ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

17457817 426377441044121 8694835146564017424 n

     ໂຄງການ​ລວງ​ຄອງ​ລະບາຍນ້ຳ​ການ​ຕ້ານ​ແລ້ງ-ຕ້ານ​ຖ້ວມ ຕົວ​ເມືອງນະຄອນຫຼວງ​ວຽງ​ຈັນ ໄດ້​ຈັດ​ຕັ້ງ​ປະຕິບັດ​ມາ​ຫຼາຍ​ປີ​ແຕ່ມາ​ຮອດ​ປັດຈຸບັນ ​ກໍ່​ຍັງ​ສືບຕໍ່​ໄປເລື້ອຍໆ​ເພື່ອ​ເຮັດ​ໃຫ້ການ​ໄຫຼຂອງ​ນ້ຳ​ສະດວກ ເມື່ອ​ກ່ອນ​ໂຄງການ​ໄດ້​ໃຊ້​ງົບປະມານ​ຂອງ​ລັດ ແຕ່​ປັດຈຸບັນ ​ລັດ​ບໍ່​ມີ​ງົບ ​ຈຶ່ງ​ໄດ້​ຫັນມາ​ຊຸກຍູ້​ໃຫ້​ຜູ້​ປະກອບ​ການ​ມີສ່ວນ​ຮ່ວມ​ນຳ​ໃຊ້​ດິນ​ຕະ​ກອນ ​ທີ່ຈົກ​ອອກ​ໄປ​ຂາຍ​ເພື່ອ​ມາ​ເປັນ​ທຶນ ສ່ວນ​ປະຊາຊົນ​ເຮົາ​ໄດ້ຜົນ​ປະໂຫຍດ​ລວງ​ຄອງ​ລະບາຍ ຜ່ານການຈັດຕັ້ງ​ປະຕິບັດ​ຜ່ານ​ມາ​ເຫັນວ່າ ມີ​ຫຼາຍ​ຄົນ​ກໍ່​ມີ​ຄວາມ​ເຂົ້າໃຈ ແລະ ຍັງ​ມີ​ຄົນ​ຈຳນວນ​ໜຶ່ງ​ທີ່​ບໍ່ເຂົ້າໃຈ ​ທີ່​ຈົກ​ເອົາ​ດິນ​ຄອງ​ບຶງທາດຫຼວງ​ໄປ​ຂາຍ ຕໍ່​ບັນຫາ​ດັ່ງກ່າວ​ ພາກສ່ວນ​ກ່ຽວຂ້ອງກໍ່​ຄື​ເຈົ້າ​ຂອງ​ໂຄງການ ກໍ່​ໄດ້​ຊີ້​ແຈງ​ຢ່າງ​ລະອຽດ.
      ທ່ານ ສາຍ​ຄຳ ແພງ​ຄຳ​ມີ ຫົວໜ້າ​ຂະແໜງ​ຊົນລະປະທານພະ​ແນກ​ກະສິກຳ ແລະ ປ່າໄມ້ ນະຄອນຫຼວງ​ວຽງ​ຈັນ ທັງ​ເປັນຫົວໜ້າ​ໂຄງການ​ພັດທະນາ​ຊົນລະ​ປະທານ​ເຂດ​ວຽງ​ຈັນ​ໃຕ້ ໄດ້ໃຫ້​ສຳພາດ​ວັນ​ທີ 21 ມີນາ 2017 ວ່າ: ການຈັດຕັ້ງ​ປະຕິບັດ​ວຽກງານ​ຕ້ານ​ແລ້ງ-ຕ້ານ​ຖ້ວມ ຜ່ານມາ​ກໍ່​ໄດ້​ຈັດ​ຕັ້ງ​ປະຕິບັດ​ລວງ​ຄອງລະບາຍ​ແຕ່​ປີ 2012 ເປັນຕົ້ນ​ມາ ແຕ່​ໃນ​ໄລຍະ​ນັ້ນ​ໂຄງການ​ມີ​ງົບປະມານ​ຈາກ​ລັດຖະບານ 300 ຕື້​ກີບ ນັບ​ແຕ່​ນັ້ນ​ມາ​ເປັນ​ເວລາຫຼາຍ​ປີ​ເຮັດ​ໃຫ້​ຄອງ​ຕື້ນ​ເຂີນ ເນື່ອງ​ຈາກ​ປີ 2017 ເປັນ​ປີ​ຄົບຮອບ 10 ປີ ເກີດ​ສະພາບ​ນ້ຳ​ຖ້ວມໜັກ ເມື່ອ​ເປັນ​ຄື​ແນວ​ນັ້ນ​ຫ້ອງວ່າການ​ປົກຄອງ ນວ ຈຶ່ງ​ໄດ້​ແຈ້ງການ​ເລກ​ທີ 1808 ລົງ​ວັນ​ທີ 3 ຕຸລາ 2016 ໃຫ້​ພະແນກການ ແລະ ເມືອງ ໂດຍ​ສະເພາະ ພະແນກ​ກະສິກຳ ແລະ ປ່າໄມ້ ນວ ໃຫ້​ຮີບ​ຮ້ອນ​ລົງມື​ລວງ​ຄອງ​ລະບາຍ​ນ້ຳ​ຕ້ານ​ຖ້ວມ ດັ່ງນັ້ນ ຂະແໜງ​ຊົນລະປະທານ ຈຶ່ງ​ໄດ້​ຊອກຜູ້​ປະກອບ​ການ​ທີ່​ມີ​ຊ່ຽວຊານດ້ານ​ວິຊາ​ການ ແລະ ມີ​ພາຫະນະ​ກົນ​ຈັກ​ຄົບ​ຊຸດ ​ເພື່ອ​ມາ​ຈັດ​ຕັ້ງປະຕິບັດ​ແຕ່​ຂັ້ນ​ເທິງ​ບໍ່​ມີ​ງົບ​ປະມານ​ສະໜອງ ​ໃຫ້​ຈຶ່ງ​ໄດ້​ປຸກ​ລະດົມ​ຜູ້​ປະກອບ​ການ​ທີ່​ມີ​ທຶນຮອນ ມາ​ຈັດ​ຕັ້ງ​ປະຕິບັດ​ໂດຍ​ໃຫ້​ນຳ​ໃຊ້ຕະ​ກອນ​ທີ່ຢູ່​ໃນ​ບຶງ​ທາດຫຼວງ ແລະ ບ່ອນ​ອື່ນໆ​ທີ່​ມີ​ແຜນ​ລວງ​ໃນ 4 ເມືອງ​ຄື: ເມືອງ​ຫາດ​ຊາຍ​ຟອງ ສີ​ສັດຕະ​ນາກ ໄຊ​ເຊດ​ຖາ ແລະ ໄຊ​ທານີ.
      ຕໍ່​ກັບ​ບັນຫາ​ຫາງ​ສຽງ​ຂອງສັງຄົມ​ຈົ່ມ​ວ່າ ​ກ່ຽວ​ກັບ​ການ​ຈັດຕັ້ງ​ປະຕິບັດ​ວຽກ​ລວງ​ຄອງ​ທີ່​ຜູ້​ປະກອບ​ການ​ເອົາ​ດິນ​ໄປ​ ນຳ​ໃຊ້ ກໍ່​ຄືເອົາ​ໄປ​ຂາຍ​ຮັບ​ໃຊ້​ຜົນ​ປະໂຫຍດ ເຂົາເຈົ້າ​ນັ້ນ​ແມ່ນ​ມີ​ຄວາມ​ຈິງ ເນື່ອງ​ຈາກ​ລັດ​ເຮົາ​ບໍ່​ມີ​ງົບ​ປະມານ​ໃຫ້​ບໍລິສັດ ຈຶ່ງ​ໄດ້​ມອບ​ໃຫ້​ບໍລິ​ສັດ​ເປັນ​ຜູ້​ລວງ ​ໂດຍ​ໃຫ້​ປະຕິບັດຕາມ​ແບບແຜນ​ທີ່​ທາງ​ກົມ​ຊົນ​ລະປະທານ ​ໄດ້​ອອກ​ແບບ​ໄປ​ໃນ​ເມື່ອກ່ອນ​ນັບ​ແຕ່​ບຶງ​ທາດຫຼວງ​ຫາ​ບຶງສາລາ​ຄຳ ແລະ ປະຕູ​ນ້ຳ​ຫ້ວຍໝາກ​ຮຽວ ມີ​ຄວາມ​ກວ້າງ​ແມ່ນ 50 ແມັດ ແຕ່​ລັດ​ຍັງ​ໄດ້​ເກັບ​ອາກອນ​ຕື່ມ​ອີກ​ ຈະ​ເກັບ​ຢູ່​ບ່ອນ​ທີ່​ບໍ​ລິສັດ​ເອົາ​ດິນ​ໄປ​ຖົມ​ໂດຍ​ມີ​ນະ​ໂຍບາຍ​ບໍ່​ເກັບ​ ຢູ່​ບ່ອນ​ຈົກ​ຕົ້ນ​ທາງ ​ຈະໄປ​ເກັບ​ຢູ່​ປາຍທາງ ດັ່ງນັ້ນ ຈຶ່ງຢາກ​ໃຫ້​ສັງຄົມ​ມີ​ຄວາມ​ເຂົ້າໃຈຕໍ່​ໂຄງການ​ດັ່ງກ່າວ ເຊິ່ງ​ການຈັດ​ຕັ້ງ​ປະຕິບັດ​ໂຄງການ ​ເລີ່ມ​ມາແຕ່​ວັນ​ທີ 5 ພະຈິກ 2016 ແລະ ຈະ​ປິດ​ວັນ​ທີ 30 ມິຖຸນາ 2017 ຈະ​ປະຕິບັດ​ຕາມ​ແຈ້ງ​ການ​ຂອງ ​ຍທຂ ປັດຈຸບັນ ໂຄງການ​ມີຄວາມ​ຄືບ​ໜ້າ​ສຳເລັດ 50%.
      ທ່ານ ສາຍ​ຄຳ ແພງ​ຄຳ​ມີ ຍັງ​ໄດ້​ຮຽກຮ້ອງ​ມາ​ຍັງ​ຜູ້​ປະກອບການ​ທຸກ​ຈຸດ ​ທີ່​ໄດ້​ຈັດ​ຕັ້ງ​ປະຕິບັດລວງ​ຄອງ​ລະບາຍ ​ໃຫ້​ເອົາໃຈໃສ່ພະຍາຍາມ​ບໍ່​ໃຫ້​ດິນ​ຕົກເຮ່ຍ​ໃສ່ທາງ ລົດ​ຕ້ອງ​ມີ​ຜ້າ​ປົກ ລ້າງ​ທາງ ສ່ວນ​ພໍ່​ແມ່​ປະຊາຊົນ​ກໍ່​ຕ້ອງ​ເປັນຫູ​ເປັນຕາ​ຊ່ວຍ​ກັນ​ ຖ້າ​ພົບ​ເຫັນ​ຜູ້ປະກອບ​ການ​ໃດ​ເຮັດ​ບໍ່​ຈົບ​ບໍ່​ງາມ ໃຫ້​ລາຍ​ງານ​ມາ​ຍັງ​ຂະແໜງ​ຊົນລະ​ປະທານ ເພື່ອ​ຈະ​ໄດ້​ລົງ​ໄປ​ຕັກເຕືອນ​ຜູ້​ປະກອບ​ການ ​ເພື່ອ​ໃຫ້​ເຂົ້າລະບຽບ ແລະ ຫຼີກ​ລ່ຽງ​ສັງຄົມຈົ່ມ​ວ່າ ພ້ອມ​ນີ້ຍັງ​ຈະ​ໄດ້​ສ້າງ​ສະຕິກ​ເກີ​ຕິດ​ໃສ່​ລົດ​ເພື່ອ​ຕິດຕາມ​ໄດ້ງ່າຍ ທັງ​ນີ້ ເພື່ອ​ຫຼີກ​ລ່ຽງ​ຜູ້​ປະກອບການ​ບ່ອນ​ອື່ນ​ມາ​ສວຍໂອກາດ.

#ນສພວຽງຈັນໃໝ່
#ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ

ຄົ້ນຫາ

ປະຕິທິນ

March 2021
S M T W T F S
28 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 38

ຈຳນວນຜູ້ເຂົ້າຊົມວານນີ້ 47

ຈຳນວນຜູ້ເຂົ້າຊົມອາທິດນີ້ 142

ຈຳນວນຜູ້ເຂົ້າຊົມເດືອນນີ້ 142

ຈຳນວນຜູ້ເຂົ້າຊົມທັງໝົດ 77205

Currently are 13 guests and no members online