Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

965390252cb20d2bab0f09fd5f2c5ff4

ງານ​ວາງສະແດງ ແລະ ຈຳໜ່າຍ​ສິນຄ້າ​ໜຶ່ງ​ເມືອງ​ໜຶ່ງ​ຜະລິດຕະ​ພັນ ແລະ ສິນຄ້າ​ຄອບຄົວ​ຕົວແບບຂອງ​ນະຄອນຫຼວງ​ວຽງ​ຈັນ ຄັ້ງ​ທີ IV ຈັດ​ຂຶ້ນ​ລະຫວ່າງ​ວັນ​ທີ 26 ພຶດສະພາ ຫາວັນ​ທີ 1 ມິ​ຖຸນາ 2017 ມີ​ຫົວໜ່ວຍ​ທຸລະ​ກິດເຂົ້າ​ຮ່ວມ​ວາງສະແດງ ແລະ ຈຳໜ່າຍ​ສິນຄ້າ​ທັງ​ໝົດ ຈຳນວນ 115 ຫົວໜ່ວຍ ມີ 131 ຫ້ອງ ໃນນີ້ ນະຄອນຫຼວງ​ວຽງ​ຈັນ ມີ​ສິນຄ້າ​ໜຶ່ງ​ເມືອງ​ໜຶ່ງ​ຜະລິດ​ຕະ​ພັນ (ໂອ​ດ໊ອບ) ຈຳນວນ 37 ຫົວໜ່ວຍ ມີ 42 ຫ້ອງ​ທຽບໃສ່​ປີ​ຜ່ານມາ​ເພີ່ມ​ຂຶ້ນ 15,63% ສິນຄ້າຄອບຄົວ​ຕົວ​ແບບ 50 ຫົວໜ່ວຍ ທຽບໃສ່​ປີຜ່ານມາ ເພີ່ມ​ຂຶ້ນ 21,96% ໃນ​ນີ້ ປະກອບ​ມີ​ສິນຄ້າຄອບຄົວ​ຕົວ​ແບບ​ທົ່ວ​ໄປ 39 ຫົວໜ່ວຍ ມີ​ຈຳນວນ 37 ຫ້ອງ ແລະ ຫົວໜ່ວຍ​ທຸລະ​ກິດ​ກ້າ​ເບ້ຍ​ໄມ້ ຈຳນວນ 11 ຫົວໜ່ວຍ ຈຳນວນ 22 ຫ້ອງ ສຳລັບ​ຕ່າງ​ແຂວງ​ສິນຄ້າໂອ​ດ໊ອບ ຈຳນວນ 19 ຫົວໜ່ວຍ ມີ 21 ຫ້ອງ ທຽບໃສ່​ປີຜ່ານມາ ເພີ່ມ​ຂຶ້ນ 35,72% ແລະ ສິນຄ້າ​ຄອບຄົວ​ຕົວ​ແບບ​ມີ 9 ຫົວໜ່ວຍ ມີ 9 ຫ້ອງ​ທີ່​ມາ​ຈາກແຂວງ​ຫົວພັນ ຊຽງ​ຂວາງ ໄຊຍະ​ບູ​ລີ ບໍ​ລິ​ຄຳ​ໄຊ ສາລະ​ວັນ ຈຳປາ​ສັກ ຫຼວງ​ພະ​ບາງ ວຽງ​ຈັນ ເຊກອງ ຜົ້ງ​ສາລີ ໄຊ​ສົມບູນ ແລະ ແຂວງ​ສະຫວັນ​ນະ​ເຂດ ເຊິ່ງ​ຄາດຄະເນ​ການ​ນຳ​ເຂົ້າ​ສິນຄ້າ​ເຂົ້າຮ່ວມ​ວາງສະແດງທັງ​ໝົດ 1,2 ຕື້​ກີບ ແລະ ຄາດ​ຄະເນ​ການຈຳໜ່າຍ​ທັງ​ໝົດ​ປະມານ 500 ລ້ານກີບ.

ພິທີ​ເປີດ​ງານ​ດັ່ງກ່າວ ​ໄດ້​ຈັດຂຶ້ນ​ວັນ​ທີ 29 ພຶດສະພາ 2017 ທີ່​ສູນ​ການ​ຄ້າລາວ-ໄອ​ເຕັກ ເປັນປະທານ​ຂອງ​ທ່ານ ເບີ​ລິນ ເພັດຈັນທະ​ລາດ ຫົວໜ້າ​ພະ​ແນກ​ອຸດສະຫະ​ກຳ ແລະ ການ​ຄ້າ ນະຄອນ​ຫຼວງ​ວຽງ​ຈັນ ມີ​ທ່ານ ສິນລະ​ວົງ ຄຸດ​ໄພທູນ ເຈົ້າ​ຄອງ​ນະຄອນ​ຫຼວງ​ວຽງ​ຈັນ ທ່ານ​ນາງ ເຂັມ​ມະນີ ພົນ​ເສນາ ລັດຖະມົນຕີກະຊວງ​ອຸດ​ສະຫະ​ກຳ ແລະ ການຄ້າ ພ້ອມ​ດ້ວຍ​ຫົວໜ້າ​ພະ​ແນກ ເຈົ້າເມືອງ​ອ້ອມ​ຂ້າງນະຄອນຫຼວງ ຫົວໜ່ວຍ​ທຸລະ​ກິດ ແລະ ແຂກ​ທີ່​ຖືກ​ເຊີນ​ເຂົ້າ​ຮ່ວມ.

ເພື່ອ​ຊຸກຍູ້​ສົ່ງເສີມ​ໃຫ້​ບັນດາຫົວໜ່ວຍ​ທຸລະ​ກິດ​ທີ່​ຜະລິດ ເປັນສິນຄ້າ​ຂອງ​ແຕ່​ລະ​ຕົວ​ເມືອງ​ພາຍໃນ​ນະຄອນຫຼວງ​ວຽງ​ຈັນ ໄດ້​ເຂົ້າຮ່ວມ​ວາງສະແດງ-ຂາຍ​ສິນຄ້າໂອ​ດ໊ອບ ແລະ ຄອບຄົວ​ຕົວ​ແບບ ຕາມ​ແຜນການ​ຂອງ​ພະ​ແນກ​ອຸດສະຫະ​ກຳ ແລະ ການ​ຄ້າ ນະຄອນ​ຫຼວງ​ວຽງ​ຈັນ​ວາງ​ໄວ້.

ໂອກາດ​ດັ່ງກ່າວ​ ໄດ້​ມອບ​ກາໝາຍ​ສິນຄ້າ​ໜຶ່ງ​ເມືອງ​ໜຶ່ງ​ຜະລິດຕະ​ພັນ​ໃຫ້​ກັບ​ໂຮງສີ​ເຂົ້າ​ ສຸທັດ ກາ​ພະຍາ​ນາກ ໂຮງສີ​ເຂົ້າ​ນາງ ບຸນ​ຮຽງ ກາ​ຈຳປາ​ຫອມ ເມືອງໄຊ​ທານີ ແລະ ຫັດຖະກຳ​ຕ່ຳຫູກ ບ້ານ​ທ່າ​ຊ້າງ ເມືອງ​ປາກ​ງື່ມ ນະຄອນ​ຫຼວງ​ວຽງ​ຈັນ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 37

ຈຳນວນຜູ້ເຂົ້າຊົມວານນີ້ 27

ຈຳນວນຜູ້ເຂົ້າຊົມອາທິດນີ້ 64

ຈຳນວນຜູ້ເຂົ້າຊົມເດືອນນີ້ 861

ຈຳນວນຜູ້ເຂົ້າຊົມທັງໝົດ 48721

Currently are 20 guests and no members online

ແຜນທີ່ນະຄອນຫຼວງວຽງຈັນ