ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

18953098 462464127435452 6118594232346888008 n

ຂໍເຊີນຊວນບັນດາທ່ານຍິງ, ທ່ານຊາຍ ກໍຄືຊາວນະຄອນຫຼວງວຽງຈັນ
ທຸກຖ້ວນໜ້າ ເພື່ອເຂົ້າຮ່ວມຂະບວນການ "ຊົ່ວໂມງວຽງຈັນສະອາດ"
    ໂດຍປະຕິບັດຕາມ ຈົດໝາຍລັດຖະການ ຂອງທ່ານເຈົ້າຄອງນະຄອນຫຼວງວຽງຈັນ ທີ່ໄດ້ແຈ້ງເຖິງບັນດາທ່ານໃນຄັ້ງວັນທີ 1 ມິຖຸນາ 2017 ແລະ ຕາມການຖະແຫຼ່ງການຂອງ ຫ້ອງການຄຸ້ມຄອງ ແລະ ບໍລິການຕົວເມືອງ ໃນຄັ້ງວັນທີ 2 ມິຖຸນາ 2017 ທີ່ຜ່ານມາ.


     ສະນັ້ນ, ເພື່ອເຮັດໃຫ້ຂະບວນການດັ່ງກ່າວ ເປັນຂະບວນຟົດຟື້ນຢ່າງເອກະພາບທົ່ວນະຄອນຫຼວງວຽງຈັນ. ຈື່ງໄດ້ສ້າງສັນຍາລັກ ຂອງຂະບວນການນີ້ຂື້ນ ເພື່ອເປັນສັນຍານຊ່ວຍແຈ້ງເຕືອນ ແລະ ເຊີນຊວນບັນດາທ່ານ ຊາວນະຄອນຫຼວງວຽງຈັນ ທຸກຖ້ວນໜ້າ. ເຊີ່ງແຕ່ລະອາທິດ ຂອງແຕ່ລະເດືອນ ໃນທຸກໆຕອນເຊົ້າຂອງ ວັນພຸດ ເວລາ 5:00-6:00 ໂມງ ແມ່ນ "ຊົ່ວໂມງວຽງຈັນສະອາດ" ຂອງພວກເຮົາທຸກຄົນ. ເຊີ່ງຈະແຈ້ງເຕືອນກ່ອນປະມານ ມື້ໜື່ງ ຫຼື 2 ມື້ ກ່ອນວັນກິດຈະກຳ.
ສຳລັບການປະຕິບັດ ກໍຄືການປະຕິບັດ 8 ສະອາດ, ເວົ້າລວມ ຕາມທີ່ອົງການປົກຄອງ ນວ ໄດ້ກຳນົດໄວ້ ໃນມະຕິສະບັບເລກທີ 03/ອປຄ.ນວ, ລົງວັນທີ 25 ກັນຍາ 2015 ຄື: ຖະໜົນຫົນທາງສະອາດ ລວມທັງສະຄອງຮ່ອງນ້ຳ; ເຄຫາສະຖານສະອາດ; ພາຫະນະສະອາດ; ສາທາລະນະປະໂຫຍດສະອາດ; ໂຮງຈັກ-ໂຮງງານສະອາດ; ການບໍລິໂພກສະອາດ ແລະ ນ້ຳສະອາດ ແລະ ທ້ອງຟ້າ, ອາກາດ ສະອາດ ສົດໃສ.
ເວົ້າສະເພາະກໍແມ່ນ: ອານາໄມທີ່ຢູ່ອາໄສ, ເຮືອນຊານ, ເດີນບ້ານ, ມ້ຽນມັດຂີ້ເຫຍື້ອ, ອານາໄມບ່ອນທີ່ເປິເປື້ອນໃຫ້ສະອາດ, ຖະໜົນຫົນທາງ, ແຄມທາງຍາງ, ທາງຮ່ອມ, ທາງຊອຍ, ອານາໄມສະຄອງຮ່ອງນ້ຳ, ສຳນັກງານ-ອົງການ, ຫ້ອງການ ກໍຄືບໍລິເວນຂອບເຂດບ້ານຂອງຕົນ, ໂດຍອຳນາດການປົກຄອງບ້ານ ຈະເປັນເຈົ້າການນຳພາປະຕິບັດຂະບວນການ, ອົງການປົກຄອງເມືອງຈະເປັນຜູ້ຊີ້ນຳ ນຳພາການຈັດຕັ້ງຂະບວນການ ພາຍໃນເມືອງ 09 ຕົວເມືອງຂອງນະຄອນຫຼວງວຽງຈັນ.
     ອີກເທື່ອໜື່ງ ຂໍຄວາມຮ່ວມແຮງຮ່ວມໃຈ ຈາກຊາວນະຄອນວຽງຈັນເຮົາຊ່ວຍກັນ ເພື່ອເຮັດໃຫ້ນະຄອນຂອງເຮົາ ກາຍເປັນນະຄອນວຽງຈັນສະອາດ ແລະ ບັນລຸໄດ້ຕົວຊີວັດ 6 ສ ໃຫ້ໄດ້ຕາມຄາດໝາຍ.
ຂໍຂອບໃຈ.
(ລາຍລະອຽດອື່ນໆ ເບີ່ງຕາມຈົດໝາຍທາງລັດຖະການຂອງເຈົ້າຄອງນະຄອນຫຼວງວຽງຈັນ ຄັ້ງວັນທີ 1/6/2017)

ຄົ້ນຫາ

ປະຕິທິນ

March 2021
S M T W T F S
28 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 38

ຈຳນວນຜູ້ເຂົ້າຊົມວານນີ້ 47

ຈຳນວນຜູ້ເຂົ້າຊົມອາທິດນີ້ 142

ຈຳນວນຜູ້ເຂົ້າຊົມເດືອນນີ້ 142

ຈຳນວນຜູ້ເຂົ້າຊົມທັງໝົດ 77205

Currently are 8 guests and no members online