Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

     ນະຄອນຫຼວງ​ວຽງ​ຈັນ ໃນ 6 ເດືອນ​ຕົ້ນ​ປີ 2017 ສາມາດ​ດຶງດູດ​ການ​ລົງທຶນ​ທົ່ວ​ສັງຄົມ​ປະຕິບັດ​ໄດ້ 20.750 ຕື້​ກວ່າ​ກີບທຽບໃສ່​ແຜນການ​ປີ​ທີ່​ວາງ​ໄວ້ (14.900 ຕື້​ກີບ) ປະຕິບັດ​ໄດ້​ລື່ນແຜນການ 39,26% ເຊິ່ງ​ສາມາດ​ດຶງ​ດູດ​ນັກ​ລົງທຶນ​ໄດ້​ທັງພາຍ​ໃນ ແລະ ຕ່າງປະເທດ.

     ທ່ານ ພູ​ໂຂງ ບັນ​ນາ​ວົງ ຫົວໜ້າ​ພະ​ແນກ​ແຜນການ ແລະ ການ​ລົງທຶນນະຄອນຫຼວງໄດ້​ຂຶ້ນຜ່ານ​ການຈັດຕັ້ງ​ປະຕິບັດ​ແຜນພັດທະນາ​ເສດຖະກິດ-ສັງຄົມ 6 ເດືອນ​ຕົ້ນ​ປີ ໃນ​ກອງ​ປະຊຸມ​ສະໄໝ​ສາມັນ​ເທື່ອ​ທີ 3 ຂອງ​ສະພາປະຊາຊົນນະຄອນຫຼວງ​ວຽງ​ຈັນ ຊຸດ​ທີ I ເຊິ່ງ​ມີ​ບາງ​ຕອນ​ໄດ້​ກ່າວວ່າ:ໃນ​ການຈັດຕັ້ງ​ການ​ລົງທຶນຂອງ​ລັດ ສາມາດ​ປະຕິບັດ​ໄດ້​ທັງໝົດ 363 ໂຄງການມູນ​ຄ່າ 69.125 ລ້ານ​ກວ່າ​ກີບ ທຽບໃສ່ແຜນການ (121.987 ລ້ານ​ກວ່າກີບ)ປະຕິບັດ​ໄດ້ 56,67% ໃນນັ້ນ ຂົງເຂດ​ເສດຖະກິດ​ປະຕິບັດໄດ້ 175 ໂຄງການຂົງເຂດ​ວັດ​ທະນະ​ທຳ-ສັງຄົມ ປະຕິບັດ​ໄດ້ 74 ໂຄງການຂະແໜງການ​ອື່ນໆ​ປະຕິ​ບັດ​ໄດ້ 99 ໂຄງການ ສ່ວນ​ທຶນພັດທະນາ​ຊົນນະບົດ ແລະລຶບລ້າງ​ຄວາມທຸກ​ຍາກ ປະຕິບັດ​ໄດ້ 15 ໂຄງການ.

ສຳລັບ​ການ​ລົງທຶນ​ພາກເອກະ​ຊົນ​ພາຍ​ໃນ ແລະ ຕ່າງ​ປະເທດ ໃນ​ໄລຍະ 6 ເດືອນ​ຕົ້ນ​ປີຜ່ານ​ມາ ສາມາດ​ດຶງ​ດູດ​ເອົາການ​ລົງທຶນ​ໄດ້​ທັງ​ໝົດ 1.686 ໂຄງການ ມູນ​ຄ່າ​ການ​ລົງທຶນ 14.428 ຕື້​ກວ່າ​ກີບ ທຽບໃສ່ແຜນ​ປີ (11.000 ຕື້​ກີບ) ລື່ນ​ແຜນການ 31,17% ໃນ​ນັ້ນ ກິດ​ຈະການ​ສຳ​ປະທານ 2 ໂຄງການ ມູນ​ຄ່າ 1.704 ຕື້​ກີບ ກິດຈະການທົ່ວ​ໄປ 1.675 ໂຄງການ ມູນ​ຄ່າລົງທຶນ 12.527 ຕື້​ກວ່າ​ກີບ ແລະ ກິດຈະການ​ທີ່​ລົງທຶນ​ໃນ​ເຂດ​ເສດຖະ​ກິດ​ສະເພາະ ມີ 9 ໂຄງການມູນ​ຄ່າ​ການ​ລົງທຶນ 197 ຕື້​ກວ່າກີບ.

 

 

ຂໍ້ມູນຈາກ: ໜັງສືພີມວຽງຈັນໃໝ່.

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 0

ຈຳນວນຜູ້ເຂົ້າຊົມວານນີ້ 61

ຈຳນວນຜູ້ເຂົ້າຊົມອາທິດນີ້ 215

ຈຳນວນຜູ້ເຂົ້າຊົມເດືອນນີ້ 653

ຈຳນວນຜູ້ເຂົ້າຊົມທັງໝົດ 37882

Currently are 9 guests and no members online

ແຜນທີ່ນະຄອນຫຼວງວຽງຈັນ