ເຊີດຊູຄວາມສາມາດນຳພາຂອງຄະນະພັກ ເພີ່ມທະວີຄວາມສັກສິດຂອງການບໍລິຫານລັດ ເສີມຂະຫຍາຍປະຊາທິປະໄຕປະຊາຊົນ ເສີມສ້າງສັງຄົມສາມັກຄີປອງດອງ ປຸກລະດົມກຳລັງແຮງທົ່ວສັງຄົມ ພັດທະນານະຄອນຫຼວງວຽງຈັນ ໃຫ້ເປັນນະຄອນທີ່ໜ້າຢູ່ ແລະ ຍືນຍົງ !

15940553 385867145095151 4729360551779891 n    ອຳນາດ​ການ​ປົກຄອງ​ບ້ານໂພນ​ສະຫວາດ​ໃຕ້ ເມືອງ​ສີ​ໂຄດຕະບອງ ນະຄອນຫຼວງ​ວຽງ​ຈັນ ໄດ້​ຈັດ​ພິທີ​ເປີດ​ນຳ​ໃຊ້​ເສັ້ນທາງ ຈຳນວນ 8 ເສັ້ນ​ຢ່າງ​ເປັນ​ທາງການ ໃນ​ວັນ​ທີ 6 ມັງກອນ 2017 ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ແກ້ວ​ພິລາ​ວັນ ອາ​ໄພ​ລາດ ຮອງເຈົ້າ​ຄອງ​ນະຄອນຫຼວງ ທ່ານນາງ ພູ​ວຽງ ແກ້ວ​ວົງ​ວິຈິດ ເຈົ້າເມືອງ​ສີ​ໂຄດ​ຕະບອງ ທ່ານ​ນາງ ມະນີ​ວອນ ວົງ​ສຸ​ລິ ນາຍບ້ານ​ໂພນ​ສະຫວາດ​ໃຕ້ ກ່າວ​ວ່າ: ໂຄງການ​ກໍ່ສ້າງ​ເສັ້ນທາງ​ຈຳນວນ 8 ເສັ້ນ ຢູ່​ບ້ານໂພນ​ສະຫວາດ​ໃຕ້ ແມ່ນ​ເລີ່ມ​ລົງມື​ກໍ່ສ້າງ​ມາ​ແຕ່​ຕົ້ນ​ເດືອນ​ມິຖຸນາ 2016 ແລະ ສຳເລັດ​ການ​ກໍ່ສ້າງໃນ​ທ້າຍ​ເດືອນ​ກັນຍາ​ຂອງ​ປີ​ດຽວກັນ ລວມ​ມູນ​ຄ່າ​ການ​ກໍ່ສ້າງ 1.538.073.000 ກີບ.

 

     ໂດຍ​ທຶນຂອງ​ການ​ກໍ່ສ້າງ​ທັງ​ໝົດ​ນີ້​ ແມ່ນທຶນ​ສົມທົບ​ລະຫວ່າງ​ປະຊາຊົນ ແລະ ບັນດາ​ຫົວໜ່ວຍ​ທຸລະ​ກິດ ພາຍ​ໃນ​ບ້ານ​ຮ່ວມ​ກັນ​ປະກອບສ່ວນ 100% ໃນ​ການ​ກໍ່ສ້າງ ເຊິ່ງ​ເສັ້ນທາງ​ທັງ 8 ເສັ້ນ​ນີ້​ເປັນເສັ້ນທາງ​ເບ​ຕົ້ງ​ເສີມ​ເຫຼັກ ມີຄວາມ​ໜາ 20 ຊັງ​ຕີ​ແມັດ ກວ້າງ 5-6 ແມັດ ມີ​ຄວາມ​ຍາວ​ທັງ​ໝົດ 2.060 ແມັດ.

     ພາຍຫຼັງ​ທີ່​ສຳເລັດ​ການ​ກໍ່ສ້າງເສັ້ນທາງ​ທັງ 8 ເສັ້ນ​ນີ້​ແລ້ວ ຈະອຳນວຍ​ຄວາມ​ສະດວກ​ໃຫ້​ປະຊາຊົນ​ພາຍ​ໃນ​ບ້ານ​ຈຳນວນ 1.289 ຄົນ 224 ຫຼັງຄາ 238 ຄອບຄົວ ມີ​ການ​ດຳລົງ​ຊີວິດ​ທີ່​ດີ​ຂຶ້ນ​ຫຼາຍກວ່າ ​ໃນ​ເມື່ອ​ກ່ອນ ​ໃນ​ລະດູແລ້ງກໍ່​ມີ​ຂີ້ຝຸ່ນ ແລະ ລະດູຝົນ​ມີ​ຫຼຸມມີ​ບໍ່ ​ສ້າງ​ຄວາມ​ຫຍຸ້ງຍາກ​ໃຫ້​ແກ່ການ​ສັນຈອນ​ໃນ​ເຂດ​ດັ່ງກ່າວ ໃນຕອນ​ທ້າຍ​ຂອງ​ພິທີ​ທາງ​ອຳນາດການ​ປົກຄອງ​ບ້ານ​ດັ່ງກ່າວ ຍັງ​ໄດ້ມອບ​ໃບ​ຍ້ອງຍໍ​ຊົມເຊີຍ​ໃຫ້​ແກ່​ບັນດາ​ຫົວໜ່ວຍ​ທຸລະ​ກິດ ແລະ ປະຊາ​ຊົນ​ຈຳນວນ 166 ທ່ານ ທີ່​ໄດ້ປະກອບສ່ວນ​ທຶນຮອນ​ຂອງ​ຕົນ ເຂົ້າ​ໃນ​ການ​ກໍ່ສ້າງ​ເສັ້ນທາງ​ດັ່ງກ່າວ​ນີ້.

 

 

 Vientiane New day/ວຽງຈັນວັນໃໝ່

ຄົ້ນຫາ

ປະຕິທິນ

March 2021
S M T W T F S
28 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

ສະຖານທີ່ທ່ອງທ່ຽວ

ພະທາດຫຼວງ
ປະຕູໄຊ
ຫໍພະເແກ້ວ
ວັດຊຽງຄວນ
ວັດສີສະເກດ

ຜູ້ເຂົ້າຢ້ຽມຊົມ

ຈຳນວນຜູ້ເຂົ້າຊົມມື້ນີ 39

ຈຳນວນຜູ້ເຂົ້າຊົມວານນີ້ 47

ຈຳນວນຜູ້ເຂົ້າຊົມອາທິດນີ້ 143

ຈຳນວນຜູ້ເຂົ້າຊົມເດືອນນີ້ 143

ຈຳນວນຜູ້ເຂົ້າຊົມທັງໝົດ 77206

Currently are 16 guests and no members online