ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

16473874 397759127239286 8801732635899768178 n

ພິທີ​ມອບ-ຮັບຫ້ອງ​ສະໝຸດໂຮງຮຽນ ​ມສ ສີ​ທອງ ບ້ານ​ເພຍລາດ ເມືອງ​ສັງ​ທອງ ແລະ ຫ້ອງສະໝຸດ​ໂຮງຮຽນ ​ມສ ພວງ​ໄຊ ບ້ານ​ນາ​ຄັນ​ທຸງ ເມືອງ​ໄຊ​ທານີ ນະຄອນຫຼວງ​ວຽງ​ຈັນ ໄດ້​ຈັດ​ຂຶ້ນວັນ​ທີ 27 ມັງກອນ 2017 ທີ່​ໂຮງຮຽນ ​ມສ ສີ​ທອງ ເປັນ​ກຽດ​ກ່າວມອບ​ໂດຍ​ທ່ານ​ນາງ ວາດ​ສະໜາ ຄຸດ​ໄພທູນ ພັນ​ລະ​ຍາ​ເຈົ້າຄອງ​ນະຄອນຫຼວງ​ວຽງ​ຈັນ ແລະ ກ່າວ​ຮັບ​ໂດຍ​ທ່ານ ສຸ​ລິ​ແສງ ສີຫາ​ລາດ ອຳນວຍ​ການ​ໂຮງຮຽນ ​ມສ ສີ​ທອງ ມີ​ທ່ານ ຄຳ​ໝູນ ຕຽງ​ທະ​ລາດ ເຈົ້າເມືອງ​ສັງ​ທອງ ພັນ​ລະ​ຍາ​ການ​ນຳ​ນະຄອນຫຼວງ ນັກທຸລະກິດ ແລະ ພາກສ່ວນກ່ຽວຂ້ອງ​ເຂົ້າ​ຮ່ວມ.

15940553 385867145095151 4729360551779891 n    ອຳນາດ​ການ​ປົກຄອງ​ບ້ານໂພນ​ສະຫວາດ​ໃຕ້ ເມືອງ​ສີ​ໂຄດຕະບອງ ນະຄອນຫຼວງ​ວຽງ​ຈັນ ໄດ້​ຈັດ​ພິທີ​ເປີດ​ນຳ​ໃຊ້​ເສັ້ນທາງ ຈຳນວນ 8 ເສັ້ນ​ຢ່າງ​ເປັນ​ທາງການ ໃນ​ວັນ​ທີ 6 ມັງກອນ 2017 ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ແກ້ວ​ພິລາ​ວັນ ອາ​ໄພ​ລາດ ຮອງເຈົ້າ​ຄອງ​ນະຄອນຫຼວງ ທ່ານນາງ ພູ​ວຽງ ແກ້ວ​ວົງ​ວິຈິດ ເຈົ້າເມືອງ​ສີ​ໂຄດ​ຕະບອງ ທ່ານ​ນາງ ມະນີ​ວອນ ວົງ​ສຸ​ລິ ນາຍບ້ານ​ໂພນ​ສະຫວາດ​ໃຕ້ ກ່າວ​ວ່າ: ໂຄງການ​ກໍ່ສ້າງ​ເສັ້ນທາງ​ຈຳນວນ 8 ເສັ້ນ ຢູ່​ບ້ານໂພນ​ສະຫວາດ​ໃຕ້ ແມ່ນ​ເລີ່ມ​ລົງມື​ກໍ່ສ້າງ​ມາ​ແຕ່​ຕົ້ນ​ເດືອນ​ມິຖຸນາ 2016 ແລະ ສຳເລັດ​ການ​ກໍ່ສ້າງໃນ​ທ້າຍ​ເດືອນ​ກັນຍາ​ຂອງ​ປີ​ດຽວກັນ ລວມ​ມູນ​ຄ່າ​ການ​ກໍ່ສ້າງ 1.538.073.000 ກີບ.

4c5422b9cdca925e37f2565ced4eae82

ວັນ​ທີ 5 ພະຈິກ 2016 ທີ່​ຜ່ານມາ ທ່ານ ໄຊ​ສົມ​ພອນ ພົມ​ວິຫານ ປະທານ​ສູນ​ກາງ​ແນວ​ລາວສ້າງ​ຊາດ ພ້ອມ​ດ້ວຍ​ຄະນະ ໄດ້ລົງ​ເຄື່ອນ​ໄຫວ​ຢ້ຽມຢາມ ແລະ ຊຸກຍູ້​ການຈັດຕັ້ງ​ປະຕິບັດ​ແຜນພັດທະນາ​ເສດຖະກິດ-ສັງຄົມ ແລະ ການ​ຜະລິດ​ເປັນ​ສິນຄ້າ​ຢູ່ເມືອງ​ຫາດ​ຊາຍ​ຟອງ ນະຄອນຫຼວງ​ວຽງ​ຈັນ ໂດຍ​ມີທ່ານ ແກ່ນ ວໍລະ​ສານ ຮອງ​ເຈົ້າເມືອງ​ຫາດຊາຍ​ຟອງ ພ້ອມ​ດ້ວຍ​ຄະນະການ​ນຳ​ຂອງ​ເມືອງ ​ໄດ້​ໃຫ້ການຕ້ອນຮັບ.

d93092840e8ac75a80f63c2f75a2b0ae

       ວັນ​ທີ 3 ພະຈິກ 2016 ພະ​ແນກ​ກະສິກຳ ແລະ ປ່າໄມ້ ນະຄອນຫຼວງ​ວຽງ​ຈັນ ຮ່ວມ​ກັບຫ້ອງການ​ກະສິກຳ ແລະ ປ່າໄມ້ ເມືອງ​ໄຊ​ທານີ ໄດ້​ສ້າງ​ຂະ​ບວນການ​ອະນາໄມ​ລວງ​ຄອງເໝືອງ ແລະ ເລີ່ມ​ເປີດ​ນ້ຳ​ຊົນລະປະທານ ຮັບ​ໃຊ້​ການ​ຜະລິດ​ລະດູແລ້ງ ສົກປີ 2016-2017 ຂຶ້ນ​ທີ່​ສະຖານີເວີນ​ຄຳ 1 ເມືອງ​ໄຊ​ທານີ ມີ​ທ່ານ ແກ້ວ​ພິລາ​ວັນ ອາ​ໄພ​ລາດ ຮອງເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ ທອງ​ພັດ ວົງ​ມະນີ ຮອງລັດຖະມົນຕີ​ກະຊວງ​ກະສິກຳ ແລະ ປ່າໄມ້ ທ່ານ​ຮອງ​ເຈົ້າເມືອງ ບັນດາ​ຫົວໜ້າ​ຫ້ອງການ​ກະສິກຳ ແລະ ປ່າໄມ້ 9 ຕົວ​ເມືອງ ຫົວໜ້າຂະແໜງ ພະນັກງານ ກຸ່ມ​ຜູ້ນຳໃຊ້​ນ້ຳ ແລະ ຊາວ​ກະສິກອນ​ເຂົ້າຮ່ວມ.

UndtitleddUntitledUntitlved

ໃນວັນທີ 15/07/2016 ຢູ່ທີ່ຫ້ອງການບ້ານ ວຽງຈະເລີນ ເມືອງໄຊເຊດຖາ ພະແນກພະລັງງານ ແລະ ບໍ່ແຮ່ ນະຄອນຫຼວງວຽງຈັນໄດ້ຈັດມີກອງປະຊຸມເຝຶກອົບຮົມໃນຫົວຂໍ້ " ການຊົມໃຊ້ໄຟຟ້າແບບປະຫຍັດ ແລະ ມີຄວາມປອດໄພ ໃຫ້ແກ່ຜູ້ຊົມໃຊ້ໄຟຟ້າ " ໃຫ້ແກ່ຈຳນວນ 5 ບ້ານຂອງເມືອງ ໄຊເຊດຖາຄື: ບ້ານ ວຽງຈະເລີນ, ບ້ານ ທາດ ຫຼວງເໜືອ, ທາດຫຼວງກາງ, ທາດຫຼວງໃຕ້ ແລະ ບ້ານ ຫົວຂົວ. ເປົ້າໝາຍຜູ້ເຂົ້າຮ່ວມໃນການເຝຶກອົບຮົມໃນຄັ້ງນີ້ ມີອົງການຈັດຕັ້ງຂອງບ້ານໆ ລະ 4 ທ່ານ, ປະຊາຊົນກຸ່ມທີ່ມີຄວາມສ່ຽງຂອງແຕ່ລະບ້ານໆ ລະ 15 ທ່ານ ລວມ 95 ທ່ານ.

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 134

ຈຳນວນຜູ້ເຂົ້າຊົມເດືອນນີ້ 134

ຈຳນວນຜູ້ເຂົ້າຊົມທັງໝົດ 64621

Currently are 10 guests and no members online