ດັບ​ຊີ­ວິດ​ການ​ເປັນ​ຢູ່​ໃຫ້​ນັບ​ມື້​ດີ​ຂຶ້ນໂດຍ​ເຂດ​ເມືອງ​ຈຸດ​ສຸມ ນວ ໄດ້​ກຳ­ນົດ​ເອົາ 4 ເມືອງ​ຄື: ເມືອງ​ນາ​ຊາຍ​ທອງໄຊ​ທາ­ນີ ປາກ​ງື່ມ ແລະ ເມືອງ​ສັງ​ທອງ.

    ວັນ​ທີ 26 ກັນ­ຍາ 2018 ພະ​ແນກ​ກະ­ສິ­ກຳ ແລະ ປ່າ­ໄມ້ ນວໄດ້​ຈັດ​ກອງ​ປະ­ຊຸມ​ສົ່ງ­ເສີມ​ປູກ​ສາ­ລີ​ອາ­ຫານ​ສັດ​ເປັນ​ສິນ­ຄ້າຂຶ້ນ​ທີ່​ສຳ­ນັກ­ງານ​ປົກ­ຄອງ ນວ ມີ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງນວ ພ້ອມ​ດ້ວຍ​ທ່ານ​ຮອງ​ລັດ­ຖະ­ມົນ­ຕີ​ກະ­ຊວງ​ກະ­ສິ­ກຳ ແລະ ປ່າ­ໄມ້ທ່ານ​ຮອງ​ເຈົ້າ​ຄອງ ບັນ­ດາ​ຫົວ­ໜ້າ​ພະ­ແນກ­ການ ແລະຜູ້​ປະ­ກອບ​ການ​ກ່ຽວ­ຂ້ອງ​ເຂົ້າ​ຮ່ວມ.

    ກອງ​ປະ­ຊຸມ​ໄດ້​ປຶກ­ສາ​ຫາ­ລື ເພື່ອ​ສົ່ງ­ເສີມ​ໃຫ້​ຊາວ​ກະ­ສິ­ກອນທຳ​ການ​ຜະ­ລິດ​ສາ­ລີ​ອາ­ຫານ​ສັດສະ­ໜອງ​ໃຫ້​ພຽງ­ພໍ​ກັບ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ສັງ­ຄົມໂດຍ​ສະ­ເພາະ​ສະ­ໜອງ​ໃຫ້ 2 ໂຮງ­ງານ​ຜະ­ລິດ​ຫົວ­ອາ­ຫານ​ສັດ​ຄື: ບໍ­ລິ­ສັດຊີ​ພີ ແລະ ບໍ­ລິ­ສັດ ນິວ​ໂຮບ ເຂດ​ກວມ​ລວມ​ໄຊ​ເຊດ​ຖາທີ່​ທັງ​ສອງ​ບໍ­ລິ­ສັດ​ມີ​ຄວາມ​ຕ້ອງ­ການ​ວັດ­ຖຸ​ດິບ ກໍ່​ຄື​ສາ­ລີ​ແຂງນຳ­ໄປ​ຜະ­ລິດ​ເປັນ​ຫົວ­ອາ­ຫານ​ສັດ​ໃຫ້​ໄດ້ 11.770 ໂຕນ​ຕໍ່​ປີປັດ­ຈຸ­ບັນ​ສາ­ລີ​ແຂງ​ມີ​ລາ­ຄາ​ຄ້ຳ­ປະ­ກັນ​ຢູ່​ທີ່ 2.200 ກີບ​ຕໍ່​ກິ​ໂລ​ຕໍ່​ເມັດ ແລະ 1.000 ກີບ​ຕໍ່​ກິ​ໂລ​ຕໍ່​ຝັກຖື​ວ່າ​ເປັນ​ລາ­ຄາ​ທີ່​ເໝາະ​ສົມ​ກັບ​ສະ­ພາບ​ເສດ­ຖະ­ກິດ​ໂດຍ​ລວມ.

    ໂອ­ກາດ​ນີ້ ທ່ານ​ເຈົ້າ​ຄອງ ນວ ໄດ້​ເນັ້ນ 7 ປັດ​ໄຈ​ສຳ­ຄັນເພື່ອ​ເຮັດ​ໃຫ້­ການ​ສົ່ງ­ເສີມ​ປູກ​ສາ­ລີ​ອາ­ຫານ​ສັດປະ­ສົບ​ຜົນ­ສຳ­ເລັດ​ຕາມ​ເປົ້າ​ໝາຍ​ວາງ​ໄວ້​ຄື:ປູກ​ແລ້ວ​ຕ້ອງ​ມີ​ຕະ­ຫຼາດ​ຮອງ​ຮັບ​ທີ່​ແນ່­ນອນສ້າງ​ກຸ່ມ​ຜູ້​ຜະ­ລິດ​ທີ່​ເຂັ້ມ­ແຂງ ມີ​ການ​ພັດ­ທະ­ນາ​ຕົນ​ເອງ​ຢູ່​ສະ­ເໝີຄຽງ​ຄູ່​ກັບ​ການ​ນຳ​ໃຊ້​ກົນ​ຈັກມາ​ປະ­ກອບ­ສ່ວນ​ເຂົ້າ​ໃນ​ການ​ຜະ­ລິດ​ໃຫ້​ຫຼາຍ​ຂຶ້ນກຸ່ມ​ສະ­ໜັບ­ສະ­ໜູນ​ໂຄງ­ການ​ທັງ​ພາກ​ລັດ-ເອ­ກະ​ຊົນຕ້ອງ​ເປັນ​ເຈົ້າ​ການ​ສົ່ງ­ເສີມ​ຢ່າງ​ຕັ້ງ­ໜ້າມີ​ການ​ປະ​ເມີນ​ຜົນ​ຕິດ­ຕາມ​ກວດ­ກາ​ຢ່າງ​ເຂັ້ມ­ແຂງ​ຕໍ່​ເນື່ອງຕ້ອງ​ມີ​ນິ­ຕິ​ກຳ ມີ​ຂໍ້​ຜູກ​ພັນ​ສັນ­ຍາ​ລະ­ຫວ່າງ​ບໍ­ລິ­ສັດ ຊາວ​ກະ­ສິ­ກອນແລະ ພາກ​ລັດ​ຢ່າງ​ຈະ­ແຈ້ງ ຕ້ອງ​ສ້າງ​ມາດ­ຕະ­ຖານ ກຳ­ນົດ​ກາ​ສິນ­ຄ້າກຳ­ນົດ​ແນວ​ພັນ ລວມ​ທັງ​ຝຸ່ນ ແລະ ຢາ​ປາບ​ສັດ­ຕູ​ພືດ​ຢ່າງ​ເຂັ້ມ​ງວດຕ້ອງ​ມີ​ກົນ​ໄກ​ຈັດ​ຕັ້ງ​ປະ­ຕິ­ບັດ ເປັນ­ຕົ້ນ ກົນ​ໄກ​ຊາວ​ກະ­ສິ­ກອນ​ເອງບໍ­ລິ­ສັດ ແລະ ອົງ​ກອນ​ຂອງ​ພາກ​ລັດຕ້ອງ​ມີ​ການ​ກວດ­ກາ​ການ​ປະ­ຕິ­ບັດ​ໂຄງ­ການ​ພາຍ­ຫຼັງ​ສິ້ນ​ສຸດ 1 ລະ­ດູ​ການເພື່ອ​ຖອດ​ຖອນ​ບົດ­ຮຽນ​ຜົນ​ເສຍ ແລະ ຜົນ​ໄດ້​ຮັບ​ຢ່າງ­ຮອບ­ດ້ານເພື່ອ​ປັບ­ປຸງ​ໃນ​ການ​ປະ­ຕິ­ບັດ​ໃນ­ຕໍ່­ໜ້າ​ໃຫ້​ດີ​ຂຶ້ນ​ເປັນ​ກ້າວໆ.

 

ທີ່ມາຂໍ້ມູນ: ​ໜັງສືພີມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 87

ຈຳນວນຜູ້ເຂົ້າຊົມວານນີ້ 101

ຈຳນວນຜູ້ເຂົ້າຊົມອາທິດນີ້ 589

ຈຳນວນຜູ້ເຂົ້າຊົມເດືອນນີ້ 1469

ຈຳນວນຜູ້ເຂົ້າຊົມທັງໝົດ 34457

Currently are 48 guests and no members online

ແຜນທີ່ນະຄອນຫຼວງວຽງຈັນ