ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

43391da6bddbd0114e90dfaa2a63a967

ເພື່ອ​ເປັນ​ການ​ຊົດ​ເຊີຍ ແລະ ໃຫ້ການ​ຊ່ວຍເຫຼືອ​ແກ່​ຄອບຄົວ​ທີ່ຜູ້​ຖືກ​ຜົນ​ກະທົບ​ ຈາກ​ໂຄງການ​ພັດທະ​ນາ​ຊົນລະປະທານ​ເຂດ​ວຽງຈັນ​ຕອນ​ໃຕ້ (ຊົນລະປະທານບ້ານ​ນາລ້ອງ 3) ໜຶ່ງ​ໃນ​ໂຄງການ​ຄຸ້ມ​ຄອງ ແລະ ຫຼຸດຜ່ອນຄວາມ​ສ່ຽງ​ຈາກ​ໄພ​ນ້ຳ​ຖ້ວມ ແລະ ແຫ້ງແລ້ງ (​ຄຖລ) ຂອງ​ນະຄອນ​ຫຼວງ​ວຽງ​ຈັນ ໃຫ້​ໄດ້​ຮັບການ​ຊົດ​ເຊີຍ​ຢ່າງ​ທົ່ວ​ເຖິງ ເພື່ອແນໃສ່​ເຮັດ​ໃຫ້​ການຈັດຕັ້ງ​ປະຕິບັດ​ໂຄງການ ​ດຳເນີນ​ໄປ​ດ້ວຍຄວາມ​ສະດວກ ແລະ ສຳເລັດທັນ​ຕາມ​ກຳນົດ​ເວລາ.

ວັນ​ທີ 25 ພະຈິກ 2016 ຜ່ານມາ ທີ່​ວັດ​ບ້ານ​ນາລ້ອງ ເມືອງຫາດ​ຊາຍ​ຟອງ ນະຄອນຫຼວງວຽງ​ຈັນ ໄດ້​ຈັດ​ພິທີ​ມອບ-ຮັບ​ຄ່າຊົດ​ເຊີຍ​ໃຫ້​ແກ່​ຄອບຄົວ​ທີ່​ຖືກ​ຜົນກະທົບ​ຈາກ​ໂຄງການ​ດັ່ງກ່າວ ເປັນ​ກຽດ​ມອບ​ໂດຍທ່ານ ອາ​ນຸພາບ ຕຸ​ນາ​ລົມ ປະທານ​ສະພາປະຊາຊົນ ນະຄອນຫຼວງ​ວຽງ​ຈັນ ທັງ​ເປັນ​ປະທານ​ໂຄງການ ​ຄຖລ ມີ​ທ່ານ ແກ່ນ ວໍລະ​ສານ ຮອງເຈົ້າເມືອງ​ຫາດ​ຊາຍ​ຟອງ ພ້ອມຄະນະ​ຮັບຜິດຊອບ​ໂຄງການ ແລະ ພາກສ່ວນ​ກ່ຽວຂ້ອງ​ເຂົ້າຮ່ວມ.

ທ່ານ ອານຸພາບ ຕຸ​ນາ​ລົມ ໄດ້​ກ່າວ​ວ່າ: ການ​ກໍ່ສ້າງ​ຊົນ​ລະປະທານ ບ້ານ​ນາລ້ອງ 3 ຂອງໂຄງການ​ພັດທະນາ​ຊົນ​ລະ​ປະທານ​ເຂດ​ວຽງ​ຈັນ​ຕອນ​ໃຕ້ ໂດຍໄດ້​ຈັດ​ຕັ້ງ​ປະຕິບັດ​ການ​ກໍ່ສ້າງ​ຊົນລະ​ປະທານ ແລະ ປັບປຸງ​ປະຕູລະບາຍ​ນ້ຳ​ຫ້ວຍ​ເດື່ອ ແລະ ຫ້ວຍ​ໝາກ​ຮຽວ ເຊິ່ງ​ພື້ນຖານ​ທີ່ໂຄງການ​ຕັ້ງ​ຢູ່​ລຽບ​ຕາມ​ແຄມນ້ຳຂອງ​ຕອນ​ໃຕ້​ຂອງ​ນະຄອນຫຼວງ​ວຽງ​ຈັນ ແລະ ມີ​ສາຍ​ນ້ຳຫ້ວຍ​ໝາກ​ຮຽວ​ຕັດ​ຜ່ານ ​ໂດຍ​ອີງຕາມ​ແຜນ​ໂຄງການ​ຈະ​ຂະຫຍາຍເນື້ອທີ່​ການ​ຜະລິດ​ລະດູແລ້ງ​ໃຫ້ໄດ້ 1.542 ເຮັກຕາ ໃນ​ຈຳນວນ 4 ບ້ານຄື: ຊົນລະປະທານ​ບ້ານສ້າງ​ຫົວ​ບໍ່ ແລະ ບ້ານ​ດົງ​ຄວາຍ ເມືອງ​ໄຊ​ທານີ ຊົນລະປະທານບ້ານ​ໝາກ​ຮຽວ ເມືອງ​ປາກ​ງື່ມ ແລະ ຊົນລະປະທານ​ບ້ານ​ນາລ້ອງ ເມືອງ​ຫາດ​ຊາຍ​ຟອງ.

ຜ່ານ​ການ​ລົງ​ເກັບ​ກຳ​ຂໍ້​ມູນ​ຕົວຈິງ​ຢູ່​ພາກ​ສະໜາມ ​ກ່ຽວ​ກັບ​ໂຄງການ​ໃນ​ເຂດ​ພື້ນ​ທີ່​ຊົນລະປະທານຂອງ​ຄະນະ​ຮັບຜິດຊອບ​ໂຄງການ ເຫັນ​ວ່າ​ເນື້ອທີ່​ດິນ ຕົ້ນໄມ້ ລວມທັງ​ເຂດ​ການ​ຜະລິດ​ຂອງ​ປະຊາຊົນ ມີ​ຈຳນວນ​ໜຶ່ງ​ໄດ້​ຖືກ​ກັບການຈັດຕັ້ງ​ປະຕິບັດ​ໂຄງການ​ມີ 61 ຄອບຄົວ ເຊິ່ງ​ລວມ​ມູນ​ຄ່າ​ຊົດເຊີຍ​ທັງ​ໝົດ 268 ລ້ານ​ກວ່າ​ກີບ.

ຄົ້ນຫາ

ປະຕິທິນ

December 2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 18

ຈຳນວນຜູ້ເຂົ້າຊົມວານນີ້ 189

ຈຳນວນຜູ້ເຂົ້າຊົມອາທິດນີ້ 207

ຈຳນວນຜູ້ເຂົ້າຊົມເດືອນນີ້ 870

ຈຳນວນຜູ້ເຂົ້າຊົມທັງໝົດ 54807

Currently are 19 guests and no members online