Get Adobe Flash player
ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

WhatsApp Image 2018 04 02 at 8.35.56 AM

     ພິທີເປີດການນຳໃຊ້ສາລາບ່ອນນັ່ງລໍຖ້າລົດເມ ແລະ ງານສະໜັບສະໜູນປີທ່ອງທ່ຽວລາວ 2018, ຈັດຂື້ນວັນທີ 28 ມີນາ 2018 ທີ່ຫ້ອງວ່າການນະຄອນຫຼວງວຽງຈັນ (ນວ) ມີທ່ານແກ້ວພິລາວັນ ອາໄພລາດ ຮອງເຈົ້າຂອງນະຄອນຫຼວງວຽງຈັນ, ທ່ານ ສັນຕິສຸກ ສິມມາລາວົງ ຮອງລັດຖະມົນຕິກະຊວງໂຍທາທິການ ແລະ ຂົນສົ່ງ, ທ່ານ ຫວັ່ນຄອນ ຣາຊມຸນຕີ ຮອງລັດຖະມົນຕິກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ພ້ອດ້ວຍພາກສ່ວນກ່ຽວຂ້ອງເຂົ້າຮ່ວມ.

     ໃນພີທີ ທ່ານ ປຣະເສີດ ບັນຈົງພັກດີ ຜູ້ອຳນວນການບໍລິສັດ ບູລກຣາດສ໌ ດີຊາຍກຣູບ ຈຳກັດ ຜູ້ດ່ຽວ ໄດ້ລາຍງານຜົນສຳເລັດຂອງໂຄງການກໍ່່ສ້າງສາລາບ່ອນນັ່ງລໍຖ້າລົດເມເພື່ອຮັບໃຊ້ປະຊາຊົນຕາມເສັ້ນທາງຕ່າງໆໃນ ນວ ວ່າ: ການກໍ່ສ້າງສາລາບ່ອນນັ່ງລໍຖ້າລົດເມ ເພື່ອລົງທຶນພັດທະນາກໍ່ສ້າງບ່ອນນັ່ງລໍຖ້າລົດເມຂອງຜູ້ໂດຍສານ ພ້ອມນັ້ນເພື່ອສ້າງຄວາມສະດວກໃຫ້ແກ່ຜູ້ຊົມໃຊ້ບໍລິການລົດເມຕາມເສັ້ນທາງຫຼວງພາຍໃນ ນວ ໄດ້ມີບ່ອນນັ່ງລໍຖ້າທີ່ເປັນລະບຽບຮຽບຮ້ອຍ ຈົບງາມ ແລະ ສ້າງໂສມໜ້າໃໝ່ໃຫ້ແກ່ຕົວເມືອງວຽງຈັນ ໂຄງການໄດ້ເລີ່ມສຳຫຼວດຈຸດທີ່ຕັ້ງ ແລະ ດຳເນີນການກໍ່ສ້າງແຕ່ຕົ້ນປີ 2017 ເປັນຕົ້ນມາ ໂດຍແມ່ນບໍລິສັດ ບູລກຣາດສ໌ ດີຊາຍກຣູບ ຈຳກັດ ຜູ້ດ່ຽວ ເປັນຜູ້ຮັບຜິດຊອບຄ່າໃຊ້ຈ່າຍທັງໝົດໃນການກໍ່ສ້າງ ເປັນການຊ່ວຍເຫຼືອລ້າໃຫ້ແກ່ລັດຖະບານລາວ ເຊີ່ງໂຄງການໄດ້ຖືກຕິດຕາມ ກວດກາຈາກອົງການປົກຄອງ ນວ ພະແນກໂຍທາທິການ ແລະ ຂົນສົ່ງ ນວ, ລັດວິສາຫະກິດລົດເມ ນວ, ອົງການໄຈກາ ແລະ ຄະນະກຳມະການຮັບຜິດຊອບ ສ່ວນການອອກແບບສາລາບ່ອນນັ່ງລໍຖ້າລົດເມ ແມ່ນບໍລິສັດເປັນຄົນອອກແບບໂດຍມີການດັດແປງຫຼາຍຄັ່ງຈາກຄະນະກຳມະການດັດແປງຫຼາຍຄັ້ງຈາກຈາກຄະນະກຳມະການຮັບຜິດຊອບ ເພື່ອໃຫ້ມີຮູບທີ່ເໜາະສົມ ແຂງແຮງ ມີເອກະລັກສະເພາະຂອງລາວ ມີການຈັດແບ່ງພື້ນທີ່ໄວ້ສຳລັບສະແດງເສັ້ນທາງເດີນລົດເມກັບພື້ນທີ່ເພື່ອການໂຄສະນະປະຊາສຳພັນໂດຍສະເພາະ ແລະ ອອກແບບໃຫ້ມີຕູ້ໄຟ ເພື່ອໃຫ້ແສງສະຫວ່າງໃນຍາມກາງຄືນ.

      ປີ 2017 ໄດ້ນຳເຂົ້າສາລາບ່ອນນັ່ງລໍຖ້າລົດເມທັງໝົດ 60 ຊຸດ ແລະ ປ້າຍຈອດລົດເມ 100 ປ້າຍ ປັດຈຸບັນໄດ້ກໍ່ສ້າງສາລາບ່ອນນັ່ງລໍຖ້າລົດເມສຳເລັດ 60 ຈຸດ ຕາມເສັ້ນທາງຕະຫຼາດເຊົ້າ-ວັດໄຕ, ຕະຫຼາດເຊົ້າ-ດົງໂດກ, ຕະຫຼາດເຊົ້າ-ທ່າເດື່ອ ແລະ ເສັ້ນທາງອື່ນໆໃນ ນວ ລວມມູນຄ່າການລົງທຶນໃນປີທຳອິດ 4,16 ຕື້ກີບ, ໃນອານາຄົດ ແມ່ນສືບຕໍ່ດຳເນີນການຕິດຕັ້ງສາລາບ່ອນັ່ງລໍຖ້າລົດເມໃຫ້ຄົບ 150 ຈຸດ ແລະ ປ້າຍຈອດລົດເມ 100 ປ້າຍ ຕາມຄຳແນະນຳຂອງກົງການໄຈກາ ຄາດວ່າມູນຄ່າການລົງທຶນຈະເພີ່ມຂື້ນເລື້ອຍໆ ໃນປີຕໍ່່ໄປ ສະນັ້ນຂໍຮຽກຮ້ອງມາຍັງມວນຊົນ ກໍ່ຄືນຜູ້ໃຊ້ລົດໃຊ້ຖະໜົນໃຫ້ພ້ອມກັນຊ່ວຍກັນປົກປັກຮັກສາຊັບສິນຂອງລັດ ກໍ່ຄື ຂອງລວມໝູ່ໃຫ້ຢູ່ໃນສະພາບເດີມ ແລະ ນຳໃຊ້ໄດ້ຍືນຍົງຍາວນານ.

     ໃນຕອນທ້າຍພິທີທ່ານ ກິລິຍາ ບັນຈົງພັກດີ ຮອງອຳນວຍການ ບໍລິສັດ ບູລກຣາດສ໌ ດີຊາຍກຣູບ ຈຳກັດ ຜູ້ດ່ຽວ ຕ່າງໜ້າໃຫ້ບໍລິສັດມອບການສະໜັບສະໜຸນປີທ່ອງທ່ຽວລາວ 2018 ດ້ວຍການໂຄສະນາປະຊາສຳພັນໃສ່ສາລາລໍບ່ອນນັ່ງລໍຖ້າລົດເມຈຳນວນ 60 ຈຸດ ແລະ ພາຍນອກລົດເມຈຳນວນ 5 ຄັນ ລວມມູນຄ່າ 2 ຕື້ກີບ, ຕາງໜ້າຮັບໂດຍທ່ານ ສະຫວັນຄອນ ຣນຊມຸນີີ.

 

ຂໍ້ມູນຈາກ: ໜັງສືພີມວຽງຈັນໃໝ່

ຄົ້ນຫາ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 38

ຈຳນວນຜູ້ເຂົ້າຊົມວານນີ້ 40

ຈຳນວນຜູ້ເຂົ້າຊົມອາທິດນີ້ 78

ຈຳນວນຜູ້ເຂົ້າຊົມເດືອນນີ້ 785

ຈຳນວນຜູ້ເຂົ້າຊົມທັງໝົດ 26394

Currently are 25 guests and no members online

ແຜນທີ່ນະຄອນຫຼວງວຽງຈັນ