ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

 traffic 850x491

    ກອງທຶນທາງປະຊາຊົນນະຄອນຫຼວງຈະເລີ່ມການທົດລອງຈັດຕັ້ງປະຕິບັດຢ່າງເປັນທາງການໃນວັນທີ 1 ມັງກອນ 2018 ຮອດວັນທີ 31 ທັນວາ 2020ໂດຍ ການເກັບເພີ່ມຄ່າ ບໍລິການມາດຕະຖານເຕັກນິກພາຫະນະ (ລົດ) ທຸກປະເພດປີລະ 1 ຄັ້ງ ທີ່ຂຶ້ນທະບຽນຢູ່ນະຄອນຫຼວງ ຫຼືຂຶ້ນທະບຽນຢູ່ແຂວງອື່ນແຕ່ມາປະຈຳການ, ດຳເນີນທຸລະກິດຢູ່ນະຄອນ ຫຼວງວຽງຈັນ ໂດຍທີ່ລົດເກັ໋ງ ແລະ ລົດຈິບ ທຸກຊະນິດຄວາມແຮງແຕ່ 2999 ຊີຊີ ລົງມາ ເກັບ 5 ແສນກີບ.


  
ທ່ານ ເດດສົງຄາມ ທຳມະວົງຫົວໜ້າພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນຕາງໜ້າໃຫ້ຄະນະຮັບຜິດຊອບກະກຽມຮ່າງຂໍ້ຕົກລົງວ່າດ້ວຍການສ້າງຕັ້ງກອງທຶນ ທາງປະຊາຊົນ ນະຄອນຫຼວງວຽງຈັນໄດ້ສະເໜີຕໍ່ກອງປະຊຸມສະໄໝສາມັນ ເທື່ອທີ 3 ຂອງສະພາປະຊາຊົນ ນະຄອນຫຼວງວຽງຈັນຊຸດທີ I ໃນວັນທີ 30 ມິຖຸນາ 2017 ຜ່ານມາ ວ່າ:ສຳລັບແຫຼ່ງລາຍຮັບຂອງກອງທຶນທາງປະຊາຊົນນະຄອນຫຼວງແມ່ນໄດ້ຈາກການເກັບເພີ່ມຄ່າບໍລິການມາດຕະຖານເຕັກນິກພາຫະນະ ( ລົດ ) ທຸກປະເພດປີລະ 1 ຄັ້ງຕໍ່ຄັນຂອງ ບຸກຄົນ, ນິຕິບຸກຄົນ ແລະອົງການຈັດຕັ້ງລັດທີ່ຂຶ້ນທະບຽນຢູ່ນະຄອນຫຼວງວຽງຈັນ ຫຼື ຂຶ້ນຢູ່ແຂວງອື່ນໆແຕ່ມາປະຈຳການ, ດຳເນີນທຸລະກິດ ຢ່າງເປັນປົກກະຕິຢູ່ນະຄອນຫຼວງ ເຊິ່ງລາຍລະອຽດມີດັ່ງນີ້:

–  ລົດບັນ ທຸກປະເພດ 18 ລໍ້ຂຶ້ນໄປເກັບ 1 ລ້ານກີບ

ລົດບັນທຸກປະເພດ 12 ລໍ້ເກັບ 8 ແສນກີບ.

–  ລົດບັນທຸກ 10 ລໍ້ ເກັບ 6 ແສນກີບ.

ລົດບັນທຸກປະເພດ 6 ລໍ້ ເກັບ 5 ແສນກີບ.

ລົດບັສປະເພດ 45 ບ່ອນນັ່ງຂຶ້ນໄປ ເກັບ 5 ແສນກີບ.

ລົດບັສປະເພດ 25 ບ່ອນນັ່ງເກັບ 4 ແສນກີບ

ລົດຕູ້ໂດຍສານເກັບ 3ແສນກີບ

–  ລົດແທັກຊີເກັບ 3 ແສນກີບ

ລົດສອງແຖວໃຫຍ່ເກັບ 3 ແສນກີບ

ລົດສອງແຖວນ້ອຍເກັບ 2 ແສນກີບ

ລົດກະບະ ລົດຕູ້ສ່ວນຕົວ ຄວາມແຮງສູງກວ່າ 3000 ຊີຊີຂຶ້ນໄປເກັບ 6 ແສນກີບ

ລົດກະບະ ລົດຕູ້ສ່ວນຕົວ ຄວາມແຮງແຕ່ 2999 ຊີຊີ ລົງມາເກັບ 5 ແສນກີບ

ລົດເກັ໋ງ ແລະ ລົດຈິບ ທຸກຊະນິດ ຄວາມແຮງສູງກວ່າ 3000 ຊີຊີ ຂຶ້ນໄປເກັບ 8 ແສນກີບ

ລົດເກັ໋ງ ແລະ ລົດຈິບ ທຸກຊະນິດ ຄວາມແຮງແຕ່ 2999 ຊີຊີ ລົງມາເກັບ 5 ແສນກີບ

ລົດສາມລໍ້ຕຸກໆ ແລະ ລົດຈຳໂບ້ເກັບ 120,000 ກີບ,

ລົດຈັກທຸກປະເພດ ຄວາມແຮງແຕ່ 109 ຊີຊີ ລົງມາເກັບ 50 ພັນກິບ,

ລົດຈັກທຸກປະເພດຄວາມແຮງສູງກວ່າ 110 ຊີຊີ ຂຶ້ນໄປເກັບ 120,000 ພັນກີບ.

ການນຳໃຊ້ເງິນກອງທຶນປະຊາຊົນນະຄອນຫຼວງວຽງຈັນແມ່ນຈະຊຳລະໜີ້ສິນການກໍ່ສ້າງເສັ້ນທາງທີ່ນະຄອນຫຼວງ ແລະເມືອງຕົກລົງໃນເມື່ອກ່ອນ 25%; ກໍ່ສ້າງ, ສ້ອມແປງບູລະນະຮັກສາເສັ້ນທາງ 74% ເມືອງ ແລະ ບ້ານຄຸ້ມຄອງ ( ບໍ່ກວມເອົາເສັ້ນທາງຫຼວງແຫ່ງຊາດໃນເຂດນະຄອນຫຼວງວຽງຈັນ ທີ່ສູນກາງຄຸ້ມຄອງ ) ແລະ ໃຊ້ເຂົ້າໃນວຽກງານຄຸ້ມຄອງ –ບໍລິຫານກອງທຶນ ນະຄອນຫຼວງວຽງຈັນ 1%.
ໂຄງປະກອບຂໍ້ຕົກລົງສະບັບນີ້ແມ່ນປະກອບດ້ວຍ 5 ໝວດ ແລະ 18 ມາດຕາ ໂດຍໄດ້ຜ່ານກອງປະຊຸມອົງການປົກຄອງນະຄອນຫຼວງວຽງຈັນ 3 ຄັ້ງ ແລະ ໄດ້ຜ່ານກອງປະຊຸມສະພານະຄອນຫຼວງ ຄັ້ງທີ 2 ເປັນທີ່ຮຽບຮ້ອຍ ແລະກໍ່ໄດ້ດັດປັບລາຄາລົງຕາມການສະເໜີຂອງສະມາຊິກສະພານະຄອນຫຼວງ. ນອກຈາກນັ້ນ, ຜ່ານມາກໍ່ໄດ້ທາບທາມບັນດາເມືອງ 9 ຕົວເມືອງ. ການເກັບແມ່ນຈະເກັບສະເໝີພາບກັນ (ຈະຍົກເວັ້ນສະເພາະລົດນັກການທູດ ແລະ ອົງການຈັດຕັ້ງສາກົນ ).

 

ເນື້ອໃນຂ່າວຈາກ : ຫນັງສືພິມເສດຖະກິດການຄ້າ.

ຄົ້ນຫາ

ປະຕິທິນ

March 2021
S M T W T F S
28 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 36

ຈຳນວນຜູ້ເຂົ້າຊົມວານນີ້ 47

ຈຳນວນຜູ້ເຂົ້າຊົມອາທິດນີ້ 140

ຈຳນວນຜູ້ເຂົ້າຊົມເດືອນນີ້ 140

ຈຳນວນຜູ້ເຂົ້າຊົມທັງໝົດ 77203

Currently are 11 guests and no members online