ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

Untitled 3 Untitled 2

    ພິທີ​ມອບ-ຮັບ​ໂຄງການ​ປັບປຸງ ແລະ ກໍ່ສ້າງ​ເສັ້ນທາງ​ເບ​ຕົງ ແຕ່ຖະໜົນ​ຄູ​ວຽງ-ວົງວຽນ​ໂສກ​ປ່າຫຼວງ ເມືອງ​ສີ​ສັດຕະ​ນາກ ນະຄອນ​ຫຼວງ​ວຽງ​ຈັນ ໄດ້​ຈັດ​ຂຶ້ນວັນ​ທີ 3 ພະຈິກ 2016 ຢູ່​ຫ້ອງ​ວ່າການ​ປົກຄອງ​ນະຄອນຫຼວງ​ວຽງຈັນ (ນວ) ກ່າວ​ມອບ​ໂດຍ​ທ່ານ ບຸນ​ອູ້ມ ສີ​ວັນເພັງ ຜູ້​ອຳນວຍການ​ໃຫຍ່​ລັດ​ວິ​ສາ​ຫະ​ກິດ​ໄຟຟ້າລາວ ແລະ ຮັບ​ໂດຍ​ທ່ານ ເດດສົງຄາມ ທຳ​ມະ​ວົງ ຫົວໜ້າ​ພະແນກ​ໂຍທາ​ທິ​ການ ແລະ ຂົນສົ່ງ ນວ ໂດຍ​ຊ້ອງ​ໜ້າ​ທ່ານ ສິນ​ລະວົງ ຄຸດ​ໄພທູນ ເຈົ້າ​ຄອງ ນວ ທ່ານ ແກ້ວ​ພິລາ​ວັນ ອາ​ໄພ​ລາດ ຮອງ​ເຈົ້າ​ຄອງ ນວ ພ້ອມ​ດ້ວຍພາກສ່ວນ​ກ່ຽວຂ້ອງ.

 

 

    ເສັ້ນທາງ​ແຕ່​ຖະໜົນ​ຄູ​ວຽງ-ວົງວຽນ​ໂສກ​ປ່າ​ຫຼວງ ມີ​ຄວາມຍາວ 676 ແມັດ ກວ້າງ 9,5 ແມັດ ມູນ​ຄ່າ​ກໍ່ສ້າງ 3,23 ຕື້​ກີບ ໂດຍ​ແມ່ນ​ລັດ​ວິ​ສາ​ຫະ​ກິດ​ໄຟຟ້າລາວ ​ເປັນ​ຜູ້​ສະໜັບສະໜູນ​ດ້ານການ​ເງິນ ແລະ ກຸ່ມ​ບໍລິສັດ ​ວິ​ສະວະ​ກຳ​ກໍ່ສ້າງ​ຢຸນ​ນານ ​ສປ ຈີນ ເປັນ​ຜູ້​ຮັບ​ເໝົາ ເລີ່ມ​ກໍ່ສ້າງ​ແຕ່ຕົ້ນ​ປີ 2016 ໃຊ້​ເວລາ 4 ເດືອນສຳເລັດ ໃນ​ນີ້ ດ້ານ​ມາດຕະຖານເຕັກນິກ​ແມ່ນ​ໄດ້​ກໍ່ສ້າງ​ສະເພາະແຕ່​ໜ້າ​ທາງ​ເອົາ​ຊັ້ນ​ວັດ​ສະ​ດຸ​ເກົ່າອອກ ແລະ ເອົາ​ວັດ​ສະ​ດຸ​ຊັ້ນ​ຮອງພື້ນ​ໃໝ່​ມາ​ແທນ ແລ້ວ​ເທ​ເບ​ຕົງເສີມ​ເຫຼັກ​ໜາ 20 ຊັງ​ຕີ​ແມັດ ສ່ວນ​ທາງ​ຄົນ​ຍ່າງ 2 ເບື້ອງ ລະບົບ​ລະບາຍ​ນ້ຳ ແລະ ໄຟ​ເຍືອງທາງແມ່ນ​ນຳ​ໃຊ້​ອັນ​ເກົ່າ ໂຄງການ​ປັບປຸງ ແລະ ກໍ່ສ້າງ​ເສັ້ນທາງ​ນີ້​ເປັນ​ໂຄງການໜຶ່ງ ​ທີ່​ນອນ​ໃນ​ແຜນ​ບຸລິມະສິດການ​ປັບປຸງ​ພື້ນຖານ​ໂຄງ​ລ່າງຂອງ ນວ ມີ​ຄວາມ​ສຳຄັນ​ຕໍ່​ການພັດທະນາ​ເສດຖະກິດ-ສັງຄົມ ປະກອບ​ສ່ວນ​ຍົກ​ລະດັບ​ຊີວິດ​ການເປັນ​ຢູ່​ຂອງ​ປະຊາຊົນ ທັງ​ເປັນເສັ້ນ ທາງ​ເຊື່ອມ​ຕໍ່​ຈາກ​ຖະໜົນທ່າ​ເດື່ອ - ຖະໜົນ​ມິດຕະພາບ ລາວ-ໄທ ເຊິ່ງ​ຈະ​ຊ່ວຍ​ແບ່ງ​ເບົາການ​ສັນຈອນ​ແອ​ອັດ​ໃນ​ເຂດ​ດັ່ງກ່າວ​ໄດ້​ເປັນ​ຢ່າງ​ດີ.

    ໂອກາດ​ດັ່ງກ່າວ ທ່ານ​ເຈົ້າຄອງ ນວ ຍັງ​ໄດ້​ຕາງໜ້າ​ໃຫ້​ລັດຖະ​ບານ​ປະດັບ​ຫຼຽນ​ໄຊ​ແຮງ​ງານຊັ້ນ I ໃຫ້​ລັດ​ວິ​ສາ​ຫະ​ກິດ​ໄຟຟ້າລາວ ທີ່​ມີ​ຜົນງານ​ດີເດັ່ນ​ໃນ​ການປະກອບສ່ວນ​ທຶນຮອນ ​ເຂົ້າ​ໃນການ​ກໍ່ສ້າງ​ເສັ້ນທາງ​ດັ່ງກ່າວ​ອີກດ້ວຍ.

 

ໜັງສືພິມວຽງຈັນໃໝ່ 2016

ຄົ້ນຫາ

ປະຕິທິນ

December 2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 15

ຈຳນວນຜູ້ເຂົ້າຊົມວານນີ້ 189

ຈຳນວນຜູ້ເຂົ້າຊົມອາທິດນີ້ 204

ຈຳນວນຜູ້ເຂົ້າຊົມເດືອນນີ້ 867

ຈຳນວນຜູ້ເຂົ້າຊົມທັງໝົດ 54804

Currently are 126 guests and no members online