ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

6vision vientiane 440px TalatSaoLX 2010 hqdefault

ອົງຄະ​ນະ​ພັກ​ນະຄອນຫຼວງວຽງ​ຈັນ ໄດ້​ພ້ອມ​ກັນ​ພິຈາລະນາຮັບຮອງ​ເອົາ​ທິດ​ທາງ ແລະ ຄາດໝາຍ​ໃຫຍ່ ເພື່ອ​ພັດທະນາ​ນະຄອນ​ຫຼວງ​ວຽງ​ຈັນ ແຕ່​ປີ 2015-2030 ຄື: ການ​ວາງ​ແຜນ​ພັດ​ທະນາ​ນະຄອນຫຼວງ ໃນ 15 ປີ ໂດຍໄດ້​ກຳນົດ​ເອົາ 6 ວິໄສ​ທັດ ພັດທະ​ນານະຄອນຫຼວງ​ວຽງ​ຈັນ ໃນ​ກອງ​ປະຊຸມ​ໃຫຍ່​ອົງຄະ​ນະ​ພັກ ນະຄອນຫຼວງ​ວຽງ​ຈັນ ຄັ້ງ​ທີ VI ທີ່​ໄດ້​ຈັດ​ຂຶ້ນໃນ​ເດືອນ​ສິງຫາ 2015 ທີ່​ຜ່ານ​ມາ ເພື່ອ​ເປັນ​ບ່ອນອີງ​ໃນ​ການ​ພັດທະນາ​ນະຄອນຫຼວງ ໃຫ້​ໄດ້​ຮັບ​ການ​ພັດທະນາເພີ່ມ​ຂຶ້ນ​ຢ່າງຮອບດ້ານ.

ສຳລັບ 6 ວິໄສ​ທັດ ການ​ພັດທະ​ນານະຄອນຫຼວງ ປະກອບ​ມີ: ພັດທະນາ​ນະຄອນຫຼວງ​ວຽງ​ຈັນ ໃຫ້​ສົມ​ກັບ​ເປັນໃຈ​ກາງ​ທາງ​ດ້ານການເມືອງ​ຂອງ​ປະເທດ ເຊິ່ງ​ມີລະບົບ​ການເມືອງ ລະບົບ​ການເມືອງ​ປະຊາທິປະໄຕ​ປະຊາຊົນ ​ແຕ່ຂັ້ນ​ນະຄອນ​ຮອດ​ບ້ານ​ຢ່າງ​ເປັນລະບົບ​ຄົບ​ຊຸດ ແລະ ສາມາດ​ຮັບປະກັນ​ຄວາມ​ໝັ້ນຄົງ​ທາງ​ດ້ານການເມືອງ ຄວາມ​ເປັນ​ລະບຽບຮຽບ​ຮ້ອຍ​ທາງ​ດ້ານ​ສັງຄົມ​ຢ່າງໜັກ​ແໜ້ນ ສ້າງ​ນະຄອນຫຼວງວຽງ​ຈັນ ເປັນ​ນະຄອນ​ລະດັບ​ປານກາງ ຮັກສາ​ບົດບາດ​ເປັນ​ຫົວ​ຈັກ ແລະ ເປັນໃຈ​ກາງ​ເສດຖະກິດນຳ​ໜ້າ ແລະ ຊ່ວຍ​ໜູນ​ແຂວງຕ່າງໆ​ຂອງ​ປະເທດ ມີ​ສະຖານເສດຖະກິດ​ຂະຫຍາຍຕົວ​ຕາມ​ທິດຍືນ​ຍົງ ມີ​ໂຄງ​ປະກອບ​ດ້ານ​ກະສິ​ກຳ ອຸດສາຫະກຳ ບໍລິການ​ທີ່ກົມກຽວ ມູນ​ຄ່າ​ລວມ​ຍອດ​ຜະລິດຕະ​ພັນ​ພາຍ​ໃນ​ຄິດ​ເປັນ​ຄົນ​ຕໍ່​ປີ ບັນລຸ​ໄດ້​ຫຼາຍ​ກວ່າ​ປີ 2015 ສາມເທົ່າ (ຫຼື ປະມານ 13.000-15.000 ໂດ​ລາ​ສະຫະລັດ) ປະຊາ​ຊົນ​ສ່ວນ​ໃຫຍ່​ດຳລົງ​ຊີວິດ ດ້ວຍ​ຄວາມ​ຜາ​ສຸກ ຢູ່​ດີກິນ​ດີ ເສດຖະກິດ​ຕະຫຼາດ​ຕາມ​ທິດ​ສັງຄົມ​ນິຍົມ ຫັນ​ເປັນ​ອຸດສາຫະກຳ ແລະ ທັນ​ສະໄໝ ເສດຖະກິດ​ສີຂຽວ ແລະ ເສດຖະກິດ​ພູມ​ປັນຍາ ກາຍເປັນ​ທ່າ​ອ່ຽງ​ຂະຫຍາຍຕົວ ແລະ ເປັນ​ຮາກ​ຖານ​ຂອງ​ເສດ​ຖະກິດ ນວ ສາມາດ​ຢຸດ​ຢັ້ງ​ສະພາບລົດ​ຕິດ ແລະ ພັດທະນາ​ລະບົບສາທາລະນະ​ປະໂຫຍດ ພຽງພໍກັບ​ຄວາມ​ຕ້ອງການ​ອັນ​ຈຳເປັນຂອງ​ຊາວ​ເມືອງ ຮັກສາ ແລະ ເຊີດ​ຊູ​ຖານະ​ບົດບາດ​ເປັນໃຈ​ກາງ ທາງ​ດ້ານ​ວັດທະນະທຳ​ຂອງ​ຊາດ ເປັນ​ສູນ​ລວມ​ຈິດໃຈ ແລະ ອະລິຍະ​ທຳ​ຂອງ​ຊາດ​ລາວ​ເອກະ​ພາບ ທີ່​ນັບ​ມື້​ອຸດົມສົມບູນ​ຮັ່ງມີ​ຍິ່ງ​ຂຶ້ນ ວັດຖຸບູຮານ ປູຊະນີຍະສະຖານ ທີ່​ເປັນ​ມໍລະດົກ​ຖືກ​ປະຕິສັງຂອນ ແລະ ອະນຸ​ຮັກ ຮັກສາ​ໄວ້​ໃຫ້​ໝັ້ນຄົງ​ຍາວ​ນານ ສ້າງ​ເງື່ອນໄຂ​ໃຫ້ຄົນ​ໃນ​ສັງຄົມ​ໄດ້​ຮູ້ ແລະ ເຝິກຝົນທາງ​ດ້ານ​ຄຸນສົມບັດ​ສິນ​ທຳ ແລະ ອະລິຍະ​ທຳ ມີ​ຊີວະ​ທັດ ແລະ ໂລກະທັດ​ທີ່​ກ້າວໜ້າ ສ້າງ​ຄວາມ​ສີວິໄລ​ທາງ​ດ້ານ​ຈິດໃຈ ດຳລົງ​ຊີວິດແບບ​ມີ​ວິທະຍາສາດ​ໂດຍ​ທົ່ວ​ໄປ ທຸກ​ຄອບຄົວ ທຸກ​ຄົນ​ມີ​ເຮືອນ​ຢູ່​ຖາວອນ ງາມ ຮັບ​ປະທານ​ອາຫານ ມີ​ຄຸນະພາບ ຮັກສາ ແລະ ຢືດໝັ້ນ​ຖານະ​ເປັນໃຈ​ກາງ​ທາງ​ດ້ານການ​ສຶກ​ສາ ວິທະຍາສາດ ເຕັກໂນ​ໂລ​ຊີ ແລະ ເລີ່ມ​ໄວ​ກວ່າ​ໝູ່​ຫັນສູ່​ຄວາມ​ເປັນ​ທັນ​ສະໄໝ ແລະ ເສດຖະກິດ​ພູມ​ປັນຍາ ສ້າງ​ພົນລະ​ເມືອງ​ໃນ​ເກນ​ອາຍຸ​ຮຽນ​ ໄດ້ມີ​ລະດັບ​ການ​ສຶກ​ສາ​ຈົບ​ຊັ້ນ​ມັດທະ​ຍົມ​ຕອນ​ປາຍ ພົນລະເມືອງທຸກ​ຄົນ​ມີ​ລະດັບ​ພາສາ​ສາກົນຢ່າງ​ໜ້ອຍ 1 ພາສາ ດັດຊະນີໝາຍ​ຊັບພະຍາກອນ​ມະນຸດ​ໃນລະດັບ​ສູງ​ກວ່າ​ໝູ່​ຂອງ ​ສປປ ລາວ ມີ​ຖັນ​ແຖວ​ນັກວິຊາການຊ່ຽວຊານ ຕອບ​ສະໜອງ​ໂດຍ​ພື້ນຖານ​ກັບ​ຍຸດ​ທະ​ສາດ​ການ​ພັດ​ທະນາ​ເສດຖະກິດ-ສັງຄົມ ມີ​ສະ​ຖາບັນ​ຄົ້ນຄວ້າ​ເສດຖະກິດ-ສັງຄົມຂອງ​ນະຄອນ ສາມາດ​ນຳ​ໃຊ້ ແລະ ບໍລິການ​ຜົນສຳເລັດ​ໃໝ່ ທາງ​ດ້ານ​ວິທະຍາສາດ ວິທະຍາການ​ເຂົ້າ​ໃນ​ການ​ຜະລິດ​ທຸລະ​ກິດ ສ້າງ​ນະຄອນຫຼວງ​ວຽງ​ຈັນ​ ໃຫ້ເປັນ​ພື້ນ​ທີ່​ເປັນ​ຕົວຢ່າງ​ຂອງ​ການອະນຸ​ຮັກ ຮັກສາ​ສິ່ງແວດລ້ອມ ຕາມ​ທິດ​ຍືນ​ຍົງເປັນ​ພື້ນ​ທີ່​ສີຂຽວ ແລະ ກາຍເປັນ​ຕົວ​ເມືອງ​ທຳ​ມະຊາດ​ໃນ​ອານາ​ຄົດ ໂດຍ​ມີ​ເນື້ອທີ່ສີຂຽວ​ປົກ​ຫຸ້ມ ກວມ 75% ຮັກສາ ແລະ ຟື້ນ​ຟູ​ພູ​ພະນັງ ພູເຂົາຄວາຍ ສາຍ​ນ້ຳ​ງື່ມ ນ້ຳຂອງ ແລະ ບຶງ​ໃຫຍ່​ລະດັບ 10 ເຮັກຕາຂຶ້ນ​ໄປ ໃຫ້​ນຳ​ໃຊ້ ແລະ ຮັກສາຕາມ​ແຜນຜັງ​ຂອງ​ທາງ​ການ​ກຳນົດ ໂດຍ​ໃຫ້​ຄົງ​ຢູ່​ຢ່າງ​ຍືນ​ຍາວ ແລະ ທ້ອງຟ້າ​ອາກາດ​ວຽງ​ຈັນສະອາດ ເສີມ​ຂະຫຍາຍ​ຄຸນ​ປະໂຫຍດ​ດ້ານ​ທີ່​ຕັ້ງ​ພູມ​ສາດ ແລະ ທີ່​ຕັ້ງ​ເປັນໃຈ​ກາງຂອງ​ການ​ພົວພັນ​ຮ່ວມ​ມື ເຊື່ອມ​ໂຍງ​ກັບ​ສາກົນ ແລະ ອະນຸ​ພາກ​ພື້ນ​ທີ່​ມີ​ມາ​ແລ້ວ ໃຫ້​ໄດ້​ໃນ​ລະດັບ​ສູງ ປັບປຸງ​ ແລະ ນຳ​ໃຊ້​ລະບົບ​ບໍລິການ​ຂົນສົ່ງ​ທາງອາກາດ ທາງບົກ ທາງ​ລົດໄຟ ລະບົບ​ສື່ສານດາວ​ທຽມ ຍົກ​ລະດັບ​ການ​ເຊື່ອມ​ໂຍງ​ກັບ​ສາກົນ​ນຳໜ້າ​ແຂວງ​ອື່ນໆ ແລະ ຫຍັບ​ເຂົ້າໃກ້​ກັບ​ນະຄອນຫຼວງ​ຂອງ​ອາຊຽນ.

ຄົ້ນຫາ

ປະຕິທິນ

December 2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 15

ຈຳນວນຜູ້ເຂົ້າຊົມວານນີ້ 189

ຈຳນວນຜູ້ເຂົ້າຊົມອາທິດນີ້ 204

ຈຳນວນຜູ້ເຂົ້າຊົມເດືອນນີ້ 867

ຈຳນວນຜູ້ເຂົ້າຊົມທັງໝົດ 54804

Currently are 149 guests and no members online