Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

WhatsApp Image 2017 08 25 at 12.37.29 PMWhatsApp Image 2017 08 25 at 12.29.31 PM

ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ຮ່ວມກັບ ເມືອງຫາດຊາຍຟອງ ແລະ ບໍລິສັດອິນແປງກຣຸບ ຈຳກັດ ເປີດຮ້ານຈຳໜ່າຍສິນຄ້າໜຶ່ງເມືອງໜື່ງຜະລິດຕະພັນ (ODOP) ຂອງ ນວ ແລະ ຮ້ານຈຳໜ່າຍພຶດຜັກອິນຊີ ຂື້ນວັນທີ 23 ສິງຫາ 2017 ທີ່ສວນນ້ຳອິນແປງ ເມືອງຫາດຊາຍຟອງ ມີ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງ່ຈັນ, ທ່ານ ສົມຈິດ ອິນທະມິດ ຮອງລັດຖະມົນຕິກະຊວງອຸດສາຫະກຳ ແລະ ການຄ້າ, ທ່ານຫົວໜ້າກົມສົ່ງເສີມ ການຄ້າ, ທ່ານເຈົ້າເມືອງຫາດຊາຍຟອງ ບັນດາຫົວໜ້າພະແນກ ແລະ ຫົວໜ່ວຍທຸລະກິດເຂົ້າຮ່ວມ.

ການເປິດຮ້ານຈຳໜ່າຍສິນຄ້າ ODOP ຄັ້ງນີ້ ເພື່ອເປັນການປະຕິບັດຕາມແນວທາງນະໂຍບາຍຂອງພັກ-ລັດທີ່ວ່າຊຸກຍູ້ສົ່ງເສີມການຜະລິດເປັນສີນຄ້າຢ່າງກວ້າງຂວາງ ແລະ ເພີ່ງຕົນເອງກຸ້ມຕົນເອງ ແລະ ສ້າງຄວາມເຂັ້ມແຂງ ດ້ວຍຕົນເອງ ເພື່ອອະນຸຮັກຮັກສາໄວ້ສິລະປະ ສີໄມ້ລາຍມືຂອງຄົນລາວ ທີ່ປະດິດສ້າງຈາກພູມປັນຍາ ແລະ ມໍລະດົກ ຕົກທອດມາຫຼາຍເຊັ່ນຄົນ ໃຫ້ຄົງຢູ່ກັບຄົນລາວຕະຫຼອດໄປ ຊຸກຍູ້ສົ່ງເສີມທາງດ້ານການຕະຫຼາດໃຫ້ບັນດາຫົວໜ່ວຍ ທຸລະກິດທີ່ໄດ້ຮັບອະນຸຍາດນຳໃຊ້ກາໝາຍໂອດ໋ອບແຫ່ງຊາດ ບັນດາຫົວໜ່ວຍທຸລະກິດພືດຜັກອິນຊີຂອງ ນວ, ໃຫ້ ມີຄຸນນະພາບໄດ້ມາດຕະຖານພ້ອມທັງເປັນເປົ້າໝາຍໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມ ແລະ ຊື້ໄວ້ເປັນທີ່ລະນືກ ຫຼື ຈຳໜ່ວຍເຊິ່ງຮ້ານຈຳໜ່າຍສິນຄ້າ ODOP ມີເນື້ອທີ່ 24x24ແມັດ ແລະ ຮ້ານຈຳໜ່າຍ ພືດຜັກອິນຊີ ມີເນື້ອທີ່ 5x3 ແມັດ ຈຳນວນ 24 ຫ້ອງ, ມີຫ້ອງນ້ຳສະອາດມີລະບົບແສງສະຫວ່າງພາຍໃນ - ພາຍນອກ ພຽງພໍ ມີລະບົບຮັກສາສິ່ງແວດລ້ອມ ມີຄະນະຮັບຜິດຊອບລະບົບປ້ອງກັນຄວາມປອດໄພສະຖານທີ່ບ່ອນຈອດລົດໄດ້ ປະມານ 120 ຄັນ, ມູນຄ່າການກໍ່ສ້າງ ແລະ ຕົບແຕ່ງພ້ອມເຟີນີເຈີ ທັງໝົດ 4 ຕື້ກີບ.

ປະຈຸບັນ ໄດ້ມີຫົວໜ່ວຍທຸລະກິດ ແລະ ຜຸ້ປະກອບການນຳເອົາສິນຄ້າໂອດ໋ອບເຂົ້າມາວາງຂາຍ 34 ຫົວໜ່ວຍ ໃນນັ້ນ 7 ຫົວໜ່ວຍເປັນຄອບຄົວຕົວແບບຂອງ ນວ ແລະ 3 ຫົວໜ່ວຍເປັນຂອງ 2 ແຂວງຄື: ແຂວງຫົວພັນ ແລະ ແຂວງວຽງຈັນ ມີທັງໝົດ 500 ຜະລິດຕະພັນ ມູນຄ່າ 850 ລ້ານກີບ ແລະ ພືດຜັກອິນຊີ 16 ຫົວໜ່ວຍ ມູນຄ່າ 8 ລ້ານກີບ ແລະ ຄາດວ່າຍັງຈະມີຫົວໜ່ວຍທຸລະກິດອື່ນໆ ທີຈະນະເອົາຜະລິດຕະພັນສິນຄ້າມາວາງສະແດງ ແລະ ຈຳໜ່າຍຕື່ມອີກໃນຕໍ່ໜ້າ.

 

ຂໍ້ມູນຈາກ: ໜັງສືພິມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 6

ຈຳນວນຜູ້ເຂົ້າຊົມວານນີ້ 30

ຈຳນວນຜູ້ເຂົ້າຊົມອາທິດນີ້ 363

ຈຳນວນຜູ້ເຂົ້າຊົມເດືອນນີ້ 1127

ຈຳນວນຜູ້ເຂົ້າຊົມທັງໝົດ 27926

Currently are 10 guests and no members online

ແຜນທີ່ນະຄອນຫຼວງວຽງຈັນ