ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

     ໃນວັນທີ 10 ຕຸລາ, ທີ່ຫ້ອງປະຊຸມຊັ້ນ 4 ຂອງຫ້ອງວ່າການນະຄອນຫຼວງ ໄດ້ຮ່ວມກັບກະຊວງໂຍທາທິການ ແລະ ຂົນສົ່ງ ໄດ້ຈັດກອງປະຊຸມ ສຳມະນາກ່ຽວກັບການຈັດສັນຄວາມບໍ່ເປັນລະບຽບຮຽບຮ້ອຍໃນ ນວ, ພ້ອມຖືໂອກາດນີ້ເປັນການສະເຫຼີມສະຫຼອງວັນສັບປະດາເຄກາສະຖານໂລກ ຄົບຮອບ 32 ປີ, ໂດຍການເຂົ້າຮ່ວມຂອງ ທ່ານ ແກ້ວພິລາວັນ ອາໄພລາດ ຮອງເຈົ້າຄອງ ນວ, ທ່ານ ນາງ ວິໄລຄຳ ໂພສາລາດ ຮອງລັດຖະມົນຕີກະ ຊວງໂຍທາທິການ ແລະ ຂົນສົ່ງ.

     ໃນໄລຍາທີຜ່ານມາ, ພັກ ແລະ ລັດຖະບານເຮົາຍາມໃດກໍໄດ້ເອົາໃຈໃສ່ພັດທະນາພື້ນຖານໂຄງລ່າງຕົວເມືອງຢ່າງບໍ່ຢຸດຍັງ, ໂດຍນຳໃຊ້ທຸກທ່າແຮງ ແລະ ທຶນຮອນທີ່ມີຢູ່, ທັງຍາດແຍ່ງທຶຍກູ້ຢືມ ແລະ ຊ່ວຍເຫຼືອຈາກສາກົນ ແລະ ປະເທດເພື່ອນມິດສະຫາຍທີ່ມາຊ່ວຍເຫຼືອ, ໄດ້ມີຜົນສຳເລັດເປັນກ້າວໆມາ ບົດພື້ນຖານໂຄງລ່າງໄດ້ຮັບການປົວແປງ ລະບົບການບໍລິຫານ ແລະ ບໍລິການຕົວເມືອງ, ລະບົບສຸຂະພິບານພຽງພໍກັບຄວາມຕ້ອງການຕົວຈິງ, ມີສີ່ງແວດລ້ອມທີ່ຍືນຍົງ ແລະ ໜ້າຢູ່ອາໃສ, ໃນນັ້ນເສດຖະກິດ-ສັງຄົມຂະຫຍາຍຕົວຕໍ່ເນື່ອງຕິດພັນກັບສີ່ງອຳນວຍຄວາມສະດວກຕ່າງໆໃຫ້ແກ່ ການຫັນເປັນອຸດສາຫະກຳ ແລະ ຫັນເປັນທັນສະໄໝ ເພື່ອສົ່ງເສີມຄວາມສາມາດ ແລະ ການຜະລິດສິນຄ້າທີ່ເຊື່ອມໂຍງກັບຕ່າງປະເທດ, ແຕ່ເຖີງຢ່າງໃດ ກໍຕາມການວ່າງແຜນຈັດສັນຜັງເມືອງໃຫ້ມີສະພາບແວດລ້ອມທີ່ຍືນຍົງເຮັດໃຫ້ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂື້ນຈະຕ້ອງອາໃສປັດໃຈຫຼາຍດ້ານ.

    ໃນໂອກາດນີ້, ທ່ານຮອງເຈົ້າຄອງໄດ້ມີຄຳຄິຄຳເຫັນເນັ້ນໜັກໃຫ້ພາກສ່ວນທີ່ກ່ຽວຂ້ອງໃຫ້ເອົາໃຈໃສຄົ້ນຄິດຫາວິທີທາງຈັດສັນແຜນຜັງໃຫ້ລະອຽດ ລອບຄອບ ແລະ ຮັບປະກັນໃຫ້ການພັດທະນາຖືກຕ້ອງຕາມທິດທາງຊີ້ນຳ ໃຫ້ສອດຄ່ອງກັບຄວາມຮຽກຮ້ອງຕອ້ງການໃນການພັດທະນາເສດຖະ ກິດ-ສັງຄົມ ແລະ ໃຫ້ສືບຕໍ່ພັດທະນາລະບົບພື້ນຖານໂຄງລ່າງ, ລະບົບການບໍລິຫານຕົວເມືອງ ແລະ ສຸຂະພິບານໃຫ້ດີຂື້ນພຽງພໍກັບຄວາມຕ້ອງການ, ສ້າງຕົວເມືອງໃຫ້ມີສິ່ງແວດລ້ອມໃນນະຄອນຫຼວງໃຫ້ໜ້າຢູ່ ແລະ ຍືນຍົງ, ສ້າງເສດຖະກິດ-ສັງຄົມໃຫ້ມີການຂະຫຍາຍຕົວຢ່າງຕໍ່ເນື່ອງ, ພັດທະນາຊຸມຊົນບ້ານເມືອງໃກ້ກາຍເປັນບ້ານເມືອງທີ່ມີຄວາມເປັນລະບຽບ, ເພື່ອຫຼຸດຜ່ອນຄວາມແຕກທາງດ້ານການພັດທະນາຂອງສັງຄົມ, ພ້ອມັງເອົາໃຈໃສ່ປົກປັກຮັກສາບູລະນີຕົວເມືອງເກົ່າໃຫ້ກາຍເປັນພື້ນຖານທີ່ປົກປັກຮັກສາເອກະລັກທາງດ້ານສິລະປະວັດທະນະທຳເອກະລັກຂອງຊາດ ແລະ ຂອງທ່ອງຖີ້ນ ໃຫ້ກົມກືນກັບການກໍ່ສ້າງພື້ນຖານໂຄງລ່າງອັນໃໝ່ຢ່າງດີ, ປົກປັກຮັກສາປັບປຸງສີີ່ງແວດລ້ອມຕ່າງໆຕາມຕົວເມືອງ ເຊັ່ນ ຫ້ອບໜອງຄອງບືງ, ທຳມະຊາດໃນຕົວເມືອງ ແລະ ພື້ນທີ່ສາທາລະນະໃຫ້ບໍ່ມີການບຸກລຸກ ຫຼື ທຳລາຍ , ຮັກສາໃຫ້ມີຄວາມຍືຍຍົງ ແລະ ຄວາມກ້າວໜ້າໃນຕົວເມືອງ.

 

ຂໍ້ມູນຈາກ: ໜັງສືພີມລາວພັດທະນາ

ຄົ້ນຫາ

ປະຕິທິນ

July 2020
S M T W T F S
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 22

ຈຳນວນຜູ້ເຂົ້າຊົມວານນີ້ 63

ຈຳນວນຜູ້ເຂົ້າຊົມອາທິດນີ້ 453

ຈຳນວນຜູ້ເຂົ້າຊົມເດືອນນີ້ 282

ຈຳນວນຜູ້ເຂົ້າຊົມທັງໝົດ 66295

Currently are 9 guests and no members online