Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

60814658 811277289252231 7847029924102668288 n

     ຕອນບ່າຍ ຂອງວັນທີ 22 ພຶດສະພາ 2019 ທີ່ຫ້ອງປະຊຸມໃຫຍ່ສຳນັກງານປົກຄອງນະຄອນຫຼວງວຽງຈັນ. ໄດ້ຈັດກອງປະຊຸມທົບທວນ ແລະວາງແຜນເພີ່ມເຕີມຂະບວນການແຂ່ງຂັນ "ຮັກຊາດ ແລະ ພັດທະນາ"ຕິດພັນກັບຮັກນະຄອນຫຼວງໄລຍະຮອດທ້າຍປີ 2020 ໂດຍການເປັນປະທານ ຂອງທ່ານ ປອສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນເຂົ້າຮ່ວມມີ ບັນດາພະນັກງານ, ສະມາຊິກພັກ ຈາກພາກສ່ວນ ສະພາປະຊາຊົນ ນວ, ຄະນະພັກ-ອົງການປົກ ຄອງ ນວ, ຈາກບັນດາພະແນກການ-ອົງການອ້ອມຂ້າງ ນວ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

     ກອງປະຊຸມດັ່ງກ່າວ ແມ່ນເພື່ອທົບທວນ ແລະ ວາງແຜນເພີ່ມເຕີມຂະບວນການແຂ່ງຂັນ "ຮັກຊາດ ແລະ ພັດທະນາ" ຕິດພັນກັບຮັກນະຄອນຫຼວງ ຕາມຂໍ້ຕົກລົງ ສະບັບເລກທີ 0939/ຈນວ, ລົງວັນທີ 27 ພະຈິກ 2017 ເຊີ່ງກໍໄດ້ຈັດກອງປະຊຸມເປີດຂະບວນການແຂ່ງຂັນ ມາແລ້ວ ໃນຄັ້ງວັນທີ 12 ຕຸລາ 2017 ເປັນຕົ້ນມາ.

     ທ່ານ ສິນລະວົງ ຄຸດໄພທູນ ໄດ້ມີຄຳເຫັນຕໍ່ກອງປະຊຸມເຊີ່ງມີເນື້ອໃນບາງຕອນວ່າ: ໃນການຈັດຕັ້ງປະຕິບັດບັ້ນແຂ່ງຂັນຜ່ານມາພວກເຮົາໄດ້ມີຜົນງານພົ້ນດັ່ນຫຼາຍດ້ານ ໃນນັ້ນແມ່ນ:ລະບົບການເມືອງຢູ່ຂັ້ນຮາກຖານໄດ້ຮັບການປັບປຸງຢ່າງເປັນລະບົບ, ວຽກງານ ປກຊ-ປກສໄດ້ຮັບການຈັດຕັ້ງຜັນຂະຫຍາຍ, ປະກົດການຫຍໍ້ທໍ້ໃນສັງຄົມໄດ້ຮັບການແກ້ໄຂຢ່າງຕັ້ງໜ້າ, ການຈັດສັນຄວາມເປັນລະບຽບຮຽບຮ້ອຍໃນຕົວເມືອງໄດ້ຮັບໝົກຜົນດີພໍຄວນ, ການຈັດເກັບລາຍຮັບໄດ້ລືນແຜນ ແລະ ອື່ນໆ...ຄຽງຄູ່ກັບຜົນສຳເລັດກໍຍັງມີຂໍ້ຄົງຄ້າງທີ່ພວກເຮົາຍັງຕ້ອງໄດ້ເອົາໃຈໃສ່ ປັບປຸງແກ້ໄຂສືບຕໍ່ແຂ່ງຂັນບຸກບືນກ້າວຂື້ນ ສະນັ້ນ ນວ ຈື່ງໄດ້ມີແຜນວຽກເພີ່ມເຕີມກ່ຽວກັບຂະບວນການແຂ່ງຂັນດັ່ງກ່າວ ເຊີ່ງຈະໄດ້ຮ່າງອອກເປັນຄຳສັ່ງກ່ຽວກັບຫົວຂໍ້ແຂ່ງຂັນ"ຮັກຊາດ ແລະ ພັດທະນາ" ຕິດພັນກັບຮັກນະຄອນຫຼວງໄລຍະຮອດທ້າຍປີ 2020 ເຊີ່ງຈຸດປະສົງ ແມ່ນເພື່ອຜັນຂະຫຍາຍ ແລະ ຈັດຕັ້ງປະຕິບັດເນື້ອໃນ ຄຳສັ່ງ ສະບັບເລກທີ 04/ຄລສພ, ລົງວັນທີ 7/5/2018 ແລະ ຄຳແນະນຳສະບັບເລກທີ 784/ຄຈສພ, ລົງວັນທີ 14/9/2018 ຂອງສູນກາງພັກ.ເຊີ່ງໃນຂໍ້ແຂ່ງຂັນເພີມເຕີມນີ້ ມີ 2 ເນື້ອໃນຄື:
-
ເພື່ອການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງ ນວ ກໍຄື ກອງປະຊຸມໃຫຍ່ຄັ້ງທີ VII ຂອງ ນວ ແລະ ກອງປະຊຸມໃຫຍ່ ຄັ້ງທີ X ຂອງພັກ ໃຫ້ສຳເລັດຜົນ.
-
ເພື່ອຫວນຄືນມູມເຊື້ອວັນປະຫວັດສາດ ວັນຍຶດອຳນາດ 23 ສິງຫາ ແລະ ວັນຊາດ ທີ 2 ທັນວາ ຄົບຮອບ 45 ປີ; ເພື່ອສະເຫຼີມສະຫຼອງວຽງຈັນ ເປັນນະຄອນຫຼວງ ຄົບຮອບ 460 ປີທີ່ຈະໝູນວຽນມາຄົບຮອບອີກວາລະໜື່ງ ໃນປີ 2020 ນີ້.

ດັ່ງນັ້ນ, ຢາກຍາດໄດ້ຜົນສຳເລັດໃນຂໍ້ແຂ່ງຂັນດັ່ງກ່າວ ພວກເຮົາການຈັດຕັ້ງທຸກພາກສ່ວນລວມທັງຊາວນະຄອນຫຼວງວຽງຈັນ ຕ້ອງຮ່ວມໃຈກັນຈັດຕ້ງປະຕິບັດເຊີ່ງການປະຕິບັດແມ່ນວ່າ:
1.
ເພື່ອຍົກລະດັບ, ຫັນປ່ຽນໂສມໜ້າໃໝ່ ຂອງ ນວ ອີກບາດກ້າວໜື່ງ.
2.
ຕ້ອງຄຸ້ມຄອງ, ປົກປັກຮັກສາໝາກຜົນ ຂອງການແຂ່ງຂັນທີ່ຜ່ານມາ ເພື່ອສ້າງ ນວ ໃຫ້ພັດທະນາຂື້ນເປັນກ້າວໆ.
3.
ພ້ອມກັນແກ້ໄຂ ບັນດາປະກົດການຫຍໍ້ທໍ້ຕ່າງໆໃນສັງຄົມ.
4.
ຕ້ອງມີຄວາມພ້ອມພຽງກັນ ບົນຄວາມສະເໝີພາບ, ຄວາມສາມັກຄີປອງດອງ ພ້ອມກັນຈັດຕັ້ງຜັນຂະຫຍາຍຕາມ ນະໂຍບາຍຂອງພັກ ແລະ ກົດໝາຍຂອງລັດ.

ເພື່ອນະຄອນວຽງຈັນ ພັດທະນາ ເປັນນະຄອນທີ່ ໜ່າຢູ່ ແລະ ຍືນຍົງ.

#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 51

ຈຳນວນຜູ້ເຂົ້າຊົມວານນີ້ 40

ຈຳນວນຜູ້ເຂົ້າຊົມອາທິດນີ້ 227

ຈຳນວນຜູ້ເຂົ້າຊົມເດືອນນີ້ 953

ຈຳນວນຜູ້ເຂົ້າຊົມທັງໝົດ 47477

Currently are 5 guests and no members online

ແຜນທີ່ນະຄອນຫຼວງວຽງຈັນ