Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

  431

   ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ພ້ອມ​ຄະ­ນະ ເຄື່ອນ​ໄຫວ​ຢ້ຽມ­ຢາມ ແລະ ຊີ້​ນຳ​ວຽກ​ງານ​ການ​ພັດ­ທະ­ນາ​ໂຄງ­ການ ຢູ່​ເຂດ​ພັດ­ທະ­ນາ​ກວມ​ລວມ​ໄຊ​ເຊດ​ຖາ ແລະ ເຂດ​ເສດ­ຖະ­ກິດ​ສະ­ເພາະ ນະ­ຄອນ­ຫຼວງ​ວຽງ​ຈັນ ວັນ​ທີ 7 ມີ­ນາ 2019 ໂດຍ​ໄດ້​ຮັບ​ການ​ຕ້ອນ­ຮັບ​ຈາກ​ທ່ານ ສຸ­ພັນ ແກ້ວ​ມີ​ໄຊ ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ຫ້ອງ­ການ​ສົ່ງ­ເສີມ ແລະ ຄຸ້ມ​ຄອງ​ເຂດ​ເສດ­ຖະ­ກິດ​ພິ­ເສດ ຄະ­ນະ​ຄຸ້ມ​ຄອງ​ເຂດ​ເສດ­ຖະ­ກິດ​ພິ­ເສດ​ບຶງ​ທາດ­ຫຼວງ ແລະ ບໍ­ລິ­ສັດ​ຜູ້​ພັດ­ທະ­ນາ​ໂຄງ­ການ.

     ໂຄງ­ການ​ກໍ່­ສ້າງ​ທາງ​ດ່ວນ ນະ­ຄອນ­ຫຼວງ​ວຽງ​ຈັນ ໝາຍ​ເລກ 1 ແຕ່​ເຂດ​ເສດ­ຖະ­ກິດ​ສະ­ເພາະ​ບຶງ​ທາດ­ຫຼວງ-ດົງໝາກ­ຄາຍ ຈະ​ເລີ່ມ​ຈັດ​ຕັ້ງ​ປະ­ຕິ­ບັດ ໂດຍ​ມີ​ກຳ­ນົດ​ເວ­ລາ​ກໍ່­ສ້າງ 30 ເດືອນ (ປີ 2021) ລວມ​ມູນ​ຄ່າ​ການ​ກໍ່­ສ້າງ 200 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 1.716 ຕື້​ກີບ ໂດຍ​ມີ​ໄລ­ຍະ​ສຳ​ປະ­ທານ 50 ປີ ແລະ ສາ­ມາດ​ຕໍ່​ໄດ້ 20 ປີ.

         ພິ­ທີ​ເປີດ​ນຳ​ໃຊ້​ໂຮງ­ງານ​ຜະ­ລິດ​ນ້ຳ​ປະ­ປາ​ບ້ານ​ນາ­ລ້ອງ ເມືອງ​ຫາດ​ຊາຍ​ຟອງ ນະ­ຄອນ­ຫຼວງ​ວຽງ​ຈັນ (ນວ) ກຳ­ລັງ​ການ​ຜະ­ລິດ 1.500 ແມັດ​ກ້ອນ​ຕໍ່​ວັນ ໂດຍ​ທຶນ​ກູ້​ຢືມ​ຈາກ ສປ ຈີນ (NORINCO) ຈັດ​ຂຶ້ນ​ວັນ​ທີ 16 ມັງ­ກອນ 2019 ທີ່​ບ້ານ​ນາ­ລ້ອງ ມີ​ທ່ານ ແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ ນວ ທ່ານ ຄຳ​ເຜີຍ ວົງ­ສາ​ຄຳ​ຜຸຍ ຜູ້­ອຳ­ນວຍ­ການ​ໃຫຍ່​ລັດ​ວິ​ສາ​ຫະ​ກິດ​ນ້ຳ​ປະ­ປາ ນວ ທ່ານ ແກ່ນ ວໍ­ລະ​ສານ ຮອງ​ເຈົ້າ­ເມືອງ​ຫາດ​ຊາຍ​ຟອງ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

  ໃນຕອນເຊົ້າຂອງວັນທີ 24 ມັງກອນ 2019 ທີ່ຫ້ອງປະຊຸມທັນສະໄໝ ຂອງສຳນັກງານປົກຄອງນະຄອນຫຼວງວຽງຈັນ. ໄດ້ຈັດກອງປະຊຸມສຳມະນາວິທະຍາສາດ ກ່ຽວກັບທິດທາງການພັດທະນານະຄອນຫຼວງ ວຽງຈັນ ໃນໄລຍະໃໝ່ ຈັດໂດຍ ສະຖາບັນຄົ້ນຄ້ວາການພັດທະນາເສດຖະກິດ-ສັງຄົມ ນະຄອນຫຼວງວຽງຈັນ (ຄສພ). ໂດຍການເປັນປະທານຂອງທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງ ຈັນ, ເຂົ້າຮ່ວມມີບັນດາ ທ່ານຮອງເຈົ້າຄອງ ນວ, ບັນດາຜູ້ແທນສະພາປະຊາຊົນ ນວ, ສະມາຊິກອົງການປົກຄອງ ນວ, ສະມາຊິກຂອງສະຖາບັນຄົ້ນຄ້ວາການພັດທະນາເສດຖະກິດ-ສັງຄົມ ແລະ ພາກສ່ວນທີ່ ກ່ຽວຂ້ອງເຂົ້າຮ່ວມ.  ກອງປະຊຸມຄັ້ງນີ້ ຈຸດປະສົງແມ່ນເພື່ອປຶກສາຫາລືຄົ້ນຄ້ວາຍຸດທະສາດ ຄາດໝາຍການພັດທະນານະຄອນຫຼວງວຽງຈັນ ໃນໄລຍະໃໝ່ ແຕ່ນີ້ ຮອດປີ 2030.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ

83a1dcf90bf2428a6a19a8aebd3aacd8

      ກອງ​ປະ­ຊຸມ​ລິ​ເລີ່ມ​ໂຄງ­ການ​ຜະ­ລິດ​ກະ­ສິ­ກຳ​ເປັນ​ສິນ­ຄ້າ​ຢູ່ ສປປ ລາວປະ­ຈຳ​ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 11 ຕຸ­ລາ 2018 ຢູ່​ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ໂດຍ​ເປັນ​ປະ­ທານ​ຮ່ວມ​ຂອງ​ທ່ານແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ ນວ ທ່ານ ພູ­ທອນ ສິ​ຣິ​ພັນ​ທອງຫົວ­ໜ້າ​ປະ­ສານ​ງານ​ໂຄງ­ການ​ຜະ­ລິດ​ກະ­ສິ­ກຳ​ເປັນ​ສິນ­ຄ້າ​ຢູ່ ສປປ ລາວມີ​ທ່ານ​ຮອງ​ເຈົ້າ­ເມືອງ ຮອງ​ຫົວ­ໜ້າ​ພະ​ແນກ ຄະ­ນະ​ຮັບ­ຜິດ­ຊອບ​ໂຄງ­ການ ແລະພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 45

ຈຳນວນຜູ້ເຂົ້າຊົມວານນີ້ 59

ຈຳນວນຜູ້ເຂົ້າຊົມອາທິດນີ້ 238

ຈຳນວນຜູ້ເຂົ້າຊົມເດືອນນີ້ 1069

ຈຳນວນຜູ້ເຂົ້າຊົມທັງໝົດ 44919

Currently are 17 guests and no members online

ແຜນທີ່ນະຄອນຫຼວງວຽງຈັນ