ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

3ad50e956d5fd3e75184572a54419c25

     ພິ­ທີ​ເຊັນ​ສັນ­ຍາ ສະ­ໜອງ​ທຶນ​ໃຫ້​ໂຄງ­ການ​ປ້ອງ​ກັນ​ສະ­ພາບ​ນ້ຳ​ຖ້ວມ​ອັ່ງ​ຂັງ​ໃນ​ຕົວ​ເມືອງ ໂດຍ​ການ​ອະ­ນາ­ໄມ​ລວງ​ຮ່ອງ​ລະ­ບາຍ​ນ້ຳ​ແຄມ​ທາງ ແລະ ຮ່ອງ­ນ້ຳ​ສາຍ​ຫຼັກ​ຕ່າງໆ​ໃນ​ນະ­ຄອນ­ຫຼວງ​ວຽງ​ຈັນ (ນວ) ທີ່​ໄດ້​ຮັບ​ທຶນ​ຊ່ວຍ­ເຫຼືອ​ຈາກ​ກອງ​ທຶນ​ປົກ​ປັກ​ຮັກ­ສາ​ສິ່ງ­ແວ­ດລ້ອມ (ກປສ) ມູນ​ຄ່າ 500 ລ້ານ​ກີບ ຈັດ​ຂຶ້ນ​ວັນ​ທີ 13 ມັງ­ກອນ 2020 ທີ່​ຫ້ອງ­ການ​ຄຸ້ມ​ຄອງ ແລະ ບໍ­ລິ­ການ​ຕົວ​ເມືອງ​ວຽງ​ຈັນ (ຄບຕ) ລະ­ຫວ່າງ ທ່ານ ສີ​ພັນ​ດອນ ສີ​ຫາ​ວົງ ຫົວ­ໜ້າ​ຫ້ອງ­ການ ກປສ ແລະ ທ່ານ ບຸນ​ຈັນ ແກ້ວ​ສີ​ທຳ​ມະ ຫົວ­ໜ້າ​ຫ້ອງ­ການ ຄບຕ ມີ​ທ່ານ ພູ​ວົງ ຫຼວງ​ໄຊ­ຊະ­ນະ ຫົວ­ໜ້າ​ກົມ​ແຜນ­ການ ແລະ ການ​ເງິນ ກະ­ຊວງ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

   ການ​ປະ­ຕິ­ບັດ​ໂຄງ­ການ​ດັ່ງ­ກ່າວ ຄບຕ ຈະ​ປະ­ຕິ­ບັດ​ເດືອນ​ກຸມ­ພາ-ທັນ­ວາ 2020 ໃຫ້​ສຳ­ເລັດ ເພື່ອ​ປ້ອງ​ກັນ ແລະ ສະ­ກັດ​ກັ້ນ​ສະ­ພາບ​ນ້ຳ​ຖ້ວມ​ຂັງ​ໃນ​ຕົວ​ເມືອງ ໂດຍ​ສະ­ເພາະ ໃນ 10 ຖະ­ໜົນ​ສາຍ​ຫຼັກ ແລະ ຮ່ອງ­ນ້ຳ​ສາຍ​ຕ່າງໆ​ໃນ ນວ ເປັນ­ຕົ້ນ ຮ່ອງ​ແຊງ ແລະ ຮ່ອງ­ນ້ຳ​ສາ­ຂາ​ທີ່​ເຊື່ອມ​ຕໍ່​ລົງ​ຫາ​ຫ້ວຍ​ໝາກ​ຮຽວ ເຊິ່ງ​ກວມ​ເອົາ​ເນື້ອ­ທີ່ 6 ເມືອງ ເຊັ່ນ: ເມືອງ​ຈັນ­ທະ​ບູ​ລີ ໄຊ​ເສດ​ຖາ ສີ​ໂຄດ​ຕະ­ບອງ ສີ​ສັດ­ຕະ​ນາກ ໄຊ​ທາ­ນີ ແລະ ເມືອງ​ຫາດ​ຊາຍ​ຟອງ ທັງ​ນີ້​ເພື່ອ​ຮັບ­ປະ­ກັນ​ເຮັດ​ໃຫ້ ນວ ໃນ​ໄລ­ຍະ​ລະ­ດູ­ຝົນ​ບໍ່​ໃຫ້​ມີ​ສະ­ພາບ​ນ້ຳ​ຖ້ວມ​ຂັງ ໂດຍ​ສະ­ເພາະ ເຂດ​ບ້ານ​ເຮືອນ​ປະ­ຊາ­ຊົນ​ທີ່​ເປັນ​ຊຸມ​ຊົນ ສະ­ຖານ­ທີ່​ຂອງ​ລັດ ແລະ ອື່ນໆ ໃຫ້​ມີ​ຄວາມ​ສະ­ອາດ​ຈົບ­ງາມ ຕາມ​ທິດ​ທາງ​ພັດ­ທະ­ນາ​ສີ­ຂຽວ ແລະ ຍືນ​ຍົງ.

 

ໜັງສືພິມວຽງຈັນໃໝ່

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 134

ຈຳນວນຜູ້ເຂົ້າຊົມເດືອນນີ້ 134

ຈຳນວນຜູ້ເຂົ້າຊົມທັງໝົດ 64621

Currently are 9 guests and no members online