Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !


      37352113 618489938530968 7454749949410934784 n
        ວັນ​ທີ 13 ກໍ­ລະ­ກົດ 2018 ທ່ານ ສິນ​ລະ​ວົງ ຄຸດ​ໄພ­ທູນເຈົ້າ​ຄອງ​ນະຄອນ­ຫຼວງ​ວຽງ​ຈັນພ້ອມ​ການ​ນຳ​ນະ­ຄອນ­ຫຼວງ​ວຽງ​ຈັນ​ໄດ້​ເຄື່ອນ​ໄຫວ​ຢ້ຽມ­ຢາມ ແລະຊຸກ­ຍູ້​ການ​ພັດ­ທະ­ນາ​ຢູ່​ເຂດ​ເສດ­ຖະ­ກິດ​ສະ­ເພາະ​ບຶງ​ທາດ­ຫຼວງໂດຍ​ການ​ຕ້ອນ­ຮັບ​ຂອງ​ທ່ານ ຄຳ​ລຽນ ພົນ​ເສ­ນາຮອງ​ລັດຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນຜູ້​ຊີ້​ນຳ​ວຽກ​ງານ​ເຂດ​ເສດ­ຖະ­ກິດ​ພິ­ເສດ ພ້ອມ​ດ້ວຍ​ຄະ­ນະ ແລະຜູ້​ພັດ­ທະ­ນາ​ເຂດ​ເສດ­ຖະ­ກິດ​ສະ­ເພາະ​ບຶງ​ທາດ­ຫຼວງ.

37349460 618490228530939 4360773109872066560 n

      ທ່ານ ນາງພັນ​ຈິນ­ດາ ເລັ່ງ​ສະ​ຫວັດ ຮອງ​ຫົວ­ໜ້າ​ຫ້ອງ­ການ​ສົ່ງ­ເສີມ ແລະຄຸ້ມ​ຄອງ​ເຂດ​ເສດ­ຖະ­ກິດ​ພິ­ເສດທັງ​ເປັນ​ຄະ­ນະ​ສະ­ພາ​ບໍ­ລິ­ຫານ​ເຂດ​ເສດ­ຖະ­ກິດ​ສະ­ເພາະ​ບຶງ​ທາດ­ຫຼວງ​ໄດ້​ລາຍ​ງານ​ໃຫ້​ຮູ້​ວ່າ:ເຂດ​ເສດ­ຖະ­ກິດ​ສະ­ເພາະ​ບຶງ​ທາດ­ຫຼວງ​ສ້າງ­ຕັ້ງ​ຂຶ້ນ​ໃນ​ທ້າຍ​ປີ 2011 ພາຍ­ຫຼັງ​ທີ່​ລັດ­ຖະ­ບານ​ລາວ​ໄດ້​ເຊັນ​ສັນ­ຍາ​ກັບ​ບໍ­ລິ­ສັດ​ອະ​ສັງ​ຫາ​ລີ​ມະ​ຊັບຫວ້ານ​ເຟີ້ງ ຊຽງ​ໄຮ້ ສປ ຈີນ ດ້ວຍ​ທຶນ​ຈົດ​ທະ­ບຽນ 7 ຕື້​ກີບໃນ​ເນື້ອ­ທີ່​ສຳ​ປະ­ທານ 365 ເຮັກ­ຕາໂດຍ​ມີ​ຈຸດ­ປະ­ສົງ​ເພື່ອ​ສ້າງ​ເຂດ​ດັ່ງ­ກ່າວ​ໃຫ້​ເປັນ​ເມືອງ​ທ່ອງ​ທ່ຽວ​ໜອງ​ນ້ຳ​ທຳ​ມະ​ຊາດແລະ ວັດ­ທະ­ນະ­ທຳເປັນ​ເຂດ​ການ​ຄ້າ-ການ​ບໍ­ລິ­ການ​ຕ່າງໆ​ທີ່​ທັນ​ສະ­ໄໝ​ຄົບ​ວົງ​ຈອນຄາດ​ຄະ­ເນ​ມູນ​ຄ່າ​ການ​ລົງ­ທຶນ​ທັງ​ໝົດ 1,6 ຕື້​ໂດ​ລາ​ສະ­ຫະ­ລັດເຊິ່ງ​ແຜນ­ການ​ກໍ່­ສ້າງ​ໂຄງ­ການ​ແມ່ນ​ມີ​ກຳ­ນົດ​ເວ­ລາ 20 ປີນັບ​ແຕ່​ປີ​ທີ່​ໄດ້​ສຳ​ປະ­ທານ​ເນື້ອ­ທີ່​ດິນອີງ​ຕາມ​ສະ­ພາບ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຢູ່ ສປປ ລາວໄລ­ຍະ​ເວ­ລາ​ການ​ກໍ່­ສ້າງ​ເຂດ​ໄດ້​ແບ່ງ​ອອກ​ເປັນ 4 ໄລ­ຍະ​ຄື: ໄລ­ຍະ​ທີ 1 ປີ 2012-2017 ໄລ­ຍະ​ທີ 2 ປີ 2018-2022 ໄລ­ຍະ​ທີ 3 ປີ 2023-2027 ແລະ ໄລ­ຍະ​ທີ 4 ປີ 2028-2032 ໃນ​ນີ້​ຜ່ານ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ໄລ­ຍະ​ທີ 1 ເຂດ​ເສດ­ຖະ­ກິດ​ສະ­ເພາະ​ບຶງ​ທາດ­ຫຼວງ​ໄດ້​ມີ​ຄວາມ​ຄືບ​ໜ້າ​ໃນ​ຫຼາຍ​ດ້ານ​ເຊັ່ນ:ການ​ຊົດ​ເຊີຍ​ເວນ​ຄືນ​ທີ່​ດິນຜົນ­ລະ­ປູກ​ໃຫ້​ປະ­ຊາ­ຊົນ​ທີ່​ຖືກ​ຜົນ​ກະ­ທົບ​ສຳ­ເລັດ 91% ສຳ­ເລັດ​ການ​ຂຸດ​ໜອງ​ນ້ຳ​ໃຫຍ່ ຄອງ​ລະ­ບາຍ​ນ້ຳ ປັບ​ໜ້າ­ດິນ ແລະ ຖົມ​ດິນສ້າງ​ຖະ­ໜົນ​ຫົນ­ທາງ​ເຊື່ອມ​ຕໍ່​ເຂົ້າ​ເຂດ ແລະ ໃນ​ເຂດສ້າງ​ຂົວ​ຂ້າມ​ຄອງ​ນ້ຳ​ພາຍ​ໃນ​ເຂດ ຕຶກ​ອາ­ຄານ ຫ້ອງ­ການ​ຕະ­ຫຼາດ ແລະສິ່ງ​ອຳ­ນວຍ​ຄວາມ​ສະ­ດວກ​ຕ່າງໆໄດ້​ສຳ­ເລັດ​ການ​ກໍ່­ສ້າງ​ຕຶກ​ຄອນ​ໂດ​ມິ​ນຽມ​ທັງ​ໝົດ 11 ຕຶກ ສູງ 17 ຊັ້ນເປີດ​ຂາຍ​ແລ້ວ 4 ຕຶກປັດ­ຈຸ­ບັນ​ຜູ້​ພັດ­ທະ­ນາ​ໄດ້​ເອົາ­ໃຈ­ໃສ່​ປັບ­ປຸງ​ແຜນ​ແມ່​ບົດ​ການ​ພັດ­ທະ­ນາ​ຂອງ​ຕົນ​ໃຫ້​ສອດ­ຄ່ອງ​ກັບ​ສະ­ພາບ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ໃນ​ໄລ­ຍະ​ໃໝ່​ຂອງສປປ ລາວເຊິ່ງ​ແຜນ​ແມ່​ບົດ​ດັ່ງ­ກ່າວ​ກຳ­ລັງ​ໄດ້​ຮັບ​ການ​ຄົ້ນ­ຄວ້າ​ພິ­ຈາ­ລະ­ນາ​ຈາກ​ກົມ​ເຄ­ຫາ​ຜັງ­ເມືອງກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງໄປ​ຄຽງ​ຄູ່​ກັບ​ການ​ເຮັດ​ບົດ​ປະ​ເມີນ​ຜົນ​ກະ­ທົບ​ຕໍ່​ສິ່ງ­ແວ­ດລ້ອມທີ່​ບໍ­ລິ­ສັດ​ທີ່​ປຶກ­ສາ​ດ້ານ​ສິ່ງ­ແວ­ດລ້ອມ​ພວມ​ສຸມ​ໃສ່​ປັບ­ປຸງ​ລາຍ​ລະ­ອຽດແລະ ສະ­ເໜີ​ຕໍ່​ກະ­ຊວງ​ຊັບ­ພະ­ຍາ­ກອນ​ທຳ​ມະ​ຊາດ ແລະສິ່ງ­ແວ­ດລ້ອມ​ຮັບ­ຮອງ.

ໂອ­ກາດ​ນີ້​ທ່ານ​ເຈົ້າ​ຄອງ​ນະ­ຄອນ­ຫຼວງ​ພ້ອມ​ດ້ວຍ​ຄະ­ນະໄດ້​ລົງ​­ກາ​ເບິ່ງ​ສະ­ພາບ​ຕົວ​ຈິງ​ຂອງ​ໂຄງ­ການໂດຍ​ສະ­ເພາະ​ການ​ສ້າງ​ທາງ​ເຊື່ອມ​ຕໍ່​ຈາກ​ເຂດ​ອອກ​ສູ່​ທາງ​ບ້ານ​ໂນນ​ຫວາຍເຊິ່ງ​ຜູ້​ພັດ­ທະ­ນາ​ເຂດ​ເປັນ​ຜູ້​ອອກ​ງົບ­ປະ­ມານ​ໃນ​ການ​ກໍ່­ສ້າງ​ທັງ​ໝົດຄາດ​ວ່າ​ຈະ​ສາ­ມາດ​ເປີດ​ໃຫ້​ປະຊາ­ຊົນ​ສາ­ມາດ​ນຳ​ໃຊ້​ໃນ​ໄວໆ​ນີ້ແນ­ໃສ່​ຫຼຸດ­ຜ່ອນ​ຄວາມ​ແອ​ອັດ​ຂອງ​ການ​ສັນ­ຈອນ​ໃນ​ບໍ­ລິ­ເວນ 4 ແຍກ​ໄຟ​ແດງ​ທາດ­ຫຼວງພ້ອມ​ນັ້ນ​ທ່ານ​ຍັງ​ໄດ້​ຕີ​ລາ­ຄາ​ສູງ​ຕໍ່​ນັກ​ລົງ­ທຶນ​ທີ່​ໄດ້​ຕັດ­ສິນ​ໃຈ​ມາ​ລົງ­ທຶນ​ເພື່ອ​ພັດ­ທະ­ນາ​ນະ­ຄອນ­ຫຼວງ​ວຽງ​ຈັນພ້ອມ​ທັງ​ຊົມ­ເຊີຍ​ບໍ­ລິ­ສັດ​ທີ່​ໄດ້​ເອົາ­ໃຈ­ໃສ່​ພັດ­ທະ­ນາ​ເຂດ​ເສດ­ຖະ­ກິດ​ສະ­ເພາະ​ບຶງ​ທາດ­ຫຼວງ​ໃຫ້​ກາຍ­ເປັນ​ເຂດ​ພັດ­ທະ­ນາສະ­ແດງ​ໃຫ້​ເຫັນ​ໄລ­ຍະ​ປີ 2011 ເປັນ­ຕົ້ນ​ມາ​ຮອດ​ປັດ­ຈຸ­ບັນ​ໄດ້​ມີ​ການ​ປ່ຽນ­ແປງ​ຫຼາຍ​ຢ່າງ​ເປັນ­ຕົ້ນຕຶກ​ອາ­ຄານ​ຕ່າງໆ ແລະ ການ​ພັດ­ທະ­ນາ​ພື້ນ­ຖານ​ໂຄງ​ລ່າງນອກ​ນັ້ນ​ຍັງ​ໄດ້​ເນັ້ນ​ໃຫ້​ຮີບ​ຮ້ອນ​ຈ່າຍ​ຄ່າ​ຊົດ​ເຊີຍ​ໃຫ້​ປະ­ຊາ­ຊົນ​ທີ່​ຖືກ​ຜົນ​ກະ­ທົບ​ຈຳ­ນວນ​ໜຶ່ງ​ທີ່​ຍັງ​ບໍ່​ທັນ​ໄດ້​ຮັບ​ຄ່າ​ຊົດ​ເຊີຍຜັງ​ການ​ລົງ­ທຶນ​ຕ້ອງ​ເປັນ​ຈຸນ­ລະ­ພາກ​ໜຶ່ງ​ຂອງ​ເມືອງ​ວຽງ​ຈັນ​ທີ່​ເຊື່ອມ​ໂຍງ​ກັນ​ດ້ານ​ໜ້າ­ດິນນ້ຳ ອາ­ກາດ ແລະ ຄວາມ​ສະ­ຫງົບ​ສຸກເພື່ອ​ເຮັດ​ໃຫ້​ຄອງ​ນ້ຳ​ວຽງ​ຈັນ​ເປັນ​ບ່ອນ​ທ່ອງ​ທ່ຽວ​ໄດ້​ໃນ​ທຸກໆ​ລະ­ດູ​ການນອກ​ນັ້ນ​ໃຫ້​ລະ­ດົມ​ແນວ​ຄວາມ​ຄິດ​ຂອງ​ປະ­ຊາ­ຊົນ​ລາວ​ເຂົ້າ​ໄປ​ອາ­ໄສ​ຢູ່​ເຂດ​ດັ່ງ­ກ່າວແລະ ອື່ນໆ.

#ແຫຼ່ງຂ່າວ: ໜັງສືພີມ ວຽງຈັນໃໝ່.

ປະຕິທິນ

December 2018
S M T W T F S
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 0

ຈຳນວນຜູ້ເຂົ້າຊົມວານນີ້ 61

ຈຳນວນຜູ້ເຂົ້າຊົມອາທິດນີ້ 215

ຈຳນວນຜູ້ເຂົ້າຊົມເດືອນນີ້ 653

ຈຳນວນຜູ້ເຂົ້າຊົມທັງໝົດ 37882

Currently are 24 guests and no members online

ແຜນທີ່ນະຄອນຫຼວງວຽງຈັນ