Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

d22b52a116c3c8d9380931773562a7f3

     ກອງ​ປະຊຸມ​ສະໄໝ​ສາມັນເທື່ອ​ທີ່ 3 ຂອງ​ສະພາ​ປະຊາຊົນ ນະຄອນຫຼວງ​ວຽງ​ຈັນ (​ສສ ນວ) ຊຸດ​ທີ 1 ໄຂ​ຂຶ້ນ​ຢ່າງ​ເປັນ​ທາງການ ວັນ​ທີ 27 ມິຖຸນາ 2017 ທີ່​ຫ້ອງ​ວ່າການ​ປົກຄອງ​ນະຄອນຫຼວງ​ວຽງ​ຈັນ ເປັນ​ປະທານ​ຂອງທ່ານ ອານຸພາບຕຸ​ນາ​ລົມ ປະທານ​ສະພາ​ປະຊາຊົນ ນະຄອນຫຼວງ​ວຽງ​ຈັນເປັນ​ກຽດ​ເຂົ້າ​ຮ່ວມຂອງ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງມີ​ການນຳ​ນະຄອນຫຼວງ ສະມາຊິກສະພາ​ແຫ່ງ​ຊາດ​ປະຈຳ​ເຂດເລືອກຕັ້ງ​ທີ 1 ສະມາຊິກ​ສະພາປະຊາຊົນ ນະຄອນຫຼວງ​ວຽງ​ຈັນ.

     ທ່ານ ອານຸພາບ ຕຸ​ນາ​ລົມ ກ່າວ​ໄຂ​ກອງ​ປະຊຸມ​ວ່າ:ກອງ​ປະຊຸມ​ສະໄໝ​ສາມັນ​ເທື່ອ​ທີ 3 ຂອງ ​ສສ ນວ ຄັ້ງ​ນີ້ຈະ​ໄດ້​ສຸມ​ໃສ່​ພິ​ຈາລະ​ນາ ແລະ ຮັບຮອງ​ບັນດາ​ເນື້ອໃນ​ສຳຄັນ​ພື້ນຖານຄື:ຮັບຮອງເອົາ​ບົດ​ລາຍ​ງານ​ພະແນກການເງິນກ່ຽວ​ກັບ​ການ​ຕີ​ລາຄາ​ສະພາບ​ການ​ເກັບ​ລາຍ​ຮັບ​ໃນ​ໄລຍະ 6 ເດືອນ​ຕົ້ນ​ປີ ແລະທິດ​ທາງ 6 ເດືອນ​ທ້າຍ​ປີ 2017 ພິຈາລະນາຮັບຮອງ​ເອົາ​ການ​ປັບປຸງ​ບຸ​ຄະລາກອນ​ຂອງ​ອົງການ​ປົກຄອງພິ​ຈາລະ​ນາ​ຮັບຮອງ​ເອົາ​ການ​ລາຍງານ​ໂດຍ​ສັງເຂບກ່ຽວ​ກັບ​ການຈັດ​ຕັ້ງ​ປະຕິບັດ​ວຽກ​ງານ​ຈຸດ​ສຸມ ໃນ​ໄລຍະ 6 ເດືອນ​ຜ່ານ​ມາ ແລະທິດ​ທາງ​ແຜນການ​ຈຸດ​ສຸມ ອົງການ​ປົກຄອງ ນວພິຈາລະນາຮັບຮອງ​ເອົາ​ບົດ​ລາຍ​ງານ​ຂອງພະ​ແນກ​ແຜນການ ແລະ ການລົງທຶນກ່ຽວ​ກັບ​ແຜນ​ພັດທະນາເສດຖະກິດ-ສັງຄົມບົດ​ລາຍ​ງານຂອງ​ອົງການ​ກວດ​ສອບ​ພາກ​ກາງກ່ຽວ​ກັບ​ຜົນ​ການ​ກວດ​ສອບ​ສະຫຼຸບ​ຂາດ​ຕົວ​ງົບປະມານ ​ປະຈຳ​ສົກປີ 2014-2015 ສະຫຼຸບ​ການເຄື່ອນ​ໄຫວ​ຂອງ​ອົງການ​ກວດສອບ​ປະຈຳ​ພາກ​ກາງ 3 ເດືອນຂ້າມ​ຜ່ານສົກ​ປີ 2015-2016 ແລະ ທິດ​ທາງ​ແຜນການ 2017 ພ້ອມ​ທັງ​ຮັບ​ຟັງການ​ລາຍ​ງານການຈັດຕັ້ງ​ປະຕິບັດ​ວຽກ​ງານຂອງ​ອົງການ​ໄອ​ຍະ​ການ​ປະຊາຊົນ ນວຮັບ​ຟັງ​ການ​ລາຍ​ງານຈັດ​ຕັ້ງ​ປະຕິບັດ​ຂອງ​ສານ​ປະຊາຊົນ ແລະຈະ​ພິ​ຈາລະ​ນາ​ຮັບຮອງ​ເອົາ​ຂໍ້​ຕົກລົງ​ຂອງເຈົ້າ​ຄອງ ນວ ໃນ 6 ສະບັບຄື:ຮ່າງ​ຂໍ້​ຕົກລົງ​ເຈົ້າ​ຄອງ ນວວ່າດ້ວຍ​ການ​ຈັດ​ສັນ​ຄວາມ​ເປັນ​ລະບຽບ​ຮຽບ​ຮ້ອຍ​ໃນ​ຕົວ​ເມືອງ ແລະຊານເມືອງ​ໄລຍະ​ໃໝ່ ຮ່າງ​ຂໍ້​ຕົກລົງ​ວ່າ​ດ້ວຍ​ກອງ​ທຶນ​ທາງ​ປະຊາຊົນ ນວຮ່າງ​ຂໍ້​ຕົກລົງ​ວ່າ​ດ້ວຍການ​ສົ່ງເສີມ ແລະ ຄຸ້ມ​ຄອງ​ຄຸ​ນະພາບ​ພືດ ແລະຜະລິດ​ຕະ​ພັນ​ພືດທີ່​ຈຳໜ່າຍໃນ ນວ ແລະ ຮ່າງຕົກລົງ​ວ່າ​ດ້ວຍ​ການ​ສົ່ງເສີມຄຸ້ມຄອງ​ຄຸນະພາບ​ການ​ລ້ຽງ ແລະ ການ​ບໍ​ລິ​ໂພກ​​ສັັດ​ປ່າຮ່າງ​ວ່າດ້ວຍ​ການ​ຄຸ້ມ​ຄອງ ແລະ ນຳ​ໃຊ້ຢາ​ປາບ​ສັດຕູ​ພືດຮ່າງ​ຂໍ້​ຕົກລົງວ່າ​ດ້ວຍ​ແຜນ​ວຽກ ແລະມາດຕະການການຈັດຕັ້ງ​ປະຕິບັດ​ໂຄງການ​ວຽງ​ຈັນ​ສະຫງົບ​ສຸກ​ໄລຍະໃໝ່.

 

ຂໍ້ມູນຈາກ: ໜັງສືພີມວຽງຈັນໃໝ່.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 64

ຈຳນວນຜູ້ເຂົ້າຊົມວານນີ້ 77

ຈຳນວນຜູ້ເຂົ້າຊົມອາທິດນີ້ 214

ຈຳນວນຜູ້ເຂົ້າຊົມເດືອນນີ້ 1118

ຈຳນວນຜູ້ເຂົ້າຊົມທັງໝົດ 32153

Currently are 49 guests and no members online

ແຜນທີ່ນະຄອນຫຼວງວຽງຈັນ