ວັນ​ທີ 25 ກໍ­ລະ­ກົດ 2019 ເປັນ​ມື້​ທີ 2 ຂອງ​ການ​ດຳ­ເນີນ​ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 7 ຂອງ​ສະ­ພາ​ປະ­ຊາ­ຊົນນະ­ຄອນ­ຫຼວງ​ວຽງ​ຈັນ (ສປ ນວ) ຊຸດ​ທີ I ຢູ່​ຫ້ອງ​ວ່າ­ການ ນວໂດຍ​ເປັນ​ປະ­ທານ​ຂອງ​ທ່ານ ອາ­ນຸ­ພາບ ຕຸ​ນາ​ລົມ ປະ­ທານ ສປ ນວ ມີ​ທ່ານສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ ນວ ພ້ອມ​ດ້ວຍ​ຮອງ​ປະ­ທານ​ສະ­ພາ ແລະພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ໃນຕອນບ່າຍຂອງວັນທີ 07 ພຶດສະພາ 2019 ທ່ານ ອາດສະພັງທອງ ສີພັນດອນ, ຮອງເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະ ໄດ້ລົງຊຸກຍູ້ການພັດທະນາເສດຖະ ກິດ-ສັງຄົມ ຂອງເມືອງສີໂຄດຕະບອງ, ຜ່ານການຮັບຟັງການລາຍງານຂອງເມືອງ ແລະ ຂະແໜງການທີ່ກ່ຽວຂ້ອງ ທ່ານຮອງເຈົ້າຄອງ ນວ ໄດ້ສະແດງຄວາມຍ້ອງຍໍຊົມເຊີຍຕໍ່ ຜົນສໍາເລັດການປະຕິບັດວຽກງານໃນໄລຍະຜ່ານມາ ແລະ ໄດ້ເນັ້ນໜັກໃຫ້ບັນດາ ຂະແໜງການທີ່ກ່ຽວຂ້ອງ ເອົາໃຈໃສ່ຊຸກຍູ້ການພັດທະນາເສດຖະກິດ ໂດຍຖືເອົາການຄ້າ, ບໍລິການ ແລະ ການຜະລິດກະສິກໍາເປັນສິນຄ້າເປັນກໍາລັງແຮງ ໃນການພັດທະນາຊີວິດການເປັນຢູ່ຂອງປະຊາຊົນໃຫ້ນັບມື້ນັບ ດີຂຶ້ນກວ່າເກົ່າ, ພ້ອມທັງເອົາໃຈໃສ່ຊຸກຍູ້ການເກັບລາຍຮັບເຂົ້າງົບ ປະມານໃຫ້ໄດ້ຕາມແຜນການທີ່ຂັ້ນເທິງມອບໝາຍໃຫ້ ແລະ ຕ້ອງໄດ້ມີການປັບປຸງກົນໄກການປະສານງານແຕ່ລະຂັ້ນໃຫ້ສອດຄ່ອງຕາມລະບຽບກົດ ໝາຍໄດ້ວາງໄວ້.

ຂໍ້ມູນ ແລະ ຮູບພາບຈາກ: ໂຕະປະຊາສຳພັນ ການເຄື່ອນໄຫວພົ້ນເດັ່ນ ຂອງການນຳ ນວ.

     ພະແນກການ​ເງິນ ນະຄອນຫຼວງ​ວຽງ​ຈັນ (ນວ)ຈັດ​ກອງ​ປະຊຸມ​ສະຫຼຸບ​ການເຄື່ອນໄຫວ​ຈັດ​ຕັ້ງ​ປະຕິບັດ​ແຜນ​ງົບປະມານ ປະຈຳ​ປີ 2018 ແລະ ທິດ​ທາງ​ແຜນ​ງົບປະມານ ປະຈຳ​ປີ 2019 ຂຶ້ນ​ວັນ​ທີ 3 ພຶດສະພາ 2019 ຢູ່​ຫ້ອງ​ວ່າການ​ປົກຄອງ ນວ ໂດຍ​ເປັນ​ປະທານ​ຮ່ວມຂອງ ​ທ່ານ ອາດ​ສະພັງ​ທອງສີ​ພັນ​ດອນ ຮອງ​ເຈົ້າ​ຄອງ ນວ ແລະ ທ່ານ ຄຳ​ພັນ ມາລາ​ບັນດິດ ຫົວໜ້າ​ພະແນກການ​ເງິນ ນວພ້ອມ​ດ້ວຍ​ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

   ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ພ້ອມ​ຄະ­ນະ ເຄື່ອນ​ໄຫວ​ຢ້ຽມ­ຢາມ ແລະ ຊີ້​ນຳ​ວຽກ​ງານ​ການ​ພັດ­ທະ­ນາ​ໂຄງ­ການ ຢູ່​ເຂດ​ພັດ­ທະ­ນາ​ກວມ​ລວມ​ໄຊ​ເຊດ​ຖາ ແລະ ເຂດ​ເສດ­ຖະ­ກິດ​ສະ­ເພາະ ນະ­ຄອນ­ຫຼວງ​ວຽງ​ຈັນ ວັນ​ທີ 7 ມີ­ນາ 2019 ໂດຍ​ໄດ້​ຮັບ​ການ​ຕ້ອນ­ຮັບ​ຈາກ​ທ່ານ ສຸ­ພັນ ແກ້ວ​ມີ​ໄຊ ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ຫ້ອງ­ການ​ສົ່ງ­ເສີມ ແລະ ຄຸ້ມ​ຄອງ​ເຂດ​ເສດ­ຖະ­ກິດ​ພິ­ເສດ ຄະ­ນະ​ຄຸ້ມ​ຄອງ​ເຂດ​ເສດ­ຖະ­ກິດ​ພິ­ເສດ​ບຶງ​ທາດ­ຫຼວງ ແລະ ບໍ­ລິ­ສັດ​ຜູ້​ພັດ­ທະ­ນາ​ໂຄງ­ການ.