ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ (ນວ)ຮ່ວມກັບອົງການປົກຄອງ ເມືອງສີໂຄດຕະບອງເປີດຂະບວນການຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງ ແລະຊານເມືອງ ຢູ່ ນວ ຕິດພັນກັບການຈັດສັນບັນຫາການຈາລະຈອນແອອັດ ແລະແກ້ໄຂອຸບັດຕິເຫດຕາມຖະໜົນຫຼວງຂຶ້ນ ວັນທີ 22 ທັນວາ 2017 ທີ່ສະໂມສອນເມືອງສີໂຄດຕະບອງ ມີທ່ານ ແກ້ວພິລາວັນ ອາໄພລາດຮອງເຈົ້າຄອງ ນວ ທ່ານ ຄຳແຫງ ວົງສິລິ ຮອງເຈົ້າເມືອງສີໂຄດຕະບອງບັນດາເຈົ້າເມືອງ ຮອງເຈົ້າເມືອງ ຫົວໜ້າ ຮອງຫົວໜ້າພະແນກອົງການທຽບເທົ່າ ຫົວໜ້າກອງບັນຊາການ ປກສ ທະຫານ ນາຍບ້ານ ແລະຜູ້ປຸກເທີບເງີບກວມເອົາເຂດສະຫງວນເຂົ້າຮ່ວມ.
ທ່ານ ບຸນຈັນ ແກ້ວສີທຳມະ ຮອງຫົວໜ້າພະແນກໂຍທາທິການ ແລະ ຂົນສົ່ງນວ ໄດ້ລາຍງານການຈັດສັນຄວາມບໍ່ເປັນລະບຽບຮຽບຮ້ອຍໃນໄລຍະຜ່ານມາເຫັນວ່າໄດ້ແກ້ໄຂສະຖານທີ່ຝາກລົດຢູ່ຖະໜົນໜອງບອນຕະຫຼາດຂົວດິນອອກໄດ້ຢ່າງສິ້ນເຊີງຈັດສັນຄວາມບໍ່ເປັນລະບຽບຮຽບຮ້ອຍຢູ່ຖະໜົນຄູວຽງຈັດສັນການຈອດລົດຊະຊາຍຢູ່ຖະໜົນສາຍຫຼັກ ແລະຕະຫຼາດຕ່າງໆໃນຕົວເມືອງ ເຊັ່ນ: ຕະຫຼາດທົ່ງພານທອງ ຕະຫຼາດສີໄຄຕະຫຼາດຫົວຂົວ ຖະໜົນສາມແສນໄທ ຖະໜົນເສດຖາທິລາດ ຖະໜົນລ້ານຊ້າງ ຖະໜົນໄກສອນ ພົມວິຫານ ແລະ ຖະໜົນອາຊຽນນອກຈາກນັ້ນຍັງໄດ້ຈັດປັບຈາກເສັ້ນທາງທູເວ ເປັນວັນເວ ແລະວັນເວມາເປັນທູເວ ເຊັ່ນ: ຖະໜົນເຈົ້າຟ້າງຸ່ມ ຈາກທູເວມາເປັນວັນເວຖະໜົນແຄມຂອງສວນເຈົ້າອານຸວົງຈາກທູເວມາເປັນວັນເວ ຖະໜົນຂົວຫຼວງຈາກວັນເວມາເປັນທູເວ ໄດ້ປັບປຸງໄຟອຳນາດຫຼາຍຈຸດໃນຕົວເມືອງທີ່ເຫັນວ່າບໍ່ສອດຄ່ອງກັບສະພາບຄວາມເປັນຈິງເພື່ອໃຫ້ມີຄວາມຄ່ອງຕົວດີຂຶ້ນເປີດຈຸດໂຄ້ງຫຼາຍຈຸດເພື່ອໃຫ້ການສັນຈອນມີຄວາມສະດວກໃນການລ້ຽວ ເຊັ່ນ:ຖະໜົນຄູວຽງຊື່ໃສ່ຖະໜົນທາດຂາວພະໄຊ ຖະໜົນດົງປ່າແຫຼບ ຖະໜົນເລກ 11 ຕອນເໜືອ ຖະໜົນສຸພານຸວົງ ເສັ້ນທາງລ່ອງໄດ້ຮື້ຖອນປ້າຍໂຄສະນາທີ່ບໍ່ໄດ້ຮັບອະນຸຍາດ ແລະບໍ່ເປັນລະບຽບຮຽບຮ້ອຍຕາມເສັ້ນທາງສາຍຫຼັກ ເຊັ່ນ: ຖະໜົນອາຊຽນຖະໜົນກຳແພງເມືອງ ຖະໜົນໄກສອນ ພົມວິຫານ ແລະ ຖະໜົນສຸພານຸວົງເຫັນວ່າໄດ້ຮັບການຍ້ອງຍໍຊົມເຊີຍຈາກສັງຄົມຫຼາຍຂຶ້ນ.
ສຳລັບການເປີດຂະບວນຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງແລະ ຊານເມືອງຄັ້ງນີ້ແມ່ນຈະໄດ້ເຮັດທົດລອງຢູ່ຖະໜົນສຸພານຸວົງເປັນຖະໜົນຕົວແບບ ຈາກນັ້ນ ຈະສືບຕໍ່ໄປຖະໜົນເສັ້ນອື່ນໆໃນຈຳນວນ 21 ເສັ້ນທາງຫຼັກ ເປັນຕົ້ນ ມ້າງຕູບ ເທີບເງີບທີ່ຜິດລະບຽບອອກຈາກເຂດສະຫງວນຮື້ຖອນປາຍໂຄສະນາທີ່ບໍ່ໄດ້ຮັບອະນຸຍາດການສ້າງສິ່ງກີດຂວາງຢູ່ທາງຍ່າງ ແລະ ຊ່ອງທາງເດີນລົດ ເຊັ່ນ: ຈອດລົດໂຄສະນາຂາຍລົດ ລົດຂາຍໝາກໄມ້ ກອງຫີນ ກອງຊາຍ ແລະກອງເສດວັດສະດຸການກໍ່ສ້າງທັງນີ້ເພື່ອສ້າງໃຫ້ຕົວເມືອງເຂົ້າສູ່ຄວາມເປັນລະບຽບຮຽບຮ້ອຍມີຄວາມສະອາດຈົບງາມ ມີສະເໜ່ ມີສິ່ງແວດລ້ອມທີ່ດີ ແລະເປັນຕົວເມືອງທີ່ໜ້າຢູ່ ແລະ ຍືນຍົງເຮັດໃຫ້ການປຸກສ້າງເປັນໄປຕາມທີ່ໄດ້ຮັບອະນຸຍາດໄປຕາມແຜນຜັງເມືອງທີ່ກຳນົດໄວ້ຈັດສັນການຈອດລົດຊະຊາຍໃຫ້ເຂົ້າສູ່ຄວາມເປັນລະບຽບຮຽບຮ້ອຍຫຼຸດຜ່ອນອຸປະຕິເຫດບົນທ້ອງຖະໜົນ ແລະທັງເປັນການຜັນຂະຫຍາຍຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ນວ ໃຫ້ເກີດເປັນຮູບປະທຳທັງເປັນການສ້າງຂະບວນການຕ້ອນຮັບເປີດປີທ່ອງທ່ຽວລາວ 2018.
ທີ່ມາຂໍ້ມູນ: ໜັງສືພີມວຽງຈັນໃໝ່
ປະຕິທິນ
ຄົ້ນຫາ
ຜູ້ເຂົ້າຢ້ຽມຊົມ
ຈຳນວນຜູ້ເຂົ້າຊົມມື້ນີ 60
ຈຳນວນຜູ້ເຂົ້າຊົມວານນີ້ 64
ຈຳນວນຜູ້ເຂົ້າຊົມອາທິດນີ້ 214
ຈຳນວນຜູ້ເຂົ້າຊົມເດືອນນີ້ 652
ຈຳນວນຜູ້ເຂົ້າຊົມທັງໝົດ 37881
Currently are 23 guests and no members online