Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

c6d5162cc27f571116f7573541385950

     ໃນ​ອາທິດ​ຜ່ານ​ມາ ຄະ​ນະ​ຮັບຜິດ​ຊອບ​ທີ່​ຮັບ​ການ​ແຕ່ງຕັ້ງ​ຈາກພະ​ແນກ​ສ່ວຍ​ສາ​ອາກອນ​ນະຄອນ​ຫຼວງ​ວຽງ​ຈັນ (ນວ) ພ້ອມດ້ວຍ​ຄະນະ ໄດ້​ລົງ​ຊຸກຍູ້​ຕິດຕາມລະບົບ​ການ​ຕິດ​ຕັ້ງ ແລະ ເຊື່ອມ​ຕໍ່ຂໍ້​ມູນ​ບັນທຶກ​ການ​ຂາຍ (POS) ແລະ ການ​ບໍລິການ (CRS) ນຳບັນດາ​ຫົວໜ່ວຍ​ທຸລະ​ກິດ​ທີ່​ໄດ້​ຮັບການ​ຕິດ​ໃນ 5 ເມືອງ​ຂອງ ນວ ໂດຍ​ການ​ນຳພາ​ຂອງ​ທ່ານ ສຸ​ລິຍາ ອາ​ລຸນ​ສະຫວາດ ຮອງ​ຫົວໜ້າ​ພະ​ແນກ​ສ່ວຍ​ສາ​ອາກອນ​ປະຈຳ ນວ ມີ​ທ່ານ ພອນ​ສະຫວັນ ຫຼວງ​ລາດ ຫົວໜ້າ​ຫ້ອງ​ຄຸ້ມ​ຄອງໃບ​ເກັບ​ເງິນ ແລະ ສິ່ງ​ພິມ ທ່ານ ວິລະ​ພົນ ສີ​ລິ​ວົງ​ໄຊ ຮອງ​ຫົວໜ້າຫ້ອງ​ຄຸ້ມ​ຄອງ​ໃບ​ເກັບ​ເງິນ ແລະ ສິ່ງ​ພິມ ພ້ອມ​ດ້ວຍ​ຄະນະ​ຈາກ​ອາກອນ ນວ ແລະ ອາກອນ 5 ເມືອງ.

     ທ່ານ ສຸລິຍາ ອາ​ລຸນ​ສະຫວາດ ໃຫ້​ຮູ້​ວ່າ: ການ​ລົງ​ຊຸກຍູ້​ຕິດຕາມລະບົບ​ການ​ຕິດ​ຕັ້ງ ແລະ ເຊື່ອມ​ຕໍ່ POS ແລະ CRS ນຳ​ບັນດາຫົວໜ່ວຍ​ທຸລະ​ກິດ​ ທີ່​ໄດ້​ຮັບ​ການຕິດ​ຕັ້ງ​ລະບົບ​ດັ່ງກ່າວ​ໃນ 5 ເມືອງ​ຄັ້ງ​ນີ້ ແມ່ນ​ອີງ​ຕາມ​ຂໍ້​ຕົກລົງ​ຂອງ​ກົມ​ສ່ວຍ​ສາ​ອາກອນ ວ່າດ້ວຍ​ການ​ແຕ່ງຕັ້ງ​ຄະນະ​ຊຸກຍູ້ຕິດຕາມ​ລະບົບ​ຕິດ​ຕັ້ງ ແລະ ເຊື່ອມ​ຕໍ່​ຂໍ້​ມູນ​ເຄື່ອງ​ບັນທຶກ​ການຂາຍ​ສິນຄ້າ ແລະ ບໍລິການ​ສ່ວຍສາ​ອາກອນ ນວ ແນໃສ່​ເພື່ອ​ຕິດຕາມ​ບັນດາ​ຫົວໜ່ວຍ​ທຸລະ​ກິດ ທີ່​ໄດ້​ມີ​ການ​ຕິດ​ຕັ້ງ ແລະ ເຊື່ອມຕໍ່​ຂໍ້​ມູນ​ເຄື່ອງ​ບັນທຶກ​ການ​ຂາຍສິນຄ້າ ແລະ ບໍລິການ ແລະ ການ​ນຳ​ໃຊ້​ໃບ​ເກັບ​ເງິນ​ຢູ່​ຈຸດຂາຍ​ທີ່​ມີ​ການ​ຕິດ​ຕັ້ງ​ໄປ​ແລ້ວ​ວ່າ ມີ​ການ​ນຳ​ໃຊ້​ເປັນ​ປົກກະຕິ ຫຼື ບໍ່ ແລະ ເພື່ອ​ແນະນຳ​ການ​ນຳ​ໃຊ້ລະບົບ​ກວດກາ​ຂໍ້​ມູນ​ການ​ຂາຍ ການ​ອອກ​ໃບ​ເກັບ​ເງິນ​ການ​ຄິດໄລ່​ອາກອນ​ມູນ​ຄ່າ​ເພີ່ມ​ສົ້ນ​ເຂົ້າ ແບບ​ກຳນົດ ແລະ ບັນດາ​ຄວາມສ່ຽງ​ລວມ​ທັງ​ຄວາມ​ບົກ​ຜ່ອງຂອງ​ລະບົບ​ທີ່​ອາດ​ມາ​ຈາກ​ສາເຫດການ​ຖອດ​ໄຟ ການ​ຖອດສາຍ​ສັນຍານການ​ດັດແປງ​ອຸປະກອນ​ເຊື່ອມ​ຕໍ່ ຫຼື ການ​ຂາຍ​ທີ່ບໍ່​ອອກ​ໃບ​ບິນ​ເກັບ​ເງິນ​ເປັນຕົ້ນ.

     ສຳລັບ​ການ​ລົງ​ຊຸກຍູ້​ຕິດຕາມຄັ້ງ​ນີ້ ​ໄດ້​ປະສານ​ສົມທົບ​ກັບ​ສ່ວຍສາ​ອາກອນ​ປະຈຳເມືອງ​ທີ່​ໄດ້​ມີການ​ຕິດ​ຕັ້ງ ແລະ ເຊື່ອມ​ຕໍ່​ລະບົບດັ່ງກ່າວ​ແລ້ວ ໂດຍ​ສະເພາະບັນດາ 5 ເມືອງ​ໃນ​ຄື: ເມືອງ​ຈັນທະບູ​ລີ ໄຊ​ເຊດ​ຖາ ສີ​ໂຄດ​ຕະບອງ ສີສັດຕະ​ນາກ ແລະ ເມືອງ​ໄຊ​ທານີ ປັດຈຸບັນ​ສາມາດ​ຕິດ​ຕັ້ງ​ໄປ​ແລ້ວເຖິງ 510 ເຄື່ອງ ແລະ ຍັງ​ຈະ​ສືບຕໍ່​ຂະຫຍາຍ​ໄປ​ເລື້ອຍໆ ທັງ​ນີ້ ເພື່ອ​ເຮັດ​ໃຫ້ການ​ຈັດ​ເກັບ​ລາຍ​ຮັບ​ສ່ວຍ​ສາ​ອາກອນ ​ສາມາດ​ເກັບ​ໄດ້​ຕາມ​ແຜນການ.

ສຳລັບ​ຫົວໜ່ວຍ​ທຸລະ​ກິດ​ໃດ ທີ່​ມີ​ການ​ຕິດ​ຕັ້ງ​ແລ້ວແຕ່​ບໍ່​ນຳ​ໃຊ້ ກໍ່​ໄດ້​ມີ​ການ​ເຮັດ​ບົດ​ບັນທຶກ ແລະ ກ່າວ​ເຕືອນ​ຖ້າ​ຫົວໜ່ວຍ​ທຸລະ​ກິດໃດ​ບໍ່​ນຳ​ໃຊ້ ​ແມ່ນ​ຈະ​ໄດ້​ມີ​ການ​ດຳເນີນ​ການ​ຕາມ​ລະບຽບ​ກົດໝາຍທີ່​ວາງ​ໄວ້.

 

 

ຂໍ້ມູນຈາກ: ໜັງສືພີມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 28

ຈຳນວນຜູ້ເຂົ້າຊົມວານນີ້ 60

ຈຳນວນຜູ້ເຂົ້າຊົມອາທິດນີ້ 160

ຈຳນວນຜູ້ເຂົ້າຊົມເດືອນນີ້ 924

ຈຳນວນຜູ້ເຂົ້າຊົມທັງໝົດ 27723

Currently are 53 guests and no members online

ແຜນທີ່ນະຄອນຫຼວງວຽງຈັນ