ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

15171052 364639450551254 5107755278166361822 n

ໂຄງການກໍ່ສ້າງເສັ້ນທາງຮ່ອມເບຕົງ ລະຫວ່າງໜ່ວຍທີ 21 22 ແລະ 23 ເຊິ່ງເປັນຈຸດເຊື່ອມຕໍ່ລະຫວ່າງຊາຍແດນຂອງບ້ານດົງປ່າແຫຼບ ເມືອງຈັນທະບູລີ ແລະ ບ້ານໜອງບົວທອງໃຕ້ ເມືອງສີໂຄດຕະບອງ ນະຄອນຫຼວງວຽງຈັນ ແຕ່ສາມແຍກທາງເຂົ້າວັດປ່າໜອງບົວທອງ ຫາ ສາງເກັບມ້ຽນລົດໃຫຽ່ບໍລິສັດໂຄລາວ (ທົ່ງນາບ້ານໜອງບົວທອງ) ທີ່ມີຄວາມຍາວ 348 ແມັດ ໜາ 20 ຊັງຕີແມັດ ກວ້າງ 8 ແມັດ (ຍາວ 60 ກວ່າແມັດ) ແລະ ກວ້າງ 6 ແມັດ (ຍາວ 100 ກວ່າແມັດ) ໃນມູນຄ່າທັງໝົດ 696 ລ້ານກວ່າກີບ ເຊິ່ງເປັນທຶນຂອງປະຊາຊົນພາຍໃນບ້ານ 100% ໂດຍແມ່ນບໍລິສັດທ້າວລິ້ງວິສະວະກໍາກໍ່ສ້າງເປັນຜູ້ຮັບເໝົາ ເຊິ່ງເລີ່ມລົງມືກໍ່ສ້າງແຕ່ເດືອນກັນຍາ 2016 ແລະ ສໍາເລັດໃນຕົ້ນເດືອນພະຈິກ 2016 ຜ່ານມາ ໄດ້ມີພິທີໄຂການນໍາໃຊ້ເສັ້ນທາງດັ່ງກ່າວຢ່າງເປັນທາງການໃນຕອນເຊົ້າວັນທີ 26 ພະຈິກ 2016 ໂດຍການເຂົ້າຮ່ວມຂອງທ່ານນາງ ພູວຽງ ແກ້ວວົງວິຈິດ ເຈົ້າເມືອງໆສີໂຄດຕະບອງ ມີພະເຖລານຸເຖລະ ອົງການຈັດຕັ້ງທາງສັງຄົມ ເລຂາພັກບ້ານ ນາຍບ້ານ ແລະ ປະຊາຊົນພາຍໃນບ້ານເຂົ້າຮ່ວມຢ່າງພ້ອມພຽງ.

ທ່ານ ຄໍາພອນ ສີບຸນເຮືອງ ຕາງໜ້າປະຊາຊົນບ້ານໜອງບົວທອງໃຕ້ ໄດ້ກ່າວລາຍງານຫຽໍ້ກ່ຽວກັນການໂຄງການກໍ່ສ້າງເສັ້ນທາງຮ່ອມດັ່ງກ່າວວ່າ ເມື່ອກ່ອນເສັ້ນທາງດັ່ງກ່າວເປັນເສັ້ນທາງບຸກທະລຸຈາກປະຊາຊົນທີ່ມາຕັ້ງຖິ່ນຖານບ້ານເຮືອນຢູ່ ແຕ່ປີ 1965-1966 ເປັນເສັ້ນທາງດິນທໍາມະດາ ແລະ ຍັງບໍ່ທັນມີເສັ້ນທາງທີ່ຕັດຈາກບ້ານດົງປ່າແຫຼບ (ຈາກໄພແດງແຈວັດດົງປ່າແລບ ຫາ ບ້ານໜອງບົວທອງ) ມາຮອດປີ 1976-1977 ເສັ້ນທາງແມ່ນໄດ້ຮັບການປັບປຸງເປັນເສັ້ນທາງປູດິນແດງ ແລະ ໃນປີ 1980 ໄດ້ຍົກລະດັບປູຢາງທໍາມະດາ ໃນປີ 2000 ປາຍ ເສັ້ນທາງຕັດໃໝ່ຈາກດົົງປ່າແຫຼບຫາບ້ານໜອງບົວທອງ ໄດ້ຮັບການກໍ່ສ້າງ ແລະ ໄດ້ຮັບການປົວແປງຄືນໃໝ່ ເຊິ່ງປູຢາງທັບອີກເປັນເທື່ອທີສອງ ເມື່ອເສັ້ນທາງໄດ້ຮັບການປັບປຸງປົວແປງ ສະພາບພາຫະນະ ການບັນທຸກນໍ້າໜັກກໍມີຈໍານວນເພີ່ມຂຶ້ນ ບວກໃສ່ກັບການຂະຫຽາຍໂຕທາງດ້ານເສດຖະກິດ ອາຄານ ບ້ານເຮືອນ ແລະ ໂຮງຮຽນ ກໍໄດ້ຮັບການກໍ່ສ້າງ ການນໍາໃຊ້ເສັ້ນທາງກໍນັບວັນໜັກຂຶ້ນ ຈາກສະພາບອາກາດ ໄພທໍາມະຊາດ ຝົນຕົກນໍ້າອັ່ງຖ້ວມ ເນື່ອງຈາກເສັ້ນທາງບໍ່ມີຮ່ອງລະບາຍນໍ້າຈິ່ງເຮັດໃຫ້ເສັ້ນທາງມີການເປ່ເພ ແລະ ຊຸດໂຊມຢ່າງໜັກໜ່ວງ ເຊິ່ງໄລຍະຜ່ານມາ ອົງການປົກຄອງບ້ານກໍໄດ້ປຸກລະດົມຜູ້ທີ່ມີເງື່ອນໄຂ ແລະ ປະຊາຊົນ ພ້ອມກັນສ້ອມແປງໃຫ້ນໍາໃຊ້ເປັນປົກກະຕິ ແຕ່ພໍເຖິງລະດູຝົນຂອງແຕ່ລະປີກໍເກີດການເປ່ເພອີກ ແລະໄດ້ນໍາສະເໜີຕໍ່ກອງປະຊຸມສະພາແຫ່ງຊາດ ຊຸດທີ 7 ທີ່ຜ່ານມາ ຈິ່ງມີການສ້ອມແປງ ໂດຍນໍາໃຊ້ງົບປະມານຂອງພະແນກໂຍທາທິການ ແລະ ຂົນສົ່ງນະຄອນຫຼວງ ແຕ່ພໍແກ້ໄຂສະເພາະໜ້າ ມາຮອດເດືອນກໍລະກົດ 2016 ອົງການປົກຄອງຮ່ວມກັບປະຊາຊົນ ເຖົ້າແກ່ແນວໂຮມບ້ານທີ່ໄດ້ຮັບຜົນກະທົບຈາກເສັ້ນທາງຮ່ອມດັ່ງກ່າວກໍພ້ອມກັນປະຊຸມ ປຶກສາຫາລືຫຼາຍຫຼົບຫຼາຍຕ່າວ ພ້ອມທັງນໍາສະເໜີຕໍ່ຂັ້ນເທິງ ກໍຄືພະແນກໂຍທາທິການ ແລະຂົນສົ່ງນະຄອນຫຼວງ ຄົ້ນຄວ້າພິຈາລະນາ ແຕ່ຍັງບໍ່ທັນມີງົບປະມານ ດັ່ງນັ້ນອໍານາດການປົກຄອງບ້ານ ແລະ ປະຊາຊົນ ຈິ່ງຕັດສິນໃຈກໍ່ສ້າງເສັ້ນທາງຮ່ອມດັ່ງກ່າວ ໂດຍນໍາໃຊ້ທຶນຈາກການປຸກລະດົມປະກອບສ່ວນຂອງປະຊາຊົນ 100% ແລະ ຈາກບໍລິສັດໂຄລາວ ປະກອບສ່ວນ 396 ລ້ານກີບ.

ສໍາລັບການກໍ່ສ້າງເສັ້ນທາງຮ່ອມດັ່ງກ່າວໄດ້ລົງມືກໍ່ສ້າງ ແລະ ໃຊ້ເວລາ 13 ເດືອນຈິ່ງສໍາເລັດ ແບ່ງເປັນສອງໄລຍະຄື ໄລຍະທີ 1 ແຕ່ສີ່ແຍກອະນຸບານອຸ່ນຮັກ ໄປຫາ ສາງເກັບມ້ຽນລົດໃຫຽ່ບໍລິສັດໂຄລາວ ຍາວ 192 ແມັດ ຄວາມກວ້າງຂອງໜ້າທາງລົດແລ່ນ 6 ແມັດ ສອງເລນລົດແລ່ນ ປະກອບມີຮ່ອງລະບາຍນໍ້າຄົບຊຸດ ແລະ ໄລຍະທີ 2 ແຕ່ສີ່ແຍກອະນຸບານອຸ່ນຮັກ ຫາສາມແຍກທາງເຂົ້າວັດປ່າໜອງບົວທອງ ຍາວ 156 ແມັດ ກວ້າງ 8 ແມັດ ປະກອບມີຮ່ອງລະບາຍນໍ້າຄົບຊຸດ ພາຍຫຼັງກໍ່ສ້າງສໍາເລັດຈະອໍານວນຄວາມສະດວກໃນການໄປ-ມາຫາສູ່ກັນ ແລະ ນໍາຜົນປະໂຫຽດສູງແກ່ຜູ້ນໍາໃຊ້ເສັ້ນທາງດັ່ງກ່າວ ກໍຄືປະຊາຊົນຊາວບ້ານໜອງບົວທອງໃຕ້ ທີ່ອາໄສຢູ່ລຽບຕາມເສັ້ນທາງ ທັງຈະຊ່ອຍແກ້ໄຂການຈະລາຈອນຕິດຂັດໄດ້ຈໍານວນນຶ່ງ.

 

ຂ່າວ/ພາບ: ເທບພະວົງ

ຄົ້ນຫາ

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 34

ຈຳນວນຜູ້ເຂົ້າຊົມວານນີ້ 33

ຈຳນວນຜູ້ເຂົ້າຊົມອາທິດນີ້ 316

ຈຳນວນຜູ້ເຂົ້າຊົມເດືອນນີ້ 807

ຈຳນວນຜູ້ເຂົ້າຊົມທັງໝົດ 50721

Currently are 15 guests and no members online