ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

ab9f64f9d7908b941a49f9681f236589

 

      ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ (ນວ) ຮ່ວມ​ກັບ​ບໍ­ລິ­ສັດ​ອິນ​ຊີ​ທອງ​ມໍ​ເຕີ ຂາ ອອກ-ຂາ​ເຂົ້າ​ຈຳ­ກັດ​ຜູ້​ດຽວ ແລະ ຫ້ອງ­ການ​ກະ­ສິ­ກຳ ແລະ ປ່າ­ໄມ້ ເມືອງ​ຫາດ​ຊາຍ​ຟອງ ໄຂ​ຂະ​ບວນ​ການ​ປູກ​ເຂົ້າ​ຕາມ​ທິດ​ຫັນ​ເປັນ​ທັນ​ສະ­ໄໝ ແລະ ຫຼຸດ­ຜ່ອນ​ແຮງ​ງານ​ຊາວ­ນາ ຂຶ້ນ​ວັນ​ທີ 3 ມັງ­ກອນ 2020 ຢູ່​ບ້ານ​ສິມ​ມະ­ໂນ ໂດຍ​ມີ​ທ່ານ ຫຼ້າ​ສາຍ ນວນ​ທາ​ສິງ ຫົວ­ໜ້າ​ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ທ່ານ ຄຳ​ແກ່ງ ດວງ​ພະ­ຈັນ ຮອງ​ເຈົ້າ­ເມືອງ​ຫາດ​ຊາຍ​ຟອງ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

   ທ່ານ ໜຽວ​ຄຳ ຄຳ​ມີ­ນາ​ທີ ຫົວ­ໜ້າ​ຂະ­ແໜງ­ການ​ຜະ­ລິດ ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ກ່າວ ວ່າ: ໂຄງ­ການ​ປູກ​ເຂົ້າ​ເປັນ​ສິນ­ຄ້າ ຕາມ​ທິດ​ເປັນ​ອຸດ­ສາ­ຫະ­ກຳ​ທັນ​ສະ­ໄໝ ແລະ ຫຼຸດ­ຜ່ອນ​ແຮງ​ງານ​ຊາວ​ກະ­ສິ­ກອນ ເລີ່ມ​ຈັດ​ຕັ້ງ​ປະ­ຕິ­ບັດ​ແຕ່​ປີ 2012 ເປັນ­ຕົ້ນ​ມາ ຢູ່​ເຂດ​ໂຄງ­ການ​ຊົນ­ລະ­ປະ­ທານ​ບ່ອນ​ທີ່​ມີ​ເງື່ອນ­ໄຂ​ເໝາະ​ສົມ ມີ 3 ຮູບ​ແບບ ຄື: ຊຸກ­ຍູ້​ປະ­ກອບ​ການ​ລົງ­ທຶນ​ສ້າງ​ຈຸດ​ບໍ­ລິ­ການ​ກົນ​ຈັກ​ກະ­ສິ­ກຳ ຊຸກ­ຍູ້​ຊາວ​ກະ​ສິ ກອນ​ຕັ້ງ​ເປັນ​ກຸ່ມ​ຜະ­ລິດ​ນຳ​ໃຊ້​ກົນ​ຈັກ​ພາຍ​ໃນ​ກຸ່ມ ແລະ ຊຸກ­ຍູ້​ຊາວ​ກະ­ສິ­ກອນ​ທີ່​ມີ​ເງື່ອນ­ໄຂ​ຊື້​ກົນ​ຈັກ​ມາ​ນຳ ໃຊ້​ພາຍ​ໃນ​ຟາມ​ຂອງ​ຕົນ ແລະ ບໍ­ລິ­ການ​ພາຍ​ໃນ ປີ 2019 ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ໄດ້​ຊຸກ ຍູ້​ການ​ປູກ​ເຂົ້າ​ໄດ້ 66.297 ເຮັກ­ຕາ ຜົນ​ຜະ­ລິດ 283.174 ໂຕນ ໃນ​ນີ້ ນາ­ແຊງ 66.706 ໂຕນ ນາ­ປີ 216.468 ໂຕນ ເຊິ່ງ​ເນື້ອ­ທີ່​ຖືກ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ ແລະ ແຫ້ງ­ແລ້ງ 2.366 ເຮັກ­ຕາ ເພື່ອ​ເປັນ ການ​ຟື້ນ​ຟູ​ການ​ຜະ­ລິດ ແລະ ສະ­ໜອງ​ຜົນ​ຜະ­ລິດ​ໃຫ້​ໄດ້​ຕາມ​ແຜນ­ການ ໂດຍ​ສະ­ເພາະ ການ​ຜະ­ລິດ​ເຂົ້າ​ໃນ​ປີ 2020 ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ໄດ້​ກຳ­ນົດ​ຕົວ​ເລກ​ຄາດ­ໝາຍ​ສູ້​ຊົນ​ໃຫ້​ໄດ້ 66.380ເຮັກ­ຕາ ຄາດ​ຄະ­ເນ​ຜົນ​ຜະ­ລິດ 301.984 ໂຕນ ສຳ­ລັບ​ນາ­ແຊງ ວາງ​ແຜນ​ໃຫ້​ໄດ້ 14.300 ເຮັກ­ຕາ

   ການ​ຊຸກ­ຍູ້​ໂຄງ­ການ​ປູກ​ເພື່ອ​ປົດ​ປ່ອຍ​ແຮງ​ງານ​ຄົນ​ໃຫ້​ໄດ້ 10% ເຂົ້າ​ໃນ​ການ​ຜະ­ລິດ ສາ­ມາດ​ດຳ­ນາ ກົນ​ຈັກ​ໄດ້ 701 ເຮັກ­ຕາ ນາ­ຫວ່ານ 31.386 ເຮັກ­ຕາ ຫຼຸດ­ຜ່ອນ​ແຮງ​ງານ​ໄດ້ 11.458 ຄົນ ທຽບ­ໃສ່​ແຜນ­ການ (8.103 ຄົນ) ເທົ່າ​ກັບ 141% ເຊິ່ງ​ໂຄງ­ການ​ນີ້​ຈະ​ເລັ່ງ​ໃສ່ 4 ເມືອງ ຄື: ຫາດ​ຊາຍ​ຟອງ ໄຊ​ເສດ​ຖາ ໄຊ​ທາ­ນີ ແລະ ປາກ​ງື່ມ ເປົ້າ​ໝາຍ​ຈະ​ໃຫ້​ສຳ­ເລັດ​ໃນ​ທ້າຍ​ເດືອນ​ມັງ­ກອນ ປີ 2020.

ຄົ້ນຫາ

ປະຕິທິນ

June 2020
S M T W T F S
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 50

ຈຳນວນຜູ້ເຂົ້າຊົມວານນີ້ 53

ຈຳນວນຜູ້ເຂົ້າຊົມອາທິດນີ້ 134

ຈຳນວນຜູ້ເຂົ້າຊົມເດືອນນີ້ 134

ຈຳນວນຜູ້ເຂົ້າຊົມທັງໝົດ 64621

Currently are 11 guests and no members online