ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

16473874 397759127239286 8801732635899768178 n

ພິທີ​ມອບ-ຮັບຫ້ອງ​ສະໝຸດໂຮງຮຽນ ​ມສ ສີ​ທອງ ບ້ານ​ເພຍລາດ ເມືອງ​ສັງ​ທອງ ແລະ ຫ້ອງສະໝຸດ​ໂຮງຮຽນ ​ມສ ພວງ​ໄຊ ບ້ານ​ນາ​ຄັນ​ທຸງ ເມືອງ​ໄຊ​ທານີ ນະຄອນຫຼວງ​ວຽງ​ຈັນ ໄດ້​ຈັດ​ຂຶ້ນວັນ​ທີ 27 ມັງກອນ 2017 ທີ່​ໂຮງຮຽນ ​ມສ ສີ​ທອງ ເປັນ​ກຽດ​ກ່າວມອບ​ໂດຍ​ທ່ານ​ນາງ ວາດ​ສະໜາ ຄຸດ​ໄພທູນ ພັນ​ລະ​ຍາ​ເຈົ້າຄອງ​ນະຄອນຫຼວງ​ວຽງ​ຈັນ ແລະ ກ່າວ​ຮັບ​ໂດຍ​ທ່ານ ສຸ​ລິ​ແສງ ສີຫາ​ລາດ ອຳນວຍ​ການ​ໂຮງຮຽນ ​ມສ ສີ​ທອງ ມີ​ທ່ານ ຄຳ​ໝູນ ຕຽງ​ທະ​ລາດ ເຈົ້າເມືອງ​ສັງ​ທອງ ພັນ​ລະ​ຍາ​ການ​ນຳ​ນະຄອນຫຼວງ ນັກທຸລະກິດ ແລະ ພາກສ່ວນກ່ຽວຂ້ອງ​ເຂົ້າ​ຮ່ວມ.

ທ່ານ​ນາງ ວາດ​ສະໜາ ຄຸດ​ໄພທູນ ໄດ້​ກ່າວ​ວ່າ: ເນື່ອງ​ໃນ​ໂອກາດ​ວັນ​ສ້າງຕັ້ງ​ກອງທັບ ຄົບຮອບ 68 ປີ ດ້ວຍ​ຄວາມ​ລະນຶກເຖິງ​ຄຸນງາມຄວາມດີ​ຂອງ​ບັນ​ພະບູ​ລຸດ ແລະ ວິລະ​ສະຕີ ລະນຶກເຖິງ​ການ​ເສຍສະຫຼະ​ອັນ​ສູງ​ສົ່ງຂອງ​ນັກ​ວິລະ​ຊົນ​ແຫ່ງ​ຊາດ ໃນນັ້ນ ໄດ້​ລວມ​ມີວິລະ​ຊົນ 2 ທ່ານຄື: ວິລະ​ຊົນ ສີ​ທອງ ເມືອງ​ສັງທອງ ແລະ ວິລະ​ຊົນ​ປ້າ ພວງ​ໄຊ ເມືອງ​ໄຊ​ທານີ ເຊິ່ງ​ເປັນ​ບ້ານ​ເກີດຂອງ​ທັງ​ສອງ​ທ່ານ​ວິລະ​ຊົນ ເພື່ອໃຫ້​ລູກ​ຫຼານ​ໄດ້​ຈາລຶກ​ເຖິງ​ບຸນຄຸນ ແລະ ນ້ຳໃຈ​ເສຍສະຫຼະ​ອັນ​ເດັດດ່ຽວ​ເຂົ້າ​ໃນ​ການ​ປະຕິວັດ​ຊາດ ຈຶ່ງ​ໄດ້​ລະດົມ​ທຶນ​ຈຳນວນ​ໜຶ່ງຈາກ​ຄອບຄົວ​ການ​ນຳ ນັກ​ທຸລະກິດ ແລະ ມູນ​ນິທິ​ສົ່ງເສີມ​ການສຶກ​ສາ ເພື່ອ​ກໍ່ສ້າງ​ຫ້ອງ​ສະໝຸດ ໂຮງຮຽນ ​ມສ ສີ​ທອງ ບ້ານ​ເພຍລາດ ເມືອງ​ສັງ​ທອງ ແລະ ຫ້ອງສະໝຸດ​ໂຮງຮຽນ ​ມສ ພວງ​ໄຊ ບ້ານ​ນາ​ຄັນ​ທຸງ ເມືອງ​ໄຊ​ທານີ ມູນ​ຄ່າ​ກໍ່ສ້າງ 109 ລ້ານ​ກີບ.

ນອກຈາກ​ມອບ​ຫ້ອງ​ສະໝຸດແລ້ວ ທາງ​ມູນ​ນິທິ​ສົ່ງເສີມ​ການສຶກ​ສາ​ໄດ້​ນຳ​ຜ້າຫົ່ມ ແລະ ປື້ມຈຳນວນ​ໜຶ່ງ​ ໄປ​ມອບ​ໃຫ້​ກັບ​ສອງໂຮງຮຽນ​ດັ່ງກ່າວ.

ຄົ້ນຫາ

ປະຕິທິນ

March 2021
S M T W T F S
28 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 40

ຈຳນວນຜູ້ເຂົ້າຊົມວານນີ້ 47

ຈຳນວນຜູ້ເຂົ້າຊົມອາທິດນີ້ 144

ຈຳນວນຜູ້ເຂົ້າຊົມເດືອນນີ້ 144

ຈຳນວນຜູ້ເຂົ້າຊົມທັງໝົດ 77207

Currently are 13 guests and no members online